Friday, March 29, 2024

Top 5 This Week

Related Posts

සුදුවෙන්න සම නිරෝගී වෙන්න ඔයත් මේ ක්‍රම අනුගමනය කරන්න

බොහෝ කාන්තවන්ගේ ඒකායන පැතුම තමයි සුදු වෙන එක. අපේ සමේ පැහැයට බලපාන්නේ මෙලනින් කියන වර්ණකය. මෙලනින් වල අඩු වැඩිබව මත තමයි අපේ සමෙ පැහැය තීරණය වෙන්නේ. අද අපි කතා කරන්න යන්නේ සුදු වෙන්න ක්‍රම කිහිපයක් ගැනයි.

 

සුදු හඳුන් ආලේපය

සම පැහැපත් වෙන්න ඔබට නිවසේදීම ලෙහෙසියෙන්ම කරන්න පුළුවන් ප්‍රතිකර්මය තමයි සුදු හඳුන් ආලේපය. සුදු හඳුන් කුඩු වලට වඩා සුදු හඳුන් කැබැල්ලක් අරගෙන එය ගලේ උරච්චි කොට ආලේප කිරීම සුදුසුයි. ඔබ සුදු හඳුන් ගැල්විය යුත්තේ ඇල් වතුරින් උරච්චි කොටයි. වියලි සමකට නම් සුදු හඳුන් එතරම් හොඳ නෑ. එවැනි සමක් තිබෙන අයට පුළුවන් බාර්ලි ඇට කුඩු කොට වතුරින් අබරා ආලේප කරන්න.

 

කෝමාරිකා

තවත් ඔබට පුළුවන් සම පැහැපත් වීම සඳහා කෝමාරිකා යොදා ගන්න. කෝමාරිකා වල තියනවා ඔබේ සමේ වියලි බව නැතිකිරිමේ හැකියාවක්. ඒ වගේම තමයි ඔබේ සම පැහැපත් කරන්නත් ලොකු හැකියාවක් තියෙනවා. කෝමාරිකා අරගෙන එහි මදය සූරා ගන්න. එය පිරිසිදු කරගත් ඔබේ මුහුණේ ආලේප කරන්න. විනාඩි 10ක් පමණ හොඳින් සම්භාහනය කරන්න.

 

හිරු එළියෙන් ආරක්ෂා වෙන්න

සමනිරන්තරයෙන් අධික හිරුඑළියට නිරාවරණය වීම වළක්වාගන්න. අධික සූර්යාලෝකය නිසා සම වියළීමට ලක්වෙනවා. හිරු එළියේ ඇති අහිතකර කිරණ නිසා ඔබේ සම පිළිස්සීමට ලක් වෙනවා. සමේ පටක ක්‍රමයෙන් විනාශ වීමට ගන්නවා. ඒ වගේම ඉක්මනින් සම දුර්වර්ණ වී සම රැලි වැටීමට ලක්වෙනවා. නිවෙසෙන් පිටතට යන එන අවස්ථාවලදී ශරීරය ආවරණය කරගැනීම මෙන්ම සුදුසු sun cream වර්ගයක් ආලේප කිරීමද වැදගත්.

 

ජලය පානය කරන්න

සුදු වීමට සමේ තෙතමනය ආරක්ෂා කර ගැනීමත් ඉතාමත් වැදගත්. සමේ තෙතමනය ආරක්ෂා කර ගැනීමට දිනපතා හොඳින් ජලය පානය කරන්න. සම වියළීමට ඉඩදීමෙන් ඉක්මනින් සම දුර්වර්ණ වී සමේ රැලි ඇතිවෙනවා. වියළි සමක් ඇති අයට සමේ වියළි බව නැතිකර ගැනීම සඳහා කෝමාරිකා අඩංගු මොය්ස්චාරයිසර් එකක් ආලේප කළ හැකිය. දිනපතා සුදුසු ඖෂධීය තෙල් වර්ගයක් ආලේප කිරීමෙන්ද සම වියළීම වළකිනවා.

.

කොළ පැහැති එළවළු පලතුරු

දෛනික පෝෂණය නිසි පරිදිය පවත්වාගන්න. සමේ පැහැපත් බව ඇතිකිරීමට හේතුවන කොළ එළවළු වර්ග, කහ පැහැති පලතුරු වර්ග, කැරට් යනාදිය දිනපතා ආහාරයට ගැනීමෙන් සම පැහැපත් වෙනවා. සම නිරෝගී වෙනවා. එම නිසා හැකිතාක් ඔබේ ආහාරයට එළවලු වර්ග පලා වර්ග එකතු කරගන්න. පිටින් ආලේප කරන ක්‍රීම් එකකට වඩා මේ විදියට සිරුර අභ්‍යන්තරයෙන්ම එන පැහැපත් බව කාලාන්තරයක් පවතිනවා වගේම අහිතකර බලපෑම් වලින් මුක්තයි.

 

ව්‍යායාම කරන්න

දිනපතා කිසියම් ව්‍යායාමයක නියැලෙන්න. එවිට වැඩිපුර දහදිය දැමීමෙන් සමේ රෝම කූප විවෘත වී අනවශ්‍ය විස ද්‍රව්‍ය ශරීරයෙන් බැහැර වේ. එවිට සම නිරෝගී වේ. පැහැපත් වේ.

Popular Articles