ජංගම දුරකථනය ( phone) යනු අද වන විට අපට නැතුවම බැරි උපකරණයක් වී හමාරයි. ඒක හරියට ඔබේ හදවත වගෙයි. කෙනෙකුගේ පෞද්ගලිකත්වයට අතිශයින්ම ප්‍රබල සාධකයක් වුත්, අත්‍යාවශ්‍ය භාණ්ඩයක් බවට පත් වුත්, ජංගම දුරකථනය ( phone) අස්ථාන ගත වීම තුලින් ඔබට සිදුවන්නේ කියා නිමකළ නොහැකි පාඩුවක්.

 

මන්ද දුරකථන අංක සමුදායක් ද, සමහර විට වැදගත් කෙටි පණිවිඩ, memory card එකක් ඇත්නම් එහි ඇතිඔත් පින්තුර, වීඩියෝ, ගීත, ආදී සියලු දත්ත ඔබට අහිමි වනු ඇත. ඔබේ අතිශය පුද්ගලික දත්ත ද ඔබට අහිමි වී යනු ඇත. ඔබේ අතිශය පෞද්ගලික දත්ත වලින් පිරුණු ජංගම දුරකථනය ( phone) යම් හෙයකින් අස්ථාන ගත වුවහොත් හෝ සොරකම් කරනු ලැබුවහොත් කුමක් කල යුතු දැයි ඔබ දන්නේද?

 

නැවතත් ජංගම දුරකථනයක් ගත හැකි වුවද, නැති වූ දුරකථන අංක ආදිය ලබා ගත නොහැකිය. මිලකළ නොහැකි අත්‍යාවශ්‍ය දත්ත සමඟ දුරකථනය නැති වූ විට කළ යුත්තේ කුමක් දැයි ඔබ දැනගත යුතුමයි.අස්ථාන ගත වූ ජංගම දුරකථන සොයා ගැනීමට ඔබට සහය වීමට ශ්‍රී ලංකා විදුලි සංදේශ නියාමන කොමිෂන් සභාව TRCSL විශේෂ සේවාවක් ආරම්භ කර තිබේ. ඔබේ ජංගම දුරකථන අස්ථාන ගත වුවහොත් කලබල නොවී පහත උපදෙස් පිළිපැදීමෙන් ඔබට ඔබේ දුරකථනය නැවත සොයා ගැනීමට හැකියාව ඇත.

 

පළමුව ඔබ දැනසිටිය යුතු වැදගත්ම කරුණ වන්නේ දුරකතනයට අදාළ එමි ( IMEI ) අංකයයි. ලොව නිපදවන සෑම දුරකථන උපාංගයකම වෙන වෙනම සඳහා IMEI අංකයක් තිබේ. එසේ නොවන ඒවා ව්‍යාජ දුරකථන විය හැකියි.

 

මොකක්ද ඔබේ දුරකතන ( Phone ) අංකයේ IMEI අංකය

ඔබේ දුරකථන අංකයේ IMEI අංකය ලබා ගැනීම සඳහා *#06# යන කේතය ඇතුලත් කරන්න. එවිට ඔබේ දුරකථනයේ IMEI අංකය දිස්වෙනු ඇත.මෙම අංක පහසුවෙන් සොයා ගත හැකි තැනක ලියා තබා ගන්න. නැතිනම් පරිඝනකයේ හෝ අන්තර්ජාල ගිණුමක save කරන්න.

 

ඔබේ ජංගම දුරකථනය හදිස්සියේ අස්ථානගත වුයේ නම් ඔබ එහි ඇති IMEI අංකය නොදැන සිටීමටද ඉඩකඩ ඇත. එවැනි අවස්ථා වලදී ඔබේ සිම්පතේ දුරකථන අංකය පරීක්ෂණ කටයුතු සඳහා ලබා දිය හැකිය. ආදාල දුරකථන සමාගම විසින් TRCSL ආයතනයට IMEI අංකය ලබා දෙනු ඇත.

 

ජංගම දුරකථනය ( Phone ) අස්ථාන ගත වී ඇත්නම්

ජංගම දුරකථනය අස්ථාන ගත වී ඇත්නම් පළමුව ඔබේ වට පිටාව තුල හොඳින් විපරම් කර බලන්න. එසේ සොයාගැනීමට නොහැකි ලෙස අස්ථානගත වී ඇත්නම් එය සොරකම් කර ඇති බව ඔබට වැටහේ නම්, එය සොරකම් කර ඇති බවට විශ්වාස නම් ඔබ පළමුව කල යුත්තේ ඔබේ ප්‍රදේශයට අදාළ පොලිස් ස්ථානයට ඒ පිලිබඳ දන්වා පැමිණිල්ලක් ගොනු කිරීමයි. එහිදී ඔබේ දුරකථනය මිල දී ගත් රිසිට් පත්, ඔබේ නමට පැමිණි දුරකථන බිල්, දුරකතනයේ IMEI අංකය සහ සිම්පත් දුරකථන අංකය යනාදිය ඉල්ලා පොලිසියට ඉදිරිපත් කිරීමත් වඩාත් හොඳින් පරීක්ෂණ කටයුතු කිරීමට එය සහය වන අතරම එමගින් ජංගම දුරකතනයට ඔබේ ඇති අයිතිය තහවුරු කර ගත හැකිය.

