ඔබ කවදාක හෝ සිතුවාද අතපය හතර ඇතුළු සියලුම අංග , සම්පූර්ණ ජීවියෙකු ලෙස උපන් ඔබ මොනතරම් වාසනාවන්තද කියා ? ඔබට දෙසවනින් අසා , දෙනෙතින් බලා , මොළයෙන් සිතා යමක් කිරීමට හෝ තීරණය කරන්නට හැකියි. ඒ තීරණය හෝ ඔබ සිතූ දේ ඔබට කටින් කිව හැකියි. අතපය ඔබට කැමති දෙයක් කරන්නට ඔබට අවනතයි. ඒ අතින් බලන කල ඔබ ඉතාමත් වාසනාවන්තයි , ඒ වාසනාව ඔබට ගෙන ආ දෙමාපියන්ට ඔබ වැඳිය යුතුයි. කල්පනා කර බලන්න ! දෙමාපියන්ට පිංසිදුවන්නට , ඔබට ලැබුනාවූ සම්පූර්ණ මිනිස් බවින් ඔබ හරියට ප්‍රයෝජන ගන්නවාද ? ඒ උතුම් මිනිස් බවට සරිලන සේ ජීවත් වනවාද ? කල්පනා කර බලන්න ! මා දැන් සඳහන් කරන තත්ත්වයක් ඔබට ඇතිවුණානම් ඔබ දැන් කරන සියල්ලම අවසානයි නේද කියලා !
දැන් මා කියන්නට යන්නෙ , කිසිවක් ම කරකියා ගත නොහැකි , මිනිසත් බව පමණක් ලැබූ , ඒ අහිංසකයන් කොටස ගැනයි , නැතහොත් ඩවුන් සින්ඩ්‍රෝම් දරුවන් ගැනයි. ඇත්ත වශයෙන්ම මේ අය සදාකාලික දරුවන්ය, එතරම්ම අහිංසකය ,පිවිතුරු ය. මේ විශේෂිත දරුවන් සිටින තැනකට එකවරක් හෝ ගොස් බලන්න ! ඒ මුහුණවල්වල ඇති අවිහිංසක බව , හැඟීම් විරහිතභාවය , ඒ අවසඟ දෑත් දෙපා , දුටු විට ඔබට ඔබ ගැනම ලැජ්ජා හිතේවි.

දෙමාපියන්ට පිංසිදුවන්නට ,සම්පූර්ණ දරුවකු ලෙස මෙලොවට පැමිණ , දෙමාපියන් ගෙන් පෝෂණයද , නිසි අධ්‍යාපනය , ගුණධර්ම ඉගෙනගෙන වැඩිහිටි වූ පසු , දෙමාපියන් තුට්ටුවකට ගනන් නොගෙන , වීරයන් සේ ලොවම හදන්නට යන සමහරුන් , මේ දරුවන් දුටුවා නම් , ඔවුන් යමක් වටහාගන්නට විඳින දුක දැක්කා නම් , තමන් ගැනම ලැජ්ජා හිතේවි.
ඇයි මෙවැනි තත්ත්වයක් ඇතිවන්නේ ? එය සුවකළ හැකිද ? ඇත්තටම අවාසනාවන්තම දේ නම් , මෙය සුවකළ  නොහැකි ජාන විකෘතියකි. පළමු වතාවට මේ තත්ත්වය හඳුනා ගත්තෙ ජෝන් ලැංග්ඩන් ඩවුන් නම් වෛද්‍යවරයා විසින් , ඔහුට උපහාර පිණිසයි එය DOWN SYNDROME නමින් හඳුන්වන්නේ .

එම තත්ත්වයට හේතුව නම් , සාමාන්‍යය සෛලයක ඇති වර්ණදේහ 23 න් , 21 වන වර්ණදේහය තුනකට බෙදීයාමයි.එම තත්ත්වය Nondisjunction ලෙස හඳුන්වනවා. මෙවැනි දරුවන් වැඩි දෙනෙකුට ,සාමාන්‍යය දරුවන් සේ , කතාකිරීමේ හැකියාව අඩුයි. විවිධ ශබ්ද ඔවුනගේ භාෂාවයි. ඒවායින් ද කුමන අර්ථයක් පළවෙනවාද සිතිය නොහැකියි. සියල්ලන්ගේම මුහුණුවර එක සමාන බවක් පෙන්වයි . ශරීර වර්ධන වේගය අඩාලයි. සාමාන්‍යය අය සේ සිතන්නට , ක්‍රියාකරන්නට ඔවුන්ට නොහැකියි. කොටින්ම කිවහොත් සාමාන්‍යය කෙනෙකුට කරන්න පුළුවන් දේවල්වලින් ඉතාම සීමිත ක්‍රියාවන් කිහිපයක් පමණයි මේ අයට කරන්නට පුළුවන් .

 අඩුම ගානේ තමන්ගේ මූලික අවශ්‍යතා , සනීපාරක්ෂක ක්‍රියාවන් වත් නිසි සේ කරන්නට බැහැ . නමුත් මේ දරුවන් සඳහා ඇති විශේෂිත පාසල්වල , මේ අයට යම් යම් දේ තනිව කරගන්නට උගන්වනවා. ඒකට මහත් පරිශ්‍රමයක් , දීර්ඝකාලීන කැපවීමක් , දැඩි ඉවසීමක් සහ මානව කරුණාවක් අවශ්‍යයි. මන්ද , මේ අයගේ ඉගැනීමේ හැකියාව ඉතාම අවම වීමයි ,නමුත් ඔවුන්ට ඒ උසස් කැපවීම මත , යම් යම් දේ ඉගැන්විය හැකියි.
ඒ අතර විවිධ හැකියාවන් ඇති අයත් ඉන්නවා . බලන්න , මා මෙහි යොදා ගෙන ඇති පහත ඡායාරූප අතර ඉන්න සුන්දර තරුණිය දිහා . ඇය ඩවුන් සින්ඩ්‍රෝම් තරුණියක් යයි සිතන්නට පුළුවන් ද ? නම , මැඩ්ලීන් ස්ටුවර්ට් , ලෝකයේ සිටින එකම වෘත්තීය , ඩවුන් සින්ඩ්‍රෝම් රෝගී මෝස්තර නිරූපිකාව , ඇය රෑම්ප් එක මත සිදුකරන මනබන්දනීