” ඕනෑම අයෙකුට කෝප විය හැකිය. එය පහසුය, එහෙත් නියම පුද්ගලයා සමඟ නියමිත ප්‍රමාණයට, නිවැරදි වෙලාවට, නිවැරදි අරමුණක් උදෙසා, නියම ආකාරයට කෝප වීම නම් පහසු දෙයක් නොවේ. ” යැයි ඇරිස්ටෝටල්ගේ ඉගැන්වීමක සඳහන් වේ. අපගේ ජිවිත වල ඇති ඉමහත් ආතතිය සහ පීඩනය නිසා ඉතා සුළු කරුණක් හේතුවෙන් වුවද අපේ ඉවසිල්ල බිඳ වැට්ටවීම පහසුය. තවත් වෙහෙසකර දවසකින් පසුව නිවස කරා කඩිමුඩියේ යන අපි, මුළු ලෝකයම තමන්ට අයත් යැයි සිතන්නාක් මෙන් හැසිරෙන බවක් අපිට පෙනෙන, අපගේ වාහනයට ඉදිරියෙන් සෙමෙන් ඇදෙන වාහනයේ රියදුරුට අප බැන වදින්නෙමු. අපි සිල්ලර බදු ගැනීම සඳහා සාප්පුවකට ගිය විට අද රැ ආහාර වේලට අවශ්‍ය දෑ ඇති කොටස ගැන විට වැරදි මහලක් කරා අප යෝමු කල සාප්පුවේ සේවකයාට බනිනවා නේද? අපි නිවසින් පිට තැනක රාත්‍රී භෝජනයට ගිය වෙලාවක අප සිටින තැනට ඇවිත් බඩුමුට්ටු විකිනීමට දබරකරන අලෙවිකරුවකුට අපි කගසනවා නේද?
ඔබ දිනපතා ඔබේ ඉවසීම සිඳ ගැනීමේ ඇති අවුල වන්නේ එය පුරුද්දක් බවට පත් වීමයි. බොහෝ පුරුදු මෙන් මෙයද ජීවිතයේම කොටසක් බවට පත්වෙන මොහොතක් එනවා. එවිට වෙන්නේ පෞද්ගලික සම්බන්ධතා දෙදරා යන එකයි. සාර්ථක පුද්ගලයින් බොහෝ අවස්ථාවල සංගතය. කරන කියන දේ පිළිබඳව පුරෝකථනය කළ හැකියි. අසීරු කාල වලදී අවශ්‍ය වන්නේ සන්සුන් මිනිසුන්ය.ඔවුන් හැමවිටම ඉවසිලිමත් වන අතර පීඩනය වැඩිවන විටත් මිනිසුන් සන්සුන් වන්නේය. අර්බුද අවස්ථාවකදී ඔබේ ඉවසිලිමත් භාවය රැකගත හැකි වුවහොත් වසර ගණනාවක් පුරා පැවතිය හැකි වේදනාව සහ පශ්චාත්තාපය ඔබට වලකා ගත හැකිය. කෝපයට පත් එක් මිනිත්තුවකදී එල්ල කළ සිත් රිදවන වදන් නිසා බිඳී ගිය මිතුදම් බොහෝය. නිදහස් කල විට වචන යනු ඊතල වැනි දෙයකි. ඒවාට ආපසු ආ නොහැකියි. එබැවින් ප්‍රවේශමින් වචන පරිහරණය කරන්න.
ඔබ කෝප ගැන්වූ කිසිවෙකුට ප්‍රතිචාර දැක්වීමට පෙර එකේ සිට සියය දක්වා ගණන් කිරීම, සැබවින්ම ඔබේ කෝපය පාලනය කිරීම සඳහා කල හැකි කදිම ක්‍රමයකි. තවත් උපක්‍රමයක් වන්නේ ” ගේට්ටු තුනේ පරීක්ෂණය ” ඒ කියන්නේ පුරාණ සෘෂිවරුන් වචන පිට කලේ එම වදන් ගේට්ටු තුන ඔස්සේ යන්නේ නම් පමණයි. පළමු ගේට්ටුවේදී ඔවුන් තමන්ගෙන්ම ඇසුවේ ” මේ වචන සත්‍යද? ” යනුවෙනි. එසේ සත්‍ය නම් ඒවාට දෙවැනි ගේට්ටුව කරා යා හැකිය. දෙවැනි ගේට්ටුවේදී සෘෂිවරුන් විමසුවේ ” මේ වචන අවශ්‍යද? ” යන්නය. එසේ අවශ්‍ය නම් ඒවා තෙවැනි ගේට්ටුව කරා එයි. එහිදී ඔවුන් අසන්නේ ” මේ වචන කාරුණික ද ? ” යනුවෙනි. උත්තරය ඔව් නම් පමණක් ඔවුහු ඒ වදන් සිය දෙතොල් අතරින් මුදා හරියි.
උපුටා ගැනීමකි
