මාධ්‍යවේදී ප්‍රගීත් රන්ජන් බණ්ඩාර එක්නැලිගොඩ පැහැරගෙන ගොස් අතුරුදන් කරවීම සම්බන්ධව ජූරි සභාවක් නොමැතිව ත්‍රිපුද්ගල මහාධිකරණ විනිසුරු මඬුල්ලක් හමුවේ විශේෂ අධිකරණ විභාගයක් පැවැත්වීමට අවසර දෙන ලෙසට අගවිනිසුරු ජනාධිපති නීතිඥ ජයන්ත ජයසූරිය මහතාගෙන් නීතිපති ජනාධිපති නීතිඥ දප්පුල ද ලිවේරා මහතා ඊයේ (09) ලිඛිත ඉල්ලීමක් කළේය.

එක්සත් ජාතීන්ගේ සංවිධානය ඇතුළුව විදෙස් තානාපතිවරුන්ගේ විශේෂ අවධානයට යොමු වී දෙස් විදෙස්හි ඉමහත් ආන්දෝලනයකට තුඩුදීම හා නඩුවේ සංකීර්ණ බව හා බැරෑරුම් බව හේතුවෙන් අපරාධ නඩු විධාන සංග්‍රහ පනතේ 450 (04) වන වගන්තිය යටතේ විශේෂ අධිකරණ විභාගයක් පැවැත්වීමේ අවශ්‍යතාව පෙනීයෑමෙන් නීතිපතිවරයා මේ පියවර ගත් බව නීතිපතිවරයාගේ සම්බන්ධීකරණ නිලධාරිනී රජයේ අධිනීතිඥ නිෂාරා ජයරත්න මහත්මිය පැවැසුවාය.

ඒ අනුව යුද හමුදාවේ කර්නල්වරුන් දෙදෙනකු ඇතුළුව යුද හමුදාවේ නමදෙනකු හමුවේ අධිචෝදනා ඉදිරිපත් කිරීමට නීතිපතිවරයා කටයුතු කරනු ඇත. එම චුදිතයන් වන්නේ ශම්මි අර්ජුන් කුමාරරත්න, ආර්. එම්. පී. කේ. රාජපක්ෂ නොහොත් නාදන්, වඩුගෙදර විනී ප්‍රියත්න, ඩිලන්ජන් උපසේන නොහොත් සුරේෂ්, සෙනවිරත්න මුදියන්සේලාගේ රවීන්ද්‍ර රූපසේන නොහොත් රවී, යාපා මුදියන්සේලාගේ චමින්ද කුමාර අබේරත්න, සෙ‍නවිරත්න මුදියන්සේලාගේ කනිෂ්ක ගුණරත්න, අයියසාමි බාලසුබ්‍රමනියම්, දංගහ ගමරාළලාගේ තරංග ප්‍රසාද් ගමගේ, ටී. ඊ. ආර්. පීරිස් යන අයවළුන්ය.

චුදිතයන් නමදෙනා ගිරිතලේ යුද හමුදා බුද්ධි අංශයේ රාජකාරි කර තිබේ.චුදිතයන් නමදෙනාගේම දුරකථන ඇමතුම් දත්ත මඟින් මේ සිදුවීමට ඔවුන් සම්බන්ධ බවට තහවුරු වී තිබෙන අතර මාධ්‍යවේදී ප්‍රගීත් එක්නැලිගොඩ පැහැරගෙන යෑම, මිනීමැරීමට කුමන්ත්‍රණය කිරීම, අයුතු ලෙස සිරගත කර තිබීම ඇතුළුව චුදිතයන්ට එරෙහිව චෝදනා දහහතකි.

මාධ්‍යවේදී එක්නැලිගොඩ පැහැරගෙන තිබෙන්නේ වසර 2010 ජනවාරි 24 දා රාජගිරියේදීය. පැහැර ගැනීමෙන් පසුව ගිරිතලේ යුද හමුදා කඳවුර වෙත රැගෙන ගොස් ඇ.ති බවට තොරතුරු අනාවරණය වී ඇත.

