දෙස් විදෙස් බොහෝ සංචාරකයන්ගේ ආකර්ෂණය දිනාගත් ලංකාවේ ( Sri Lanka ) සොඳුරුතම ප්‍රදේශයක් වන පුංචි එංගලන්තය එහෙමත් නැත්නම් සිතල නුවර එළිය විදේශීය සංචාරකයන්ගෙන් නගරයේ හෝ‍ටල් කාමර හා නවාතැන්පොළ සියල්ල පිරීගිහින්. ඉතින් නුවරඑළියේ සංචාරය කරන්න හිතන ඔබට අපුරුම හෝටලයක් ගැනයි අපි ඔබට මේ ලිපියෙන් අද ඉදිරිපත් කරන්නේ.

 

ලංකාවේ ( Sri Lanka )මේ සුන්දරම කැදැල්ල “ඇල්පයින්” පිහිටා තිබෙන්නේ

නුවරඑළියේ පිහිටි සුව පහසු නවාතැන්පොළ අතරින් කැපී පෙනෙන සොඳුරු නවාතැන්පොළක් ලෙස ඇල්පයින් හෝටලය හඳුන්වන්න පුළුවන්. නුවරඑළිය – බදුල්ල පාරේ නුවරඑළිය නගරයට ආසන්නයේම එය පිහිටා තිබෙනවා. සුප්‍රකට රේස් පිටියට හා ග්‍රෙගරිවැවට මුහුණලා පිහිටි පුංචි කඳු ගැටයක් මත ඉදිකරන ලද ඇල්පයින් හෝටලය අලංකාර මන්දිරයක්. යුරෝපීය ගෘහ නිර්මාණ ශිල්පයට අනුව ඉදිකළ ඇල්පයින් හෝටලය නගර මධ්‍යයේ පිහිටි සෙසු හෝටල් අතරින් විශේෂයෙන් කැපි පෙනෙන්නේ එහි අලංකාර වටපිටාව නිසයි.

 

අක්කරයක පමණ වපසරියකින් යුතු සුවිසල් අංගනය මැද ඉදි කළ පුංචි ධවල මන්දිරයක් සෙයින් දිස්වන ඇල්පයින් හෝටලය දුටු වන් නෙත් සිත් එක පැහැර ඇද බැඳගන්නට‍ සමත්. අලංකාර මල් හා පලතුරු පිරුණු තුරු ලතාවලින් යුත් හරිතවන් ගෙඋයන මැද පිහිටි සුදු පැහැති හෝටලයේ ඉතිහාසය නවසීය දාහතර වසර දක්වා වූ අතීතයට දිව යනවා. 1914 දී එය උඩරට තේ වතුවල සුදු ජාතික වැවිලිකරුවන්ගේ නිවහනක් වූ අතර පසුකලෙක නුවරඑළියේ ප්‍රකට ව්‍යාපාරික පවුලක් වන දොඩම්පේගම පවුල විසින් මිලදී ගනු ලබනවා. ඔවුන් විසින් පසු කලෙක සුව පහසු හෝටලයක් බවට පත් කළ එහි වත්මන් හිමිකරුවා වන්නේ නුවරඑළියේ හිටපු නගරාධිපති මහින්ද දොඩම්පේගම මහතා. සිය පවුලේ උරුමයෙන් ඇල්පයින් හෝටලයේ හිමි කාරත්වය දරන මහින්ද දොඩම්පේගම මහතා එය දෙස් විදෙස් සංචාරකයන්ගේ සුව වඩන මන බඳන කදිම නවාතැන්පොළක් බවට පත්කර තිබෙනවා.

 

සුඛෝපභෝගී කාමර තිස් පහකින් සමන්විත ඇල්පයින් හෝටලය තරු තුනේ සංචාරක හෝටලයක්. ඩිලක්ස් කාමර 30 ක් සුයිට් කාමර 2 ක් හා ස්ටෑන්ඩඩ් කාමර 5 කින් යුතු සුවපහසු කාමර සියල්ල ශීත හා උණු දිය, රූපවාහිනී, නුතන උණුසුම්කරණ උපකරණ , දුරකථන WI-FI පහසුකම් වලින් සමන්විතයි. හෝටලයේ කාමර හා අනෙකුත් ස්ථාන ඉතාලියෙන් ආනයනය කරන ලද ගෘහ භාණ්ඩ හා විදුලි උපකරණවලින් අලංකෘතයි. පැරණි බංගලාවෙහි පැවැති ස්වාභාවික දර යොදා දල්වනු ලබන ගිණි උදුන තවමත් එලෙසම පවතිනවා. මැද සාලයෙහි පිහිටි එහි දැල්වෙන ගින්න කටුක සීතලෙන් හිරි වැටී ගිය අතපය උණුසුම් කරගන්නට කදිමයි. වර්තමානයේ නුවරඑළියේ ඇති හෝටල් අතරින් මෙලෙස දර ගිණි උදුනක් දල්වනු ලබන්නේ ඇල්පයින් හො‍්ටලයේ පමණක් බවයි දොඩම්පේගම මහතා පවසන්නේ

