මිට පෙර ලිපියකින් අපි ඔබට ඉදිරිපත් කරා විවිධ ක්‍රම වලට දැල්ලන් හදන අකාරය. අද අපි ඔබට කියල දෙන්නේ ඉස්සන් විවිධ ක්‍රම වලට හදන්න හැටි. නිවාඩු දවසේ දවල් කෑමට මේ ක්‍රමේට ඉස්සන් හදල ගෙදර අයට පිලිගන්නවන්න ඔබටත් පුළුවන්.
ඉස්සන් කිරි හොඳි
ලොකු ඉස්සන් 50
ලියාගත් රතු ළුණු මේස හැඳි 1
ඉඳුණු අමු මිරිස් කරල් 3
කරපිංචා ඉති 2
තුනපහ කහ පදමට
පොල් කිරි කෝප්ප 4
අම්බරාගත් අබ තේ හැඳි 1
ගොරක කැලි 2
උළුහාල් ස්වල්පයක්
ලුණු
ඉස්සන් හොඳින් සෝදා ගන්න. එය වලඳකට දමා එයට අබ, කහ හැර අනෙකුත් සියලු ද්‍රව්‍ය දමන්න. එය ලිප තබා ඉස්සන් තැම්ඹුන පසු එයට පොල් කිරි එක්කර අබ, කහ එකතු කරන්න. හොද්දේ කිරි කැටි ගැසීමට නොදී හොඳින් හැඳි ගාගන්න. එයට මුරුංගා කොළ ටිකක් එකතු කල හැකි නම් වඩාත් රසවත්ය.
ඉස්සන් තෙම්පරාදුව
ලොකු ඉස්සන් 250g
ලියාගත් රතු ළුණු මේස හැඳි 1
ලොකු ලුණු ගෙඩි 2
අමු මිරිස් කරල් 3
කරපිංචා ඉති 2
ගොරක කැලි 1
උළුහාල් ස්වල්පයක්
ලුණු
පොල්තෙල් හෝ මාජරින්
ඉස්සන් හොඳින් සෝදා ගන්න. එය වලඳකට දමා එයට ලොකු ලුණු හැර අනෙක් සියලු ද්‍රව්‍ය දමන්න. එය ලිප තබා වතුර කෝප්ප 1ක් එකතු කර තම්බා ගන්න.ඉස්සන් තැම්ඹුන පසු තෙල් ටික ලිප තබා ළුණු සමග තෙම්පරාදු කොට තුනපහ කුඩු ඉසගන්න.
ඉස්සන් බැඳුම
ලොකු ඉස්සන් 50g
ගම්මිරිස් කුඩු
කහ
ලුණු
බිත්තර 1
විනාකිරි මේස හැඳි 2
පාන් කුඩු
වල්ගය ඉතිරි වන සේ ඉස්සන් පොතු හැර සෝදා වතුර බේරෙන්නට තබන්න. ඉන්පසු ලුණු,කහ, ගොරකා ගම්මිරිස්, විනාකිරි යොදා ඉස්සන් ටික ඊට දමා පැයකට පසු සුද්ද කරගත් ඉරටු කැබලිවල දිගට සිටින සේ ගසා ගන්න. ඉන්පසු ගසාගත් බිත්තර මිශ්‍රණයට ඔබා පාන්කුඩු වල දවටා ගන්න. ඉන්පසු ගැඹුරු තෙලේ බැඳ ගන්න.
ඉස්සන් රතු ළුණු සම්බල්
ලොකු ඉස්සන් 50
ලියාගත් රතු ළුණු 100g
ඉඳුණු අමු මිරිස් කරල් 3
කරපිංචා ඉති 2
තුනපහ කහ පදමට
ගොරක කැලි 2
ලුණු
තක්කාලි ගෙඩි 2
ඉස්සන් හොඳින් සෝදා ගන්න. එය වලඳකට දමා එයට රතු ළුණු හැර අනෙක් සියලු ද්‍රව්‍ය දමන්න. එය ලිප තබා වතුර කෝප්ප 1ක් එකතු කර තම්බා ගන්න. වතුර හොඳින් බේරෙන්න තබා පොතු ඉවත් කරගන්න. පසුව ළුණු හා තක්කාලි සමඟ මිශ්‍ර කරගන්න. . එයට ගම්මිරිස් ස්වල්පයක් හා පදම අනුව ලුණු එකතු කරගන්න.