ප්‍රධාන සාක්ෂිකරු වන හිටපු හමුදා නිලධාරි රංබණ්ඩා ජයසුන්දරගේ සාක්ෂි මඟින් හෙළිදරව් වී තිබෙන්නේ එක්නැලිගොඩ ඝාතනය කිරීමට කුමන්ත්‍රණයක් සිදු වුණ බවයි. ඊට හේතු වී තිබෙන්නේ ගිරිතලේ කඳවුරේ දී එක්නැලිගොඩගෙන් ප්‍රශ්න කළ උදවිය පැහැදිලිව ඔහු හඳුනාගත් නිසාය. ප්‍රශ්න කිරීමේදී එක්නැලිගොඩගේ දෙනෙත් බැඳ තිබුණු ආවරණය ඉවත් කර තිබී ඇත. යම් හෙයකින් එක්නැලිගොඩ නිදහස් කළහොත් ප්‍රශ්න කළ පිරිස හඳුනා ගැනීම නිසා අපරාධමය වගකීමකට ඔවුන් යටත්වීමට හැකි නිසා එක්නැලිගොඩ ඝාතනය කිරීමට කුමන්ත්‍රණය සිදුව තිබේ. ප්‍රධාන සාක්ෂිකරු හෝමාගම මහේස්ත්‍රාත්වරයකු ඉදිරියේ පාපොච්චාරණයක් සිදුකර තිබේ. සාක්ෂිකරු එවකට පළවන චුදිත යටතේ සේවය කර තිබේ.

ගිරිතලේ කඳවුර තුළ සිදු වුණ මේ නඩුවට අදාළ සිද්ධීන් පිළිබඳ චුදිතයන්ගේ සහභාගිත්වය ප්‍රධාන සාක්ෂිකරු ‍තහවුරු කර ඇත. සාක්ෂිකරුගේ ප්‍රකාශයේ කරුණු චුදිතයන්ගේ දුරකථන ඇමතුම් වාර්තා සහ දුරකථන කුලුනු වාර්තා මඟින් තහවුරු වී තිබේ.

ප්‍රියන්ත රාජපක්ෂ සහ රූපසේන චුදිතයන් උදෑසන කාලයකදී එක්නැලිගොඩගේ දෙනෙත් බැඳ චුදිත කුමාරරත්නට බාරදීමට එක්නැලිගොඩ ගිරිතලේ කඳවුරෙන් ගෙන ගොස් තිබේ. චුදිතයන් කිහිපදෙනකු ගිරිතලේ කඳවුරෙන් පිටවී අඩලච්චේන සහ අක්කරෙයිපත්තුවට ගිය බවට සාක්ෂි තිබේ. ඊට මාස 4 කට පසු චුදිත පීරිස්ගේ නියමයෙන් කඳවුරේ තිබුණ තොරතුරු සටහන් ලේඛන විනාශ කර තිබේ. බුද්ධි රාජකාරි සඳහා භාවිත කළ සියලු ලේඛන ඇතුළු පොත් මේජර් පීරිස් බාරයට ගෙන ඇත.

එක්නැලිගොඩ නඩුවට විශේෂ අධිකරණ විභාගයක්

කරපු වැරදි ගැන කවදාවත් පසුතැවෙන්නේ නෑ ඒ දෙවල් ඉදිරි ගමනට පන්නරය කරගත් කථාවක්

සත්‍ය සිදුවිමකී...නම් ගම් සියල්ලක් පසා සත්‍ය සිදුවිමේ චරිතයන්මය නැවතිමේ තිතේ ඉදන් සත්‍ය ලෙසම සිදු වූ සිදුවිම් මගේ ඇගිලි තුඩු මතින් ගොණු කර පාඨක ඔබට.... කිසිම දිනක...

