Tuesday, April 16, 2024

Top 5 This Week

Related Posts

හැමදාම තරුණ බව තියාගන්න නම්

අවුරුදු 30 වෙනකොට තමයි අපිට දැනෙන්න පටන් ගන්නේ අපිත් දැන් වැඩිහිටියෝ වෙලා කියල. පිස්සු නට නටා අම්මගෙන් බැනුම් අහ අහා හිටපු කාලේ ඉවරයි කියලා හිතෙනකොටත් දුකයි නේද? ජිවිතේ වගකිම් වෙනස් වෙලා , සැමියා එක්ක දරුවන් එක්ක ගෙවන ජීවිතේට තවමත් හරියටම හුරු වෙලා නෑ කියල වෙලාවකට හිතෙනවා නේද? විවාහයට කලින් නම් මේක් අප් , කොන්ඩා මෝස්‌තර , ඇඳුම් පැළඳුම් ගැන කොච්චර නම් හිතුවද? එත් දැන් තියෙන අලුත් වගකීම් එක්ක සමහර වෙලාවට ඔබට ඔබ ගැනම අමතක වෙලා ඇති. එත් එක එච්චර හොඳ දෙයක් නම් නෙමෙයි.
තරුණ වියේදී කරා වගේ වගේ ඔබේ ශරීරයට සාත්තුවක් නොදක්වා , ආහාර පුරුදු නිසිලෙස පාලනට නොකර හිටියොත් මැදිවියට එළඹෙන විට ඔබටත් හිතාගන්න බැරි විදිහට ශාරීරික පිරිහීමක් , අවලස්සනක් පෙන්න පටන් ගන්න එක වලක්වා ගන්න බැරි වේවි. ශාරීරික සුවතාවය ක්‍රම හරියට පවත්වාගෙන යන කෙනෙක් එක්ක කටයුතු කරන්න වුනොත් ඔබව මානසිකව කඩා වැටෙන්නත් පුළුවන්. අපට සමාජයේ සුවුශේෂී චරිතයක් වෙන්න, දරුවාගේ පාසලේ පන්තියේ දෙමවුපියන් අතර කැපී පෙනෙන කෙනෙකු වෙන්න බැරි කමක් නෑ . එකට ඕනි වෙන්නේ අවංක උවමනාවක් විතරයි. එවිට අවශ්‍ය කරන කාලය හොයන්න එක මහා ලොකු දෙයක් නෙමෙයි. ඔබ ඉදිරියට ගියේ නැත්නම් සමාජයේ ඔබට හිමි තැන දිනාගන්න බැරි වේවි.
අනෙක් සියලුම දේවල් සාර්ථක කරගන්න නම් නිරෝගී කයක්, ප්‍රසන්න පෙනුමක් තිබිය යුතුමයි. ඒ සඳහා විශාල මුදලක් ඕනි වෙන්නේ නෑ . අවශ්‍ය වෙන්නේ සිත තුල ධනාත්මක සිතුවිලි කිහිපයක් වර්ධනය කර ගැනීම විතරයි. එකට මේ තියෙන සරල දේවල් ක්‍රියාත්මක කරලා බලන්න ඔබට පුළුවන්.

1. දිනපතා ප්‍රබෝධයෙන් අවදිවන්න. උදේට කන්නාඩියක් ඉදිරියට ගිහින් ඔබ ඔබටම සිනාසෙන්න. සිනහව ඔබේ ජීවිතය ප්‍රබෝධමත් කරන දිව්‍ය ඔසුවකි.

2. හොඳින් හුස්ම ගන්න. අප කවුරුත් හුස්ම ගන්නේ බාගෙට. එහෙම නැතුව පෙනහළු පිරෙන්න ගැඹුරු හුස්ම කිහිපයක් දිනකට ගන්න.

3.සතියකට වරක් ඉර උදාව හෝ ඉර බැසීම නරඹන්න. ඒ අවස්ථාවන් සභාවධර්මයේ සුන්දරම අවස්ථාවන් වෙනවා.

4. උණුසුම් වතුර කෝප්ප 3ක් වත් දිනකට පානය කරන්න. සතියකට දින දෙකක් උණුසුම් වතුරින් ස්නානය කරන්න. වතුර රත් කරන කොට එකට අමු කහ කැබලි කිහිපයක් , වෙනිවල්ගැට කෑල්ලක් , සුදු හඳුන් කෑල්ලක් එකතු කරන්න පුළුවන් වඩාත් ගුණදායකයි.

5. හැකිනම් සතියකට දින දෙනක් උපවාසයෙන් ගත කරන්න. ඔබේ ගතට සැහැල්ලුවක් දැනෙයි.

6. නිතර මිහිරි සංගීතයට සවන් දෙන්න. ඉඳහිට ප්‍රිය කරන ගීතයක් සෙමෙන් මුමුනන්න.

7. පිරිසිඳු ජලය ලීටර් 3ක් වත් දිනකට පානය කරන්න.

8 නැවුම් එළවලු පලතුරු නිතර අහාරයට ගන්න. එළවලු ඔබේ ගෙවත්තේම සකසා ගන්න පුළුවන් නම් ලෙඩ රෝග ගණනාවකින් බේරිලා ඉන්න පුළුවන් වෙනවා.

9. සුවසේ නිදන්න. අඩුම තරමින් පැය 8ක්වත් නිදාගන්න. නිදාගන්න වෙලාවට පැය 3කට කලින්වත් රාත්‍රී ආහාරය ගන්න.

10.දිනකට පැයක් ව්‍යායාම වල යෙදෙන්න.

11. සිතේ සතුටට මුල් තැන දෙන්න. කොතරම් කාර්ය සතුටින් සැහැල්ලුවෙන් ඉන්න. හැකිනම විනාඩි 30ක් වත් දිනකට භාවනා කරන්න. ඔබට පුදුම සැහැල්ලුවක් දැනෙයි.

මේ කරුණු ගැන සැලකිලිමත් උනොත් තරුණ පෙනුම හැමදාම තියාගන්න පුළුවන් වෙයි. බාහිර ආලේපන භාවිතා නොකර පිරිසක් ඉදිරියේ කැපී පෙනෙන්න ඔබටත් හැකි වේවි.

– අන්තර්ජාල ඇසුරින්

Popular Articles