මාධ්‍යවේදී ප්‍රගීත් රන්ජන් බණ්ඩාර එක්නැලිගොඩ පැහැරගෙන ගොස් අතුරුදන් කරවීම සම්බන්ධව ජූරි සභාවක් නොමැතිව ත්‍රිපුද්ගල මහාධිකරණ විනිසුරු මඬුල්ලක් හමුවේ විශේෂ අධිකරණ විභාගයක් පැවැත්වීමට අවසර දෙන ලෙසට අගවිනිසුරු ජනාධිපති නීතිඥ ජයන්ත ජයසූරිය මහතාගෙන් නීතිපති ජනාධිපති නීතිඥ දප්පුල ද ලිවේරා මහතා ඊයේ (09) ලිඛිත ඉල්ලීමක් කළේය.

එක්සත් ජාතීන්ගේ සංවිධානය ඇතුළුව විදෙස් තානාපතිවරුන්ගේ විශේෂ අවධානයට යොමු වී දෙස් විදෙස්හි ඉමහත් ආන්දෝලනයකට තුඩුදීම හා නඩුවේ සංකීර්ණ බව හා බැරෑරුම් බව හේතුවෙන් අපරාධ නඩු විධාන සංග්‍රහ පනතේ 450 (04) වන වගන්තිය යටතේ විශේෂ අධිකරණ විභාගයක් පැවැත්වීමේ අවශ්‍යතාව පෙනීයෑමෙන් නීතිපතිවරයා මේ පියවර ගත් බව නීතිපතිවරයාගේ සම්බන්ධීකරණ නිලධාරිනී රජයේ අධිනීතිඥ නිෂාරා ජයරත්න මහත්මිය පැවැසුවාය.

ඒ අනුව යුද හමුදාවේ කර්නල්වරුන් දෙදෙනකු ඇතුළුව යුද හමුදාවේ නමදෙනකු හමුවේ අධිචෝදනා ඉදිරිපත් කිරීමට නීතිපතිවරයා කටයුතු කරනු ඇත. එම චුදිතයන් වන්නේ ශම්මි අර්ජුන් කුමාරරත්න, ආර්. එම්. පී. කේ. රාජපක්ෂ නොහොත් නාදන්, වඩුගෙදර විනී ප්‍රියත්න, ඩිලන්ජන් උපසේන නොහොත් සුරේෂ්, සෙනවිරත්න මුදියන්සේලාගේ රවීන්ද්‍ර රූපසේන නොහොත් රවී, යාපා මුදියන්සේලාගේ චමින්ද කුමාර අබේරත්න, සෙ‍නවිරත්න මුදියන්සේලාගේ කනිෂ්ක ගුණරත්න, අයියසාමි බාලසුබ්‍රමනියම්, දංගහ ගමරාළලාගේ තරංග ප්‍රසාද් ගමගේ, ටී. ඊ. ආර්. පීරිස් යන අයවළුන්ය.

චුදිතයන් නමදෙනා ගිරිතලේ යුද හමුදා බුද්ධි අංශයේ රාජකාරි කර තිබේ.චුදිතයන් නමදෙනාගේම දුරකථන ඇමතුම් දත්ත මඟින් මේ සිදුවීමට ඔවුන් සම්බන්ධ බවට තහවුරු වී තිබෙන අතර මාධ්‍යවේදී ප්‍රගීත් එක්නැලිගොඩ පැහැරගෙන යෑම, මිනීමැරීමට කුමන්ත්‍රණය කිරීම, අයුතු ලෙස සිරගත කර තිබීම ඇතුළුව චුදිතයන්ට එරෙහිව චෝදනා දහහතකි.

මාධ්‍යවේදී එක්නැලිගොඩ පැහැරගෙන තිබෙන්නේ වසර 2010 ජනවාරි 24 දා රාජගිරියේදීය. පැහැර ගැනීමෙන් පසුව ගිරිතලේ යුද හමුදා කඳවුර වෙත රැගෙන ගොස් ඇ.ති බවට තොරතුරු අනාවරණය වී ඇත.

ප්‍රධාන සාක්ෂිකරු වන හිටපු හමුදා නිලධාරි රංබණ්ඩා ජයසුන්දරගේ සාක්ෂි මඟින් හෙළිදරව් වී තිබෙන්නේ එක්නැලිගොඩ ඝාතනය කිරීමට කුමන්ත්‍රණයක් සිදු වුණ බවයි. ඊට හේතු වී තිබෙන්නේ ගිරිතලේ කඳවුරේ දී එක්නැලිගොඩගෙන් ප්‍රශ්න කළ උදවිය පැහැදිලිව ඔහු හඳුනාගත් නිසාය. ප්‍රශ්න කිරීමේදී එක්නැලිගොඩගේ දෙනෙත් බැඳ තිබුණු ආවරණය ඉවත් කර තිබී ඇත. යම් හෙයකින් එක්නැලිගොඩ නිදහස් කළහොත් ප්‍රශ්න කළ පිරිස හඳුනා ගැනීම නිසා අපරාධමය වගකීමකට ඔවුන් යටත්වීමට හැකි නිසා එක්නැලිගොඩ ඝාතනය කිරීමට කුමන්ත්‍රණය සිදුව තිබේ. ප්‍රධාන සාක්ෂිකරු හෝමාගම මහේස්ත්‍රාත්වරයකු ඉදිරියේ පාපොච්චාරණයක් සිදුකර තිබේ. සාක්ෂිකරු එවකට පළවන චුදිත යටතේ සේවය කර තිබේ.