මේ මගේ කතාව – 04 කොටස

මම නෙත්මි. අවුරුදු 18ක දුවෙක් ඉන්න අවුරුදු 40ක අම්මා කෙනෙක්. බිරිඳක් නෙමෙයි. බිරිඳක් වෙලා හිටියද කියන්න නම් මමත් දන්නේ නෑ. අවුරුද්දක් වගේ කාලයක් මහ...

ඉන්දියානු රුමතියන්ගේ රුපලාවන්‍ය රහස්

ඉන්දියාව කියන්නේ ලෝකයේ ලස්සනම කාන්තාවන් සිටින රටවල් අතුරින් ප්‍රමුඛ ස්ථානයක් ගන්නා රටක්. ඒ වගේම ලස්සන කාන්තාවන් වදින ප්‍රමාණයක් ඉන්න රට තමයි ඉන්දියාව. මොකක්ද මේ...

කාර්යාලයට යන යුවතියන්ට ගැලපෙන්නේ මෙන්න මේ විදිහටයි

රැකියාවක් කරන කාන්තාවන් ගොඩක් වෙලාවට අපහසුතාවයට පත්වෙන්නේ රැකියාවට ගැලපෙන්න ඇඳුමක් තෝරන්න ගියාම තමයි. වෘත්තිමය පෙනුමයි විලාසිතාවයි අතර එහෙට මෙහෙට කැරකෙන වෙලාවල් අපිට ඕනි තරම්...

තමන්ගේ සුන්දරත්වය ගැන සිතා ලත වෙන තරුණියන්ට සෝනම් කපුර්ගෙන් අපුරු ලිපියක්

තරුණියන් වඩාත් සැලකිලිමත් වන්නේ තමත්ගේ රූපය ගැන එයාලා වඩාත් පහැපත්ව ලස්සනට තියාන්න ඔවුන් විවිධ වූ දේවල් සිදු කරනවා ඇතැම් තරුණියන් ප්‍රසිද්ධ නිළියන් අනුගමනය කරමින්...

කණ්ණාඩි දාන අයට විශේෂයි

කණ්ණාඩි කියන්නේ අවශ්‍යතවයන්ටත් වඩා ෆැෂන් එකක් විදිහට පාවිච්චි කරන දෙයක් වෙලා.කණ්ණාඩි පාවිච්චි කරන යුවතියන් මේකප් කරනකොට දෙවරක් හිතන්න ඕනි.විශේෂයෙන් ඝනකම් රාමුවක් සහිත කණ්ණාඩි පැළදිමේදී...

අලුත් අවුරුදු කෑම මේසයේ අමුත්තන්ට පිළිගන්වන්න අලුත් විදිහේ කෑම ටිකක් හදමු

මේ ළඟ ළඟ එන සිංහල හින්දු අලුත් අවුරුද්දට ගෙදරට එන අමුත්තන්ට පිළිගන්වන්න අපි අලුත් විදිහේ කෑම වර්ග ටිකක් හදමු.   බනානා බ්‍රෙඩ් අවුරුදු කාලයේදී සෑම ගෙදරකම පිරිලා...

සුරූපී නිළිය ශ්‍රී දෙවි වයස 54දී මිය යයි.

සුරූපී නිළිය වයස 54දී මියගොස් ඇත. ඇය මියගොස් ඇත්තේ සෙනසුරාදා රාත්‍රියේ ඩුබායි හිදී පවුලේ මංගල උත්සවයකට සහභාගී සිටි අතරතුරදී. ඇය ඉපදී ඇත්තේ 1963 අගෝස්තු...

92 පසුකළ අයිරාංගනීගේ අපි කව්රුත් නොදත් කතාව

සුවහසක් ලාංකේය ප්‍රේක්ෂක ජනතාවගේ අපමණ ගෞරවාදරයට පාත්‍ර වූ අයිරාංගනී සේරසිංහ නම් සම්මානනීය රංගන ශිල්පිනිය පසුගිය ජුනි 21 වැනි දින කලා ලොව හිතමිත්‍රාදීන්...