දරුවකු කුඩා කල විශිෂ්ට වෘත්තිකයකු කරා ගෙන යන ගමනේදී අධ්‍යාපනය පමණක් නොවේ ඔහු / ඇය ඔවුනොවුන්ගේ ජිවිතයට ගත යුතු බොහෝ ගුණාංග තිබෙනවා.
අකාල්ප සහ ආත්ම විශ්වාසය
ආත්මාභිමානය ඕනෑම දෙයක් කිරීමේදී අත්තිවාරම වන්නේ මෙයයි.ආත්ම විශ්වාසය නොමැති නිසා අභියෝග වලට මුහුණ දීමට ඇති නොහැකියාව බොහෝ දෙනෙකු තුල දක්නට ලැබෙනවා. මෙය දියුණු වීමට ඇති ප්‍රධාන බාධකයයි. බොහෝ දෙනෙකු කියන්නේ මට ‘බැහැ’ ‘අමාරුයි’ ‘මට ලෙඩ’ ‘මගේ කාරුමෙ’ යන ආකල්ප මත හිඳ තම ආකල්ප මෙහෙය වනවා. පසුව එය මානසිකව බලපානවා. මෙය නැවැත්විය යුතුමයි. ඔබට පමණයි මෙය වෙනස්කළ හැක්කේ. ඒ සඳහා මුලිම තමා වෙනස් විය යුතුයි. පසුව සුභවාදී ආකල්ප ඔබේ ජිවිතයට සංවර්ධනය කල යුතුයි.
ආකල්ප කියන්නේ මොනවාද?
මනසේ අප දරා සිටිනා පිළිගැනීම්, දෘෂ්ටින්, සම්මුතීන් ආකල්ප වේ. මෙම ආකල්ප තමා විසින් ඇති කරගන්නා ආකල්ප වේ. ගෙදරින් සහ සමාජයෙන් ආකල්ප උපුටා ගැනේ. එබැවින් ගෙදර ධනාත්මක ආකල්ප තිබිය යුත්තේ ඒ නිසා. හොඳ ආකල්ප හෝ නරක ආකල්ප සිත තුලට ඇතුල් වූ පසු එය වෙනස් කිරීමට විශාල උත්සහයක් ගත යුතු වෙනවා.
ආකල්ප රැකියාවේ සහ ජිවිතයේ දියුණුවට බලපාන්නේ කෙසේද?
යම් අයෙක් රැකියාවක් බලාපොරොත්තුවෙන් සම්මුඛ පරීක්ෂණයට මුහුණ දීමේදී සරු ධනාත්මක ආකල්ප ඇති පුද්ගලයෙක් ව්‍යවසායකයාගේ මුලික අවධානයට යොමු වේ. එවැනි පුද්ගලයන් තම ව්‍යාපාරයට මහත් වාසියක් බව ඔවුන් දන්නා කරුණක්. කාර්යාලයක සාර්ථකත්වය සඳහා ධනාත්මක ආකල්ප වැදගත් වේ.
ඕනෑම ප්‍රශ්නයකදී හෝ අවස්ථාවකදී වඩාත් නිවැරදි හා සුදුසුම තිරණය ගැනීමට සහ එම ක්‍රමවේදය සැකසීමට නිවැරදි ආකල්ප ඇති පුද්ගලයාට හැකි වේ. නිවැරදි ආකල්ප ඇති තැනැත්තාට ආයතනයේ ප්‍රධානින් සහ අනෙකුත් සේවකයන් අතර වඩාත් පිළිගැනීමක් ඇත.
කුඩා දරුවාගේ සිට වැඩිහිටියන් දක්වා නිවැරදි ආකල්ප තමාගේ ජිවිතයට මෙන්ම අනුන්ගේ ජිවිත වලටද දැනුමක් ගෙන දෙයි. අද විවිධ අනතුරු, ජිවිත හානි ඇති වන්නේ, අපරාධ වැඩි වන්නේ හීන ආකල්ප ඇති අයයි.
සුභවාදී ධනාත්මක ආකල්ප ජිවිත ජයග්‍රහණයේ ශක්තිමත් පදනමයි. මෙවැනි ආකල්ප සංවර්ධනය කරන ස්ථාන සහ පුද්ගලයන් සමඟ කටයුතු කරන්න. ඔබේ යහළුවන් ධනාත්මක ආකල්ප සහිත පුද්ගලයන් කර ගන්න.
උපුටා ගැනීමකි