ගිරිතලේ කඳවුර තුළ සිදු වුණ මේ නඩුවට අදාළ සිද්ධීන් පිළිබඳ චුදිතයන්ගේ සහභාගිත්වය ප්‍රධාන සාක්ෂිකරු ‍තහවුරු කර ඇත. සාක්ෂිකරුගේ ප්‍රකාශයේ කරුණු චුදිතයන්ගේ දුරකථන ඇමතුම් වාර්තා සහ දුරකථන කුලුනු වාර්තා මඟින් තහවුරු වී තිබේ.

ප්‍රියන්ත රාජපක්ෂ සහ රූපසේන චුදිතයන් උදෑසන කාලයකදී එක්නැලිගොඩගේ දෙනෙත් බැඳ චුදිත කුමාරරත්නට බාරදීමට එක්නැලිගොඩ ගිරිතලේ කඳවුරෙන් ගෙන ගොස් තිබේ. චුදිතයන් කිහිපදෙනකු ගිරිතලේ කඳවුරෙන් පිටවී අඩලච්චේන සහ අක්කරෙයිපත්තුවට ගිය බවට සාක්ෂි තිබේ. ඊට මාස 4 කට පසු චුදිත පීරිස්ගේ නියමයෙන් කඳවුරේ තිබුණ තොරතුරු සටහන් ලේඛන විනාශ කර තිබේ. බුද්ධි රාජකාරි සඳහා භාවිත කළ සියලු ලේඛන ඇතුළු පොත් මේජර් පීරිස් බාරයට ගෙන ඇත.

- A word from our sposor -

spot_img

එක්නැලිගොඩ නඩුවට විශේෂ අධිකරණ විභාගයක්

අවුරුදු සිරිත් රැක ගැනීමේ වගකීම කාන්තාවන්ටයි

වසරක් පාසාම අලුත් අවුරුද්ද උදා වුනත් එදා අපේ ආච්චිලා සීයලා කරපු චාරිත්‍ර වලින් චාරිත්‍ර බොහොමක් අද වනවිට අපෙන් ගිලිහි යමින් පවතිනවා. එකට හේතුව තමයි...

ජාතින් අතර අසමගිකම් ඇතිවන අයුරින් ප්‍රකාශ සමාජ මාධ්‍ය ජාලා ඔස්සේ ප්‍රචාරය කල පාසල් සිසුන් දෙදෙනෙකු අත්අඩංගුවට

ජාතින් අතර අසමගිකම් ඇතිවන අයුරින් සමාජ ජාලා වල ප්‍රකාශයන් ප්‍රචාරය කල වයස අවුරුදු 17 - 18 පාසල් සිසුන් දෙදෙනෙකු රහස් පොලිසිය විසින් අත්අඩංගුවට ගෙන...

ඇයි ලිංගික හර්පිස් රෝගය නිට්ටාවට සුව කල නොහැකි

අපි සමාජය තුල බහුලවම දකින තවත් රෝග තත්වයක් තමයි හර්පිස් ( Genital herpes ) කියන්නේ, නැත්නම් Herpes simplex කියන රෝග තත්වය. ලිංගික හර්පිස් කියලා...

උසින් අඩුනම් වඩාත් දිගට ඇඳුම් අඳින්න එපා

උසින් අඩු කාන්තාවන් තමන්ගේ උස වැඩිකර පෙන්වීමට බොහෝවිට කරන්නේ වඩා උසින් යුතු පාවහන් පැළදීමයි. එහෙත් උසින් වැඩි පාවහන් නිතර පැළඳීම ශරිර්යට හිතකර නැති බවයි...

කොහොමද පවුල් සැලසුම් ක්‍රමයක් නිසි ආකාරව භාවිතා කරන්නේ – 3 කොටස

පවුල් (family planning) සංවිධාන ක්‍රම අපි භාවිතා කරන්නේ යුවලකට පළමුවෙනි දරුවා පමා කරගැනීමට සහ දරුවෙක් ලැබුනට පසුව ( එක්කෙනෙක් හෝ දෙදෙනෙක් හෝ ඊට වැඩි...

කෝමාරිකා සංයෝගය සහිත නව සර්ෆ් එක්සෙල්

පවුලේ අනාගතය හැඩගැස්වීමට සුවිසල් දායකත්වයක් ලබා දෙන ඔබේ දෑත්වලට උපහාර පුද කරන කෝමාරිකා ( Aloe vera ) සංයෝගය සහිත නව සර්ෆ් එක්සෙල්..   ඔබේ දෑත ඔබේ...

මුදල් නැතිව මුදල් සොයන බිස්නස් කලාව

පුංචි පුංචි බිස්නස් වලින් ගොඩ එන්න උත්සහ කරන පුංචි ව්‍යාපාරිකයන්ට සල්ලි නැතිව සල්ලි හොයන ක්‍රම කිහිපයක් ගැනයි අපි ඔබට කියල දෙන්න යන්නේ. ඉතින් අපි...

විවාහපත් කාන්තාවනි ඔබ ඇයි මෙතරම් තරබාරු වෙන්නේ

අද සමාජයේ දක්නට ලැබෙන තරබාරු (fat) අය අතුරින් බොහෝ දෙනෙක් කාන්තාවෝ ( married women) වෙති. එයට හේතු වන කරුණු අපට සමාජය තුලින්ම සොයාගැනීම අපහසු නොවේ....

ජනප්‍රිය නිළි අංජුලාට මංගල සීනු

අංජුලා රාජපක්ෂ විවාහ දිවියට එළඹ ඇත. ඔවුන්ගේ විවාහයේ සාක්ෂිකරු ලෙස හිටපු ජනපති මහින්ද රාජපක්ෂ මහතා අත්සන් තබා ඇත.