යුවතියක් හෝ කාන්තාවක් හැමවිටම කිසිවෙකු මත යැපෙන්නියක් විය යුතු නැත. තමාගේම වෙර වීර්යයෙන් ජීවිතය දිනන්නට ඇයටද අයිතියක් ඇත. ඇතැම්විට ඇරඹුම කඳුළක් විය හැකි මුත් ඉවසීමෙන් දුරක් ගෙවූ කල සිනාමල් හමුවන්නේ පොකුරු පිටින්ය.
භාග්‍යා මදනසිංහ ගේ ගම බදුල්ල ය. බදුල්ල විහාරමහා දේවි විද්‍යාලයෙන් අකුරු කළ ඇය මේ වන විට වෘත්තීයෙන් ගෘහ නිර්මාණ ශිල්පිනියකි. ඒ නමුත් ඇගේ විනෝදාංශය වුයේ වෙනයම් ම දෙයකි. භාග්‍යා පවසන අන්දමට ඇය කුඩා කල පටන්ම පොත්වල කුරුටුබලි ගෑමට දක්වා ඇත්තේ විශේෂ කැමැත්තකි.  අවසානයේ කාටුන් චරිත ඇඳීම දක්වා ම වැඩි දියුණු වී ඇත්තේ ද එම කැමැත්තයි. විශ්ව විද්‍යාලයේ දේශනවලට සහභාගි වන අතරතුරේදි ද ඇගේ සටහන් පොත්වල ඇගේම යහළු යෙහෙළියන් කාටුන් චරිත බවට පත්ව ඇත්තේ හරිම අපූරුවටය. මේ හැකියාවට හිතවතුන්ගෙන් ලැබුණු ඉහළ ප්‍රතිචාර නිසාම භාග්‍යා තව තවත් ඒ අංශයට ම යොමු වී ඇත. මේ සම්බන්ධයෙන් ස්වයං අධ්‍යයනයක් කිරීමට ඇය පෙළඹෙන්නේ නිතැතින්මය. පවුලේ උදවිය සේම ඇගේ අනාගත සහකරුත් මේ කටයුතුවලදී ඇයට විශාල සවිශක්තියක් වුණු බව භාග්‍යා සිහිපත් කරන්නේ ඉතාමත් සතුටිනි.
ඇය “Movingdoodles” නමින් ෆේස්බුක් ගිණුමක් අරඹන්නේ තමන්ගේ කාටුන් චිත්‍ර පළ කිරීමටය. මිනිස් ඉරියව් අපූරුවට සිතුවම් කරන්නට පටන් ගත් තැන පටන් ඇගේ කාටුන් චිත්‍රවලට ඉල්ලුම වැඩි විය.
මම හිතුවෙ නෑ කවුරුත් මගෙන් මුදලට කාටුන් ඇඳලා දෙන්න කියලා ඉල්ලීමක් කරයි කියලා. ඒත් කෙනෙක් මට ෆොටෝ එකක් පෙන්නලා ඒ වගේ එකක් ඇඳලා දෙන්න කියලා කිව්වා. මුලින් බෑ බෑ කියලත් පස්සෙ මං ඒ වැඩේ භාර ගත්තා.ගොඩක් මහන්සි වෙලයි මං ඒක ඇන්දෙ. ඒත් ඒක එයාගේ හිතට ඇල්ලුවෙ නෑ. එයා ඒක සල්ලි දීලා ගත්තෙත් නෑ. ඒත් මම නැවතුණේ නෑ. දිගටම ඇන්දා. මගේ අක්කව තමයි මම වැඩිපුර ඇන්දෙ. මොකද එයාව මට පේන්නෙ කාටුන් චරිතයක් වගේ. ඒ චිත්‍ර දැකලා ආයෙමත් මට දිගටම ඇණවුම් ලැබුණා. මට ඇත්තටම අවශ්‍ය වෙලා තිබුණෙ මිනිස් ඉරියව් අඳින එක නෙවෙයි. අපිට ළඟා වෙන්න බැරි දේවල් චිත්‍රයට නඟන්න. මං හිතින් මවාගන්න දේවල් චිත්‍රයට නඟන්න. ඒත් ඉල්ලුමක් හැදිලා තියෙන්නෙ මිනිස් ඉරියව් සහිත චිත්‍රවලට.
භාග්‍යා මේ වන විට රැකියාවට අමතරව ඉහළ ආදායමක් ලබන්නේ ඇගේ නිර්මාණාත්මක හැකියාව හේතුවෙනි. සිය අධ්‍යාපන කටයුතු සහ අමතර වියදම් සඳහා බොහෝ කලක පටන් ඇගේ මහන්සියෙන් උපයාගත් මුදල් වියපැහැදම් කරන ඇය, මාපියන්ට බරක් නොවී නිරන්තරයෙන් සිය වියදම් කළමනාකරණය කරගන්නීය. මේ වන විට ළමා සඟරාවක ඇගේම කාටුන් කතාවක් ඇඳීමට ද භාග්‍යාට භාග්‍ය උදාවී ඇති අතර ඇගේ සිහිනය වී ඇත්තේ දිනෙක කාගෙත් මතකයේ රැඳෙන කාටුන් චරිතයක් සියතින් බිහි කිරීම ය.
මිහිරි කාංචනා 

