ශ්‍රී ලංකාවට පිටුවහල් කරනු ලැබූ සිව් දෙනෙකුගෙන් යුත් පවුලක් (ඕස්ට්‍රේලියාවේ උපන් කුඩා දරුවන් දෙදෙනෙකු ද ඇතුළුව) ශ්‍රී ලංකාව බලා පිටත් වූ ගුවන් යානයකින් මෙරටට ගෙන ඒමට සැරසී සිටිය දී ඕස්ට්‍රේලියානු අධිකරණය විසින් තාවකාලිකව එම පිටුවහල් කිරීම අත්හිටු වීමට නියෝගයෙන් කර තිබේ.
ඕස්ට්‍රේලියාවේ කොන්සර්වේටිව් රජය මෙම දෙමළ පවුල මෙල්බර්න් හි සංක්‍රමණික රැඳවුම් කඳවුරෙන් රැගෙන ගොස් ගුවන් යානයක දමා ශ්‍රී ලංකාවට පිටුවහල් කරන ලෙස ඊයේ (29) කටයුතු කර ඇත.
නමුත් හෙදර් රයිලි නම් ෆෙඩරල් විනිසුරුගේ දුරකථන ඇමතුමකින් ගුවන් යානය ගුවන් ගතවීම වහා නවතා මෙම පවුල පිටුවහල් කිරීමෙන් වළකා එම පවුල ඔස්ට්‍රේලියාවේ ඩාවින්හි යළි පදිංචි කරන ලෙසට නියෝග කර ඇත.
සරණාගතභාවය පතා මෙම දෙමව්පියන් 2012 සහ 2013 දී වෙනම බෝට්ටුවකින් ඕස්ට්‍රේලියාවට පැමිණ තිබිණි.
ඔවුන්ගේ දියණියන් වන කොපිකා (වයස අවුරුදු හතර) සහ තරුනික්කා, (වයස අවුරුදු දෙකකි) උපත ලබා ඇත්තේ මෙලෙස සංක්‍රමණය වූ පසු ඕස්ට්‍රේලියාවේදීයි. කිසි විටෙකත් ශ්‍රී ලංකාවට නොපැමිණි නමුත් ඔවුන් දෙදෙනාට උපතින් ඕස්ට්‍රේලියානු පුරවැසිභාවය සඳහා අයිතියක් හිමි වී නැත. මේ පිටුවහල් කිරීම සම්බන්ධව එරට ස්වදේශ කටයුතු අමාත්‍ය පීටර් ඩටන් කියා සිටියේ මේ පවුල සරණාගතයින් නොවන බවත් ඕස්ට්‍රේලියානු ආරක්ෂාව ලැබීමට සුදුසු නැති බවත්ය.
“ඔවුන් මෙහි පැමිණියේ බෝට්ටුවෙන්. ඔවුන් සරණාගතයින් නොවන බව පිළිගැනීමට මම කැමතියි, ඔවුන්ට අපේ රටෙන් ආරක්ෂාව ලැබිය යුතු නැහැ” යැයි මේ සම්බන්ධව සිය අදහස් දක්වමින් ඩටන් ප්‍රාදේශීය මාධ්‍ය වෙත පවසා තිබිණි.
ශ්‍රී ලංකාවේ දී ඔවුන්ගේ ජීවිතවලට අනතුරක් සිදුවිය හැකි බව මේ පිටුවහල් කිරීමට එරෙහිව අදහස් දක්වමින් එරට දෙමළ සරණාගත කවුන්සිලයේ ප්‍රකාශක අරන් මයිල්වගනම් පවසා තිබුණි.
මේ සිදුවීම එරට දේශපාලනික ලැව් ගින්නක් කරා ඇදී යෑමට එතරම් කාලයක් ගත නොවූ අතර මේ සම්බන්ධව විවිධ පාර්ශ්වයන් සිය විරෝධය ඉදිරිපත් කිරීමට පෙළ ගැසුණි.
මවගේ තාවකාලික වීසා බලපත්‍රය කල් ඉකුත් වීමෙන් පසු පසුගිය මාර්තු මාසයේදී මේ පවුල ආගමන රැඳවුම් භාරයට ගෙන තිබිණි.
 “ඔවුන්ට නවතින්න ඉඩ දෙන්න” යනුවෙන් හඬ නඟමින් ‍විරෝධතාකරුවන් දුසිම් ගනනක් උසාවියෙන් පිටත රැස්වූයේ මේ පිළිබඳව අධිකරණ විභාගය සිදුවෙමින් පවතිද්දීය.
මේ පිටුවහල් කිරීමට විරුද්ධව රට පුරා මතයක් ගොඩනැගෙමින් පවතින වාතාවරණයක් නිර්මාණය වෙමින් පැවතෙද්දී එරට ස්වදේශ කටයුතු අමාත්‍ය ක්‍රිස්ටිනා කෙනාලි විසින් අග්‍රාමාත්‍ය ස්කොට් මොරිසන්ගෙන්  ඊට මැදිහත් වන ලෙස ඉල්ලීමක් කරන ලදි.
කෙසේවෙතත් අවසානයේ මෙම පිටුවහල් කිරීම වහා අත්හිටුවීමට එරට අධිකරණය කටයුතු කර තිබිණි.

ශ්‍රී ලංකාවේ දෙමළ පවුල ඕස්ට්‍රේලියාවම කළඹවයි

2018 සිංහල අවුරුදු නැකත් සීට්ටුව

සුර්යයා මිණ රාශියේ සිට මේෂ රාශියට ගමන් කිරීමත් සමඟ එළඹෙන සිංහල හින්දු අලුත් අවුරුද්ද ශ්‍රී ලාංකික සිංහල හා දෙමල ජනයාගේ ප්‍රධාන සංකෘතික මංගල්‍යයයි. මේ 2018...

ඇයි අපි ව්‍යායාම් කල යුත්තේ

පමණට වඩා ආහාර ගැනීම සහ සෞඛ්‍ය තත්වය පිරිහීමට හේතු වන්නේ ස්වභාවික අන්දමේ ව්‍යායාම නොලැබීමයි. තම ශරීර සෞඛ්‍ය සාමාන්‍ය පරිදි පවත්වා ගැනීමට නම් ක්‍රියාකාරකම් අත්‍යවශ්‍ය...

ඔබටත් ප්‍රබෝධමත් කාර්‍යාලයක්

උදසනින්ම පැමිණ කාර්‍යලයේ වැඩ පටන් ගන්න නම් ප්‍රබෝධමත් බවක් තිබිය යුතුමයි. ඒ ප්‍රබෝධමත් බවට කාර්‍යලයේ මෙන්ම ඔබ සිටින ස්ථානයේ පිළිවෙලක් අත්‍යවශ්‍යම කරුණක්. ප්‍රබෝධමත්ව කාර්‍යලයේ...

කොල්ලෝ ජාති

කොල්ලෝ ජාති ??? කොල්ලන් වනාහි අරුම පුදුම සත්ත්ව කොට්ඨාසයකි. හිසේ සිට පාදාන්තය දක්වා බොහෝ විට කොල්ලන් එක වගේය. හැබැයි ඒ ඇඟවල් අස්සේ ඉන්න එවුන් අහසට...

ඔබත් මමත් ඇයත් හි සුරූපී මායා

අද බොහෝ පිරිසක් නරඹන ටෙලි නාට්‍යය බවට පත් වී ඇත්තේ ඔබත් මමත් ඇයත් ( obath mamath ayath ) ඉන්දියානු ටෙලි නාට්‍යයි. මායා මල්හෝත්‍රා කියන්නේ...

වියලි කාලගුණයෙත් සම රැකගන්න මෙහෙම කරන්න.

මේ කාලයේ අපේ රටේ හැම ප්‍රදේශයකම තියෙන්නේ අධික වියලි කාලගුණයක්. පරිසරයේ පවතින වියලි බවත්,වියලි සුළඟත් නිසා අපේ සම බොහොම ඉක්මනට වියළි බවට පත් වෙනවා....

පරණ පණක්

කුඩා කල සිට පළහ ඌවෙ පදිංචිව සිටි මම, එහි ඇති වියලි පරිසරයට අනුගතව හැදී වැදුණු අයෙකු බව පැවසීමට නොපකිලේන්නෙමි. එම පරිසරයේ දක්නට ලැබෙන ,...

අක්කා නගා එකම දවසේ මංගල ගමන් යයි

ජනප්‍රිය ගායන ශිල්පිණී උපේඛා නිර්මාණි යුග දිවියට එළඹෙයි.වෘත්තියෙන් ඉංජිනේරුවෙකු වන තිලිණ අකලංග සමගයි.මෙහි විශේෂත්වය නම් විවාහ දෙලාල් එකම දිනයේ සිදුවීමයි.ඒ උපෙඛාගේ වැඩිමල් සොයුරියයි. මෙහි...

බිහිසුණු දින 49ක්

ග්‍රහ ලොව යක්ෂයා වූ රුධිර කාරක කුජ ග්‍රහ තාරකාව ජනවාරි මස 17 වන දින පාන්දර 5.11 ට වෘශ්චික රාශියට පිවිසෙයි. ඒ අනුව ඉතා බලවත්...