රසට කෑම හදන්න දන්නවා කියන එක ගෘහණියට තියෙන අභාරණයක්. එවැනි ගෘහනියකට තියෙන වටිනාකම හරි ඉහලයි. ඉතින් මේ ලිපියෙන් අපි ඔබට කියල දෙන්නේ සාමාන්‍යයෙන් හදන කම වේල වඩාත් රසවත් කරගන්න පුළුවන් පුංචි රහස් කිහිපයක්.
සුප් එකක් හදන විට ලුණු ටිකක් වැඩි උනොත් සිහින් පොල් කැලි කිහිපයක් සුප් බඳුනට එක කරන්න.
කැරට් සම්බෝල හදන විත කැරට් සිහින්ව ගා ගැනීමට ග්‍රේටර් එක භාවිතා කරන්න. ඒ වගේම කැරට් සම්බෝල බාගෙට ඉදුණු තක්කාලි ගෙඩියක් සිහින්ව කපා එකතු කිරීමෙන් වැඩි රසයක් ලැබේවි.
බණ්ඩක්කා ව්‍යංජනය සාදන විට ඊට ගොරක කැල්ලක් එකතු කරන්න. එවිට සෙවල ගතිය ඉවත් වේවි.
පලා කොළ මැල්ලුම වඩාත් රසවත් වීමට නම් කොළ වර්ග කිහිපයක් එකතු කර කවලම් මැල්ලුමක් හදන්න.
අළු කෙසෙල් පොතු වලින් රසවත් මැල්ලුමක් හදන්න පුළුවන්. ඒ නිසා අළු කෙසෙල් උයන වෙලාවට පොත්ත විසි කරන්න එපා.
පාන් වාටි අව්වේ වේලා කුඩු කරගත් විට කට්ලට්, රෝල්ස් හදන වෙලාවට බිස්කට් කුඩු ඕනි වෙන්නේ නෑ .
හාල් මැස්සන් ඔලු විසිකරන්න එපා. ඒවා සෝදා වේලා කබලේ බැඳ කුඩු කරගත් විට ලුණු මිරිසට හෝ පොල් සම්බෝලයට එකතු කරගන්න පුළුවන්. කෘත්‍රිම රසකාරක වලට වඩා වැඩි රසයක් එයින් ලැබේවි.
කිරි තේ එකක් හදන වෙලාවට එයට කරාබු නැට්ටක් හෝ ඉඟුරු ස්වල්පයක් එකතු කරගන්න. වැඩි රසයක් එයින් ඔබට ලැබේවි.
පොලොස් ඇඹුලට ගොරකා වෙනුවට වේලා ගත් බිලින් ගෙඩි කිහිපයක් එක් කරන්න. හරිම රසවත් පොලොස් ඇඹුලක් ඔබට ලැබේවි.
නුඩ්ල්ස් පිළියෙළ කරන වෙලාවට එළවලු ඉතාම සිහින් ව ලියා එයට එකතු කරන්න.
කකුළුවන්, ඉස්සන්, දැල්ලන් පිසින විට එයට මුරුංග කොළ කිහිපයක් එකතු කරන්න. අහාරයේ ඇති අධික උෂ්ණ ගතිය එයින් අඩු වේවි. මුරුංගා කොළ සොයා ගනිඉමට අපහසු නම් නිවිති කොළ කිහිපයක් එකතු කරන්න.
ලුනුදෙහි බෝතලයට වියලි ගම්මිරිස් ඇට කිහිපයක් හා කොච්චි කරල් කිහිපයක් එකතු කරන්න. හරි අපුරු වෙනසක් ලැබේවි.
