මේ ළඟ ළඟ එන සිංහල හින්දු අලුත් අවුරුද්දට ගෙදරට එන අමුත්තන්ට පිළිගන්වන්න අපි අලුත් විදිහේ කෑම වර්ග ටිකක් හදමු.

 

බනානා බ්‍රෙඩ්

අවුරුදු කාලයේදී සෑම ගෙදරකම පිරිලා තියෙන පළතුරක් තමයි කෙසෙල් කියන්නේ. එත් වැඩි කාලයක් තියාගන්න බැරි නිසා සමහර වෙලාවට ගොඩාක් කෙසෙල් අපතේ යනවා. ඉතින් මේ අවුරුද්දේ එහෙම වෙන්න දෙන්නේ නැතුව රසම රස බනානා බ්‍රෙඩ් එකක් හදා ගමු.

 

 

අවශ්‍ය ද්‍රව්‍ය
ලෙලි ඉවත් කරගත් කෙසෙල් 500g
සීනි 500g
පිටි 500g
බිත්තර 06
බේකින් පවුඩර් 12.5g
බේකින් සෝඩා 15g
දියකර ගත් කිරිපිටි 110ml (මේස හැඳි 3)
කෝර්න් ඔයිල් 110ml
පොඩි කරගත් කජු ( සරසා ගැනීමට )

සාදා ගන්නා ආකාරය
පළමුව කෙසෙල් සහ සීනි එක භාජනයකට දමා හොඳින් මිශ්‍ර කරගන්න. ඒ අතරතුර වරින් වර බිත්තරය බැගින් එකතු කරගන්න. ඉන්පසුව පිටි වලට බේකින් පවුඩර් සහ බේකින් සෝඩා එකතු කර පෙනේරයකින් හලාගන්න.පසුව ඒ පිටි ටික කෙසෙල් මිශ්‍රණයට එක් කර හොඳින් කවලම් කරගන්න. දැන් මෙම මිශ්‍රණය බේක් කරගන්නා බඳුනට දමා එයට උඩින් විසිරන සේ කජු දමා ගන්න. දැන් එය මිනිත්තු 45 – 55 ත් අතර කාලයක් 180 °C උෂ්ණත්වයකින් බේක් කරගන්න.

 

 

පළතුරු කේක්

 

අවුරුදු කාලේ කියන්නේ පවුලේ හැමෝම එකට ඉන්න කාලයක්. ඒ වගේම වෙනදාට වඩා ගොඩක් අය නිවසට එනවා. ඉතින් ඒ හැමෝටම පිළිගන්වන්න වගේම අවුරුදු මේසයට තියන්න අතුරුපසක් විදිහටත් රසම රස පළතුරු කේක් එකක් හදා ගන්න ඔබටත් පුළුවන්.

අවශ්‍ය ද්‍රව්‍ය
බටර් 600g
අයිසින් සීනි 500g
කිරිපිටි තේ හැඳි 4
බිත්තර 5
පිටි 600g
බේකින් පවුඩර් 10g
රේසින්ස් 300g
කැබලි කරගත් වියළි පළතුරු
කැබලි කරගත් ඉඟුරු 10g

සාදා ගන්නා ආකාරය
බටර්, අයිසින්, සීනි කිරිපිටි සහ ඉඟුරු එකට දමා හොඳින් බීට් කරගන්න. එයට බිත්තර එක කරන්න. පසුව ඔබ ගන්නා පළතුරු, පිටි 50g සමඟ වෙනම භාජනයක මිශ්‍ර කරගන්න. පසුව ඉතුරු පිටි වලට බේකින් පවුඩර් එක් කර පෙනේරයකින් හලා ගන්න. ඒ පිටි ටික ටික බටර් මිශ්‍රණයට එකතු කරමින් අතට නොදැනෙන සේ කේක් හැන්දකින් සෙමින් කවලම් කරන්න. අවසානයට එයට පළතුරු එක්කර කවලම් කරගන්න. දැන් කේක් මිශ්‍රණය බේක් කරගන්නා බඳුනට හෝ බඳුන් වලට දමා ගන්න. මිනිත්තු 60ක් පමණ 180 °C  උෂ්ණත්වයකින් බේක් කරගන්න.

 

 

රයිස් පුඩින්

 

 

අපි සහල් වලින් විවිධ කෑම වර්ග හදනවා. ඉතින් මෙදා අලුත් අවුරුද්දේ ඔබට සහල් වලින් සාදා ගන්න පුළුවන් තවත් වෙනස් විදිහේ අතුරුපසක් තමයි රයිස් පුඩින් කියන්නේ. දැන් අපි බලමු රයිස් පුඩින් එකක් සාදා ගන්නේ කොහොමද කියලා.