 

එසේම ඔබේ ජංගම දුරකතන අංකය රාජකාරි හා ව්‍යාපාරික මට්ටමෙන් භාවිතා කල එකක් නම් එය අන්සතු වූ විටදී ඔබේ පුද්ගලිකත්වයට සහ ඔබේ ප්‍රතිරූපයට එයින් යම් හානියක් සිදුවිය හැකි නිසා එම අංකය තාවකාලිකව විසන්ධි කරන ලෙසට ඔබේ ජංගම දුරකථන සේවා සැපයුම් සමාගමෙන් ඉල්ලා සිටිය හැකියි. ඒ සඳහා ඔබේ නම සහ හැඳුනුම්පතේ අංකය ඉදිරිපත් කල යුතුය.

 

ඔබ ගොනු කල පොලිස් පැමිණිල්ලේ පිටපතක් ද, ඊට අමතරව අයිතිය තහවුරු කෙරෙන සියලුම ලිඛිත සාක්ෂිද සමඟ ඔබේ පැමිණිල්ල ලිඛිතව විදුලි සංදේශන නියාමන කොමිෂන් සභාව ( TRCSL ) වෙත ඉදිරිපත් කල යුතුය. සතියක් වැනි කාලයක් තුල ඔබට යම් තොරතුරක් ලැබෙනු ඇත.

 

Phone

 

 

 

ඔයාගේ හදවත නැති වුනොත් මොනවා වෙයිද?

කුරුඳු ආශ්‍රිත කර්මාන්ත පිලිබඳ ඔබ දැනුවත් ද

අත මිට සරු කරගන්න මුදල් උපයන්න කළ හැකි කර්මාන්ත අතර කුරුඳු ( cinnamon ) ආශ්‍රිත කර්මාන්තය ද ප්‍රධාන තැනක් ගනී. මෙය කාන්තාවන්ට ද නිරත...

අයියාරි

අයියාරි තමයි සිද්ධාර්ත් මල්හෝත්‍රා ඔබට පිරිනමන අවුරුදු තිළිණය, ඔහුගේ අලුත්ම හින්දි චිත්‍රපටය. අයියාරි ඉන්දියානු හමුදා නිලධාරින් දෙදෙනෙකුට වටා ගෙතුණු සත්‍ය කතාවක සිනමා දිගහැරුමක්. ඉන්දියානු...

වඩාත් හොඳ මවක් සහ පියකු වන්න සෑම විටම

ඔබ ඔබේ දරුවන් ඇතිදැඩි කරන ආකාරයෙන් පැහැදිලි වන්නේ ඔබ ඔබේ අනාගත පරපුර ගොඩනගන ආකාරයයි. දෙමවුපියන් ලෙස කටයුතු කිරීමේ කලාව පිලිබඳ විදිමත් පුහුණුවක් අප බොහෝ...

පිරිමිකමට ශාප කරන ගැහැනිය

මේ වාක්‍ය දැක්කාම ඔයාලට මොනාද මතක් වෙන්නේ? අනිවාර්යෙන්ම පිරිමියෙක්ගෙන් වරදක් වූන ගැහැනියක් නේද මතකෙට එන්නේ. අසම්මතයේ හැසිරෙන ගැහැනිය ගණිකාව යැයි කිව්වොත්.. එකී මෙකී නොකී...

සෙල්ෆි කලාවේ නවතම පෙරලිය VIVO V7

ලොව වේගයෙන්ම ව්‍යාප්ත වන ස්මාර්ට් ජංගම දුරකතන සන්නාමයක් වන VIVO සිය V series දුරකතන පෙළට එක්වුණු නවතම දුරකතනය වන VIVO V7දුරකතනය දෙසැම්බර් 24 දින...

විශාදය වැඩිපුර හැදෙන්නේ කාටද

පුද්ගලයෙකුගේ යහ පැවැත්මට ඒ පුද්ගලයාගේ මානසික සෞඛය ගොඩාක් වැදගත් වෙනවා. විශාදය කියන්නේ අද සුලබව දකින තියන මානසික තත්වයක්. එය පුද්ගලයකුගේ යහපත් මානසික සෞඛ්‍යයට බාධාවක්....

මනෝවිද්‍යාත්මක උපදේශනය

මනෝවිද්‍යාත්මක උපදේශනය පිළිබඳව අවධානය යොමු කිරීමේදී මෙම විෂය මනෝවිද්‍යා විෂය ක්ෂේත්‍රය තුල උප විෂය ක්ෂේත්‍රය ලෙස හඳුනාගත හැකිය. මෙහිදී උපදේශනය යනුවෙන් අදහස් කරන්නේ ගැටළුවකට...

මාලිගාවත්තේ වෙඩි තැබීම ගැන සෙවීමට පොලිස් කණ්ඩායම් හතරක්

මාලිගාවත්ත, අලාමාඉබ්බාල් අතුරු මාර්යේදී පුද්ගලයෙකු වෙඩි තබා ඝාතනය කිරීමේ සිද්ධියට සම්බන්ධ සැකකරුවන් සොයා විශේෂ කණ්ඩායම් 4ක් යොදවා ඇති බව පොලීසිය පවසනවා. ඊයේ රාත්‍රියේ 8.30ට පමණ සිදුවූ...

බැඳලා මාස හතයි. ලිංගිකව එකතුවෙලා නැහැ. දැනගන්න කියවන්න

මම ගයානි. අවුරුදු 27ක් වන මම සම්පත් සමඟ විවාහ වෙලා දැනට මාස 07ක් වෙනවා. ඔහු පෞද්ගලික අංශයේ රැකියාවක් කරන අයෙක්. අපි යෝජිත විවාහයකින් විවාහ...