- A word from our sposor -

spot_img

කාටුන් චිත්‍රයෙන් ජීවිතයට භාග්‍යය උදාකරගත් භාග්‍යා

සිවිල් නීතිය ගැන දන්නවද

අපි සමාජයේ ජිවත් වෙනකොට නීතිය ගැන සාමාන්‍ය දැනීමක් හෝ තිබීම අත්‍යවශය කාරණාවක්. නීතිය, සිවිල් නීතිය, අපරාධ නීතිය ලෙස කොටස් දෙකකින් යුක්ත වෙනවා.  අපි අද ලිපි...

හොර ෆේස්බුක් ගිණුම් හිමියන්ගෙන් පරිස්සම් වෙන්න ඔබත් දැනුවත් ද

සමාජ ජාලා web අඩවියකින් යම් පුද්ගලයෙක් වෙනත් කෙනෙකුගේ පින්තුරයක් සහ වෙනත් නමක් භාවිතා කර තමන්ගේ අනන්‍යතාවය සඟවාගෙන සිටිනවානම් එය fake account ( ව්‍යාජ ගිණුමක්...

මේ සතිය ඔබට

මේෂ ව්‍යාපාර වලින් ලාභ බුධ දහවැන්නේ ගමන් කිරීම ඉතා යහපත්ය. ව්‍යාපාර කටයුතුවලින් වැඩි ලාභ ප්‍රමාණයක් බලාපොරොත්තු වීමට පුළුවන. බලවත් පුද්ගලයින්ගේ උදවු උපකාර ලැබිය හැක.ජනප්‍රියතාවය වැඩිවෙයි....

වේගවත් ව පරිගණකය හසුරුවන අලුත් තාක්ෂණය -ලීප් මෝෂන් (Leap motion)

ලීප් මෝෂන් කියන්නේ සාමාන්‍ය මවුස් එකක් හෝ කී බෝඩ් (key board) එකකටත් වඩා පහසුවෙන් touch screen එකකටත් වඩා වේගයෙන් computer එක හා සම්බන්ධ විය හැකි තාක්ෂණයක්,...

සුදුවෙන්න සම නිරෝගී වෙන්න ඔයත් මේ ක්‍රම අනුගමනය කරන්න

බොහෝ කාන්තවන්ගේ ඒකායන පැතුම තමයි සුදු වෙන එක. අපේ සමේ පැහැයට බලපාන්නේ මෙලනින් කියන වර්ණකය. මෙලනින් වල අඩු වැඩිබව මත තමයි අපේ සමෙ පැහැය...

විශාදය වැඩිපුර හැදෙන්නේ කාටද

පුද්ගලයෙකුගේ යහ පැවැත්මට ඒ පුද්ගලයාගේ මානසික සෞඛය ගොඩාක් වැදගත් වෙනවා. විශාදය කියන්නේ අද සුලබව දකින තියන මානසික තත්වයක්. එය පුද්ගලයකුගේ යහපත් මානසික සෞඛ්‍යයට බාධාවක්....

වෙනස් වීදිහට කුකුළු මස් කන්න කැමති අයට

අපි හැමදාම කුකුළු මස් කන්නේ කරී චිකන් හදල. එහෙමත් නැත්නම් ඩෙවල් දාලා. ඉතින් හැමදාම එකම විදිහට චිකන් කන්නේ නැතුව වෙනස් විදිහකට චිකන් කන්න කැමති...

ගොනෝරියා රෝගය ලිංගාශ්‍රිත රෝගයක් ද

පසුගිය ලිපියෙන් ලිංගික රෝග ඇතිවෙන්නේ කොහොමද කියලා අපි ඔබව දැනුවත් කළා. මෙම ලිපියෙන් අපි අපි ඔබව දැනුවත් කරන්න බලාපොරොත්තු වන්නේ ලිංගික සම්බන්ධයක් නිසා නැත්නම්...

වෙනස්ම රසයකට ගස් ලබු කෑම

පැපොල් එහෙමත් නැතිනම් ගස්ලබු කියන්නේ ලංකාවේ ඕනෑම ප්‍රදේශයකදී දකින්නට ලැබෙන පළතුරක්. නිතර දකින්න ලැබෙනවා වගේ තමයි ඕනෑම දේශගුණික තත්වයකදී වුවද පහසුවෙන් විය හැකි ශාකයක්....