 

ලංකාවේ (Sri Lanka) සංචාරක ක්ෂේත්‍රයේ ප්‍රවීණයකු මෙන්ම ක්‍රීඩා ශූරයකු වන….

සංචාරක ක්ෂේත්‍රයේ ප්‍රවීණයකු මෙන්ම ක්‍රීඩා ශූරයකු හා පරිසර ලෝලියකු ද වන දොඩම්පේගම මහතා ඇල්පයින් හෝටලයේ නවාතැන් ගන්නා සංචාරකයින් පිනවන්නට අපුරු පරිසර සංචාර කිහිපයක්ම සැලසුම් කර තිබෙනවා. ඇල්පයින් හෝටලය පරිසර හිතැති සංචාර සැලසුම්කරණයට අමුත්තන් අතර වඩාත් ප්‍රසිද්ධයි. නුවරඑළිය නගරයෙන් එපිට සොබාද‍හමේ අසිරිය විද ගන්න නම් හරියටම සති දෙක තුනක් වත් අවට සංචාරය කළ යුතු බවයි දොඩම්පේගම මහතා පවසන්නේ. හෝටලයේ සිට කි.මීටර් 3.5 ක් දුරින් පිහිටි සිංගල් ට්‍රී කන්ද , කිකිළියාමාන , පිදුරුතලාගල වැනි කඳු වැටි තරණය කිරීම, දිය ඇලි නැරඹීම , වන සතුන් නැරඹීම , පාපැදි සවාරි , වනාන්තර හරහා ඇවිද යමින් සතුන් හා කුරුල්ලන් නැරඹීමටත් වෙන් වූ විශේෂ සංචාර සැලසුම් කරන්නත් ඔවුන් සුදානම්.

 

සොබාදහම රකින , පරිසර හිතකාමි ඇල්පයින් හෝටලය 2005 වසරේදී ලංකාවේ හොඳම පක්ෂින්ට හිතකර හෝටලය ලෙස (Bird Friendly Resort – Field – Omithology Group) පරිසර හිතකාමී සංවිධානයක් වෙතින් සම්මානයට පාත්‍රවුණා. කඳුකරයේ කැදැල්ල ලෙස විරුදාවලී ලත් ඇල්පයින් හෝටලයේ තුරු ලතාමඩුළුවලින් පිරුණු සුන්දර පරිසරය කුරුල්ලන්ගේ පමණක් නොවෙයි එහි යන එන අමුත්තන්ගෙන් සිත ගත නිවන සොඳුරු පරාදිසයක්. හෝටලය මඟින් සැලසුම් කරන දිය ඇලි නැරඹීමේ චාරිකාවට නුවරඑළිය හා අවට පිහිටි අලංකාරතම දිය ඇළි දහ අටක් නැරඹීමේ අවස්ථාව ඔබට උදාවෙනවා. හෝටන් තැන්න සංචාරය, අඹේවෙල කිරි නිපැයුම්හල සඳ තැන්න මෙන්ම නුවරඑළිය නගර මාධ්‍යයේ පිහිටි වික්ටෝරියා මල් වත්ත , කුරුළු උයන හා කෞතුකාගාරය නැරඹීමට ඇල්පයින් හෝටලයේ සිට පහසුවෙන්ම යන්න පුළුවන්. හෝටලයේ සිට සිංගල් ට්‍රී කඳුවැටිය , ඔලිෆන්ට් වත්ත, උඩ රදැල්ල වත්ත, නානුඔය ග්ලැක්සෝ වත්ත වින්ඩි කෝනර් ගම්මානය හරහා යළි හෝටලය දක්වා පයින් යන සංචාරය කඳු නගින්නට, කැලෑවල ඇවිදින්නට සතුන් හා විහඟුන් දැක බලාගන්නට හා දිය ඇළි බලන්නට රුචි කරන ත්‍රාසජනක සංචාර ප්‍රියකරන්නන්ට වඩාත් සුදුසුයි.

 

sri lanka

 

උපුටා ගැනීමකි

පුංචි එංගලන්තයේ උණුසුම් කැදැල්ල “ඇල්පයින්”

අනියම් ඇසුරකින් මව් පදවිය ලබන කාන්තාවක්

මූදු පතුල යට ඉඳලා මූදු පතුල යට ඉඳලා මුතු ඇටයක නිදි කරවා පෙණ කැටියක පාකරලා මගෙ දෝතට පුතු ආවා// සුදු පාටින් පහන් තරුව දුර අහසේ දිළිසෙනවා// සුදු පාටින් ටිකිරි සිනා...

Facebook වාරණයට ලක් වූ මූර්තිගේ ඡායාරූප එකතුව

ෆේස්බුක් අවකාශයෙන් මෑතකදී වාරණයට ලක් වූ මෑත කාලයේදී ලංකාවේ බිහිවූ අග්‍රගන්‍ය ඡායාරූප ශිල්පියකු වන මූර්ති යූ සෙනෙවිරත්නගේ පහත ඡායාරූප එකතුව සැබවින්ම සදාචාර විරෝධීද... ඔබගේ අදහස...

දරුවන්ගේ කෑම පෙටිටියට අලූත් යමක්

දරුවන් ( children ) වෙනුවෙන් උදේ පාන්දර පටන් පිලියෙළ කරන දිවා ආහාරය ඔවුන් අතවත් නොතබා නැවත ඒ විදිහටම නිවසට රැගෙන ආ විට අම්මා ආවේශ...

ගැහැණු ළමයෙකුගේ Makeup පෙට්ටියේ තිබිය යුතු දේවල්

මල් වගේ ගැහැණු ළමයින්ට ගමනක් යන්න ගියාම හැඩවැඩ වෙන්න තරමක වෙලාවක් ගතවෙනවා. පොඩි Makeup එකක් කරලා එලියට බැස්සට මුකුත් වරදක් කියන්න බැහැ. ඒ නිසාම...

අමුතු මැක්ගේ අමුතු සටන

උපන්දින සඳහා තනන ඉටිපන්දම් බෝම්බ බවටත්, කඩදාසි රැඳවුම් කටු පිස්තෝල බවටත් , ගම් වර්ග තුවක්කු සඳහාත් පරිවර්තනය කොට ලෝකයේ ත්‍රස්තවාදයට එරෙහිව සටන් වදින අසාමාන්‍ය...

කියවීම පුරුද්දක් කරගත් ව්‍යවසායකයෝ

කියවීමෙන් මිනිසා සම්පුර්ණ වන්නේ යම් සේද එලෙසම ව්‍යවසායකයින් සඳහා ද එම සංකල්පය ගැලපේ. එය ඔවුන්ගේ වටිනාකම ඉහල නැංවීමට හේතු වනු ඇත. ඉතාම කාර්ය බහුල ජිවිත...

ගබ්සා කිරීමක් වූ විට දෙන දඬුවම ගැන ඔබ දැනුවත්ද

ද්වි විවාහය හෝ බහු විවාහය - දණ්ඩ නීති සංග්‍රහයේ 362 වගන්තිය වරක් විවාහ වී ඇති පුරුෂයකු හෝ කාන්තාවක තම විවාහය වලංගුව පවතිද්දී සහ තම නිත්‍යානුකුල...

ආවාට ගියාට ඇඳුම් තෝරන්න එපා

ඇඳුම් පැළදුම් කියන්නේ ඕනිම කෙනෙකුගේ පෞර්ෂයට බලපාන ප්‍රධාන දෙයක්. ඇඳුමෙන් ඔබේ ප්‍රතිරූපය නංවන්නත් විනාශ කරන්නත් පුළුවන්. තමන්ගේ හැඩරුව ඉස්මතු කරන, ප්‍රසන්න හැඟීම් ඇතිවන ඇඳුම්...

2023 දී, අපට කාන්තාවන් මුහුණ දෙන මෙම අභියෝග යෙන් මිදිය හැකිද?

ආරක්ෂාව නොමැතිකමඅපේ සමාජයේ කාන්තාවන්ගේ ලොකුම ගැටළුව ආරක්ෂාවයි. නිවසේ හෝ ප්‍රසිද්ධියේ වේවා කාන්තාවන්ට කිසිදා ආරක්ෂාවක් නැත. ඔවුන් නාඳුනන අයගෙන් පමණක් නොව ඔවුන් දන්නා හඳුනන පුද්ගලයින්ගෙන්...