මාධ්‍යවේදී ප්‍රගීත් රන්ජන් බණ්ඩාර එක්නැලිගොඩ පැහැරගෙන ගොස් අතුරුදන් කරවීම සම්බන්ධව ජූරි සභාවක් නොමැතිව ත්‍රිපුද්ගල මහාධිකරණ විනිසුරු මඬුල්ලක් හමුවේ විශේෂ අධිකරණ විභාගයක් පැවැත්වීමට අවසර දෙන ලෙසට අගවිනිසුරු ජනාධිපති නීතිඥ ජයන්ත ජයසූරිය මහතාගෙන් නීතිපති ජනාධිපති නීතිඥ දප්පුල ද ලිවේරා මහතා ඊයේ (09) ලිඛිත ඉල්ලීමක් කළේය.

එක්සත් ජාතීන්ගේ සංවිධානය ඇතුළුව විදෙස් තානාපතිවරුන්ගේ විශේෂ අවධානයට යොමු වී දෙස් විදෙස්හි ඉමහත් ආන්දෝලනයකට තුඩුදීම හා නඩුවේ සංකීර්ණ බව හා බැරෑරුම් බව හේතුවෙන් අපරාධ නඩු විධාන සංග්‍රහ පනතේ 450 (04) වන වගන්තිය යටතේ විශේෂ අධිකරණ විභාගයක් පැවැත්වීමේ අවශ්‍යතාව පෙනීයෑමෙන් නීතිපතිවරයා මේ පියවර ගත් බව නීතිපතිවරයාගේ සම්බන්ධීකරණ නිලධාරිනී රජයේ අධිනීතිඥ නිෂාරා ජයරත්න මහත්මිය පැවැසුවාය.

ඒ අනුව යුද හමුදාවේ කර්නල්වරුන් දෙදෙනකු ඇතුළුව යුද හමුදාවේ නමදෙනකු හමුවේ අධිචෝදනා ඉදිරිපත් කිරීමට නීතිපතිවරයා කටයුතු කරනු ඇත. එම චුදිතයන් වන්නේ ශම්මි අර්ජුන් කුමාරරත්න, ආර්. එම්. පී. කේ. රාජපක්ෂ නොහොත් නාදන්, වඩුගෙදර විනී ප්‍රියත්න, ඩිලන්ජන් උපසේන නොහොත් සුරේෂ්, සෙනවිරත්න මුදියන්සේලාගේ රවීන්ද්‍ර රූපසේන නොහොත් රවී, යාපා මුදියන්සේලාගේ චමින්ද කුමාර අබේරත්න, සෙ‍නවිරත්න මුදියන්සේලාගේ කනිෂ්ක ගුණරත්න, අයියසාමි බාලසුබ්‍රමනියම්, දංගහ ගමරාළලාගේ තරංග ප්‍රසාද් ගමගේ, ටී. ඊ. ආර්. පීරිස් යන අයවළුන්ය.

චුදිතයන් නමදෙනා ගිරිතලේ යුද හමුදා බුද්ධි අංශයේ රාජකාරි කර තිබේ.චුදිතයන් නමදෙනාගේම දුරකථන ඇමතුම් දත්ත මඟින් මේ සිදුවීමට ඔවුන් සම්බන්ධ බවට තහවුරු වී තිබෙන අතර මාධ්‍යවේදී ප්‍රගීත් එක්නැලිගොඩ පැහැරගෙන යෑම, මිනීමැරීමට කුමන්ත්‍රණය කිරීම, අයුතු ලෙස සිරගත කර තිබීම ඇතුළුව චුදිතයන්ට එරෙහිව චෝදනා දහහතකි.

මාධ්‍යවේදී එක්නැලිගොඩ පැහැරගෙන තිබෙන්නේ වසර 2010 ජනවාරි 24 දා රාජගිරියේදීය. පැහැර ගැනීමෙන් පසුව ගිරිතලේ යුද හමුදා කඳවුර වෙත රැගෙන ගොස් ඇ.ති බවට තොරතුරු අනාවරණය වී ඇත.

ප්‍රධාන සාක්ෂිකරු වන හිටපු හමුදා නිලධාරි රංබණ්ඩා ජයසුන්දරගේ සාක්ෂි මඟින් හෙළිදරව් වී තිබෙන්නේ එක්නැලිගොඩ ඝාතනය කිරීමට කුමන්ත්‍රණයක් සිදු වුණ බවයි. ඊට හේතු වී තිබෙන්නේ ගිරිතලේ කඳවුරේ දී එක්නැලිගොඩගෙන් ප්‍රශ්න කළ උදවිය පැහැදිලිව ඔහු හඳුනාගත් නිසාය. ප්‍රශ්න කිරීමේදී එක්නැලිගොඩගේ දෙනෙත් බැඳ තිබුණු ආවරණය ඉවත් කර තිබී ඇත. යම් හෙයකින් එක්නැලිගොඩ නිදහස් කළහොත් ප්‍රශ්න කළ පිරිස හඳුනා ගැනීම නිසා අපරාධමය වගකීමකට ඔවුන් යටත්වීමට හැකි නිසා එක්නැලිගොඩ ඝාතනය කිරීමට කුමන්ත්‍රණය සිදුව තිබේ. ප්‍රධාන සාක්ෂිකරු හෝමාගම මහේස්ත්‍රාත්වරයකු ඉදිරියේ පාපොච්චාරණයක් සිදුකර තිබේ. සාක්ෂිකරු එවකට පළවන චුදිත යටතේ සේවය කර තිබේ.

ගිරිතලේ කඳවුර තුළ සිදු වුණ මේ නඩුවට අදාළ සිද්ධීන් පිළිබඳ චුදිතයන්ගේ සහභාගිත්වය ප්‍රධාන සාක්ෂිකරු ‍තහවුරු කර ඇත. සාක්ෂිකරුගේ ප්‍රකාශයේ කරුණු චුදිතයන්ගේ දුරකථන ඇමතුම් වාර්තා සහ දුරකථන කුලුනු වාර්තා මඟින් තහවුරු වී තිබේ.

ප්‍රියන්ත රාජපක්ෂ සහ රූපසේන චුදිතයන් උදෑසන කාලයකදී එක්නැලිගොඩගේ දෙනෙත් බැඳ චුදිත කුමාරරත්නට බාරදීමට එක්නැලිගොඩ ගිරිතලේ කඳවුරෙන් ගෙන ගොස් තිබේ. චුදිතයන් කිහිපදෙනකු ගිරිතලේ කඳවුරෙන් පිටවී අඩලච්චේන සහ අක්කරෙයිපත්තුවට ගිය බවට සාක්ෂි තිබේ. ඊට මාස 4 කට පසු චුදිත පීරිස්ගේ නියමයෙන් කඳවුරේ තිබුණ තොරතුරු සටහන් ලේඛන විනාශ කර තිබේ. බුද්ධි රාජකාරි සඳහා භාවිත කළ සියලු ලේඛන ඇතුළු පොත් මේජර් පීරිස් බාරයට ගෙන ඇත.

එක්නැලිගොඩ නඩුවට විශේෂ අධිකරණ විභාගයක්

මහනුවරට යලිත් ඇඳිරිනීතිය

පෙරේදා රාත්‍රියේ ( 05-03-2018 ) තෙල්දෙණියේ සහ දිගන ඇති වූ කලහකාරී සිදුවීම් අද උදෑසන ( 07-03-2018 ) වන විට ආරක්ෂක අංශයන් විසින් මුළුමනින්ම පාලනය...

ආහාර පාලනය ගැන හිතන්නත් කලින් බර අඩු කරගන්න පුළුවන් ක්‍රම 09ක්

01 හැමදේම ලියාගන්න ආහර පාලනය පටන් ගැනීමට පෙර එදිනෙද ඔබ ආහාරයට හා බිමට ගන්නා ද්‍රව්‍ය ලිය තැබීම ආරම්භ කරන්න. ඔබ භාවිත කරන apps එකේ මෙම...

ලිංගිකත්වය මනස සමග පොරබැඳි සත්‍ය කතාවක්

මම හිමාලි.මගේ වයස අවුරුදු 28ක්.මම වෘත්තියෙන් විධායක නිලධාරිනියක්.මගේ සැමියා කමල්.එයාට වයස අවුරුදු 32ක්.එයා වෘත්තියෙන් ගණකාධිකාරිවරයෙක්.අපිට බබාලා හිටියේ නෑ.ඒ නිසා අපි හරිම සිත් තැවුලෙන් හිටියේ.ගෙවල්...

කුට්ටනය ( Trafficking ) – දණ්ඩ නීති සංග්‍රහයේ 360 වගන්තිය

මුදල් හෝ වෙනත් දෙයක් සඳහා පහත සඳහන් ඕනෑම ක්‍රියාවක් හෝ ක්‍රියා සිදු කරන අයෙක් කුට්ටනය කිරීමේ වරදට වරදකරු වන අතර අවුරුදු 10 දක්වා...

ගැහැණු ළමයි ෆොටො ගන්නේ බලාගෙනයි

කන්නාඩියක් ඉදිරියේ නිරුවතින් සිටගන්නා තරුණියක් ඇයගේ smart phone එකෙන් photo එකක් ගන්නට පෙළඹෙන්නේ ඇයි ? ඒ photo එක ලැබෙන ඇගේ පෙම්වතා whatsApp හෝ වෙනත්...

අමුතු මැක්ගේ අමුතු සටන

උපන්දින සඳහා තනන ඉටිපන්දම් බෝම්බ බවටත්, කඩදාසි රැඳවුම් කටු පිස්තෝල බවටත් , ගම් වර්ග තුවක්කු සඳහාත් පරිවර්තනය කොට ලෝකයේ ත්‍රස්තවාදයට එරෙහිව සටන් වදින අසාමාන්‍ය...

විශාදය වැඩිපුර හැදෙන්නේ කාටද

පුද්ගලයෙකුගේ යහ පැවැත්මට ඒ පුද්ගලයාගේ මානසික සෞඛය ගොඩාක් වැදගත් වෙනවා. විශාදය කියන්නේ අද සුලබව දකින තියන මානසික තත්වයක්. එය පුද්ගලයකුගේ යහපත් මානසික සෞඛ්‍යයට බාධාවක්....

කියවීම පුරුද්දක් කරගත් ව්‍යවසායකයෝ

කියවීමෙන් මිනිසා සම්පුර්ණ වන්නේ යම් සේද එලෙසම ව්‍යවසායකයින් සඳහා ද එම සංකල්පය ගැලපේ. එය ඔවුන්ගේ වටිනාකම ඉහල නැංවීමට හේතු වනු ඇත. ඉතාම කාර්ය බහුල ජිවිත...

ඔබේ කන්‍යා පටලය ගැන ඔබ දන්නවා ද ( අතිශයින්ම කාන්තාවන්ට පමණයි )

මංගල යහනේදී පිරිමි ඉල්ලා සිටින්නේ කාන්තාවගේ පිරිසිදුකම තහවුරු කරන කන්‍යාභාවයයි. 21 වන සියවසේදීත් ආසියාතික රටවල කන්‍යාභාවයට විශාල වටිනාකමක් තියනවා. අතීතයේ පටන් කාන්තාවකගේ කන්‍යාභාවය පරික්ෂා...