එල් ටි ටි සංවිධානය විසින් යුධ සමයේ මුලතිව් මුල්ලිවයික්කාල් ප්රදේශයේ රත්රන් සහ ආයුධ තොගයක් වළ දමා ඇති බවට ලද තොරතුරක් මත ඊයේ දින (20) සවස මුලතිව් ආරක්ෂක අංශ විසින් මුලතිව් මුල්ලිවයිකාල්, නැගෙනහිර ප්රදේශයේ කැනීම් සිදුකරන ලදී.
මුලතිව්, පුදුකුඩිඉරිප්පු පොලිසිය හා මුලතිව් ආරක්ෂක අංශ වෙත ලද තොරතුරක් මත පුදුකුඩිඉරිප්පු පොලිසිය විසින් මුලතිව් මහේස්ත්‍රාත් අධිකරණයෙන් ලබාගන් නියෝග යටතේ මුලතිව් මහේස්ත්‍රාත් S ලේනින්කුමර් මහතාගේ අධීක්ෂණය යටතේ බැකෝ යන්ත්‍ර යොදා ගනිමින් මුල්ලිවයික්කාල් ප්රදේශයේ කැනීම් සිදුකෙරිණ.
පැය තුනක පමණ කාලයක් තුල අදාළ ස්ථානයේ කැනීම් කටයුතු සිදුකරනු ලැබුවද ආරක්ෂක අංශ වෙත කිසිදු භාණ්ඩයක් හෝ උපකරණයක් සොයාගැනීමට නොහැකි වූ අතර, කැනීම් කටයුතු ඊයේ දින (20) දිනයේ නවතා දමන ලදී, ඉන්පසු නැවත කැනීම් කටයුතු 22 වැනි දින අදාළ ස්ථානයේදී පවත්වන බවද පොලිසිය පැවසීය.
මීන් පෙර ද අවස්ථා ගණනාවකදී මුලතිව් පුදුකුඩිඉරිප්පු ප්රදේශයේ හා මුල්ලිවයික්කාල් ප්රදේශයේ එල් ටි ටි සංවිධානය විසින් වළ දැමු රත්රන් පවතින බවට ලද තොරතුරු මත ස්ථාන කිහිපයක කැනීම් කටයුතු සිදුකළද කිසිවක් සොයා ගැනීමට නොහැකි විය.
කැනීම් වෙනුවෙන් පොලිස් විශේෂ කාර්ය බළකා නිළධාරීන්, පුදුකුඩිඉරිප්පු පොලිස් නිළධාරීන්, මුලතිව් නාවික හමුදා නිළධාරීන්, මුලතිව් යුධ හමුදා නිළධාරීන්ද එක්ව සිටියහ.
සිද්ධිය සම්බන්ධයෙන් පුදුකුඩිඉරිප්පු පොලිසිය තව දුරටත් වැඩිදුර පරීක්ෂණ මෙහෙ‍යවයි.
(කැනීම් සිදුකළ අයුරු ජායාරූප පහතින්)