වශ්‍ය ද්‍රව්‍ය
දියකරගත් කිරිපිටි 500ml ( මේස හැඳි 10 )
බාස්මති සහල් 75g
වැනිලා එසන්ස් 5ml
මී පැණි 40g
ඔරේන්ජ් සෙස්ට් 2g ( දොඩම් ගෙඩියක සිහින්ව කැපූ පිට පොත්ත )
ෆ්‍රෙෂ් ක්‍රීම් 125g

සාදා ගන්නා ආකාරය
මුලින්ම මුට්ටියක් සේ ඇති භාජනයක් ( ගැඹුරු පතුලක් සහිත ) ගන්න. එයට මී පැණි වැනිලා, එසන්ස් සහ ඔරේන්ජ් සෙස්ට් එකතු කර උණු කර ගන්න. දැන් එයට සහල් එකතු කරගන්න ගින්දර අඩු කරගන්න. දැන් එය පියනකින් වසා විනාඩි 30ක් පමණ හොඳින් තම්බා ගන්න. බත සෑදුණු පසු එය ලිපෙන් බා නිවීමට හරින්න. එය නිවුණු පසු එයට ෆ්‍රෙෂ් ක්‍රීම් එකතු කරන්න. අවශ්‍ය නම් එය මතට වියළි මිදී හෝ කජු කැබලි කිහිපයක් දමා සරසා ගන්න.

 

 

 

 

 

අලුත් අවුරුදු කෑම මේසයේ අමුත්තන්ට පිළිගන්වන්න අලුත් විදිහේ කෑම ටිකක් හදමු

ඔබට නව පණක් දෙන අරුම පුදුම යෝගී කලාව

යෝග යනු පැරණි ඉන්දියාවේ නැණවතුන් විසින් සියවස් ගණනකට පෙර සොයා වැඩි දියුණු කරගෙන ප්‍රයෝජනයට ගත් ශරීර සනීපය වඩවන පැරණි කලාවකි. යෝග යනු ආගමක්වත්, ජීවයේ පැවැත්ම...

දිය ලුනු වලින් ලස්සන වෙමුද

01.මැරුණු සම ඉවත් කර ගැනීමට සිහින්ව අඔරාගත් ලුනුකුදු සමග ඔලිව් තෙල් ස්වල්පයක් මිශ්‍ර කර සාදාගත් මිශ්‍රණය මුහුණේ ආලේප කර ඇඟිලි තුඩු වලින් රවුම් ආකාරයට මෘදුව...

Music Fest 2018

කින්ග්ස්වූඩ් විද්‍යාලීය කොළඹ සංසදය විසින් සංවිධානය කරනු ලබන Music Fest 2018, මාර්තු 18 වන දින විහාරමහාදේවි විවෘත රඟහලේදී සවස 7.00 සිට පැවැත්වේ. චිත්‍රාල් ,...

ලොවක් දිනු චණ්ඩි කෙල්ලෝ දෙන්නෙක්

2016 වර්ෂයේදී තිරගත වූ මේ චිත්‍රපටියෙන් කියවෙන්නේ වෙනස්ම ක්‍රීඩාවකට යොමු වූ දියණියන් දෙදෙනෙකු ගැනයි. බොහෝ ආසියාතික රටවල සාමාන්‍යයෙන් ගැහැණු දරුවෙකුගෙන් බලාපොරොත්තු වන්නේ ලස්සන, හේ...

Pocket එකට match වෙන්න shopping කරමු

ඇඳුමක් ගන්න සාප්පු ගානේ යන එක හරිම යුද්ධයක්. සේල් සේල් කියල බෝඩ් ගහල තිබ්බට ඒවගේ ගොඩක් වෙලාවට තියෙන්නේ බාල රෙදි වලින් මහපුවා.. එහෙමත් නැත්නම්...

ශ්‍රී දේවිගේ මරණය අභිරහසක් වෙයි

ශ්‍රී දේවිගේ මරණය හෘර්දයාබධයක් නිසා සිදු වුවක් බවට ඊයේ දිනයේ එරට මාධ්‍යන් ඔස්සේ වාර්තා කරනු ලැබුවා. එත් අද වන විට ඩුබායි සෞඛය අමාත්යංශය මඟින්...

තම දරුවන් ඉදිරියේ දෙමවුපියන් තම බලය පෙන්වන්නේ බලාගෙනයි

පුංචි දරුවන් කියන්නේ හැමවෙලේම වැඩිහිටියන් අනුකරණය කරන කොටසක්.හොද හෝ වැරදි වේවා තමන් සමඟ නිතර ගැවසෙන වැඩිහිටියන්, දෙමවුපියන් කරන කියන දේවල් අනුකරණය කරන්න දරුවන් පෙළඹෙනවා. නිවස...

භාණ්ඩ අලෙවියට හොදම ක්‍රමය කුමක්ද

කාගෙන් හෝ ණය මුදලක් ලබාගෙන එහෙමත් නැත්නම් ආයතනයකින් කුඩා ණය මුදලක් ලබාගෙන ස්වයං රැකියාවක් ආරම්භ කර දිවි දිනන්නට උත්සහ කරන බහුතරයක් අපි අතරේ සිටිනවා. ස්වයං රැකියා...

ප්‍රදීපා ආරියවංශගේ අභිනය නර්තන ප්‍රසංගය

ප්‍රදීපා ආරියවංශ නර්තන ආචාර්යවරිය විසින් 07 වරටත් ඉදිරිපත් කරන                              "අභිනය නර්තන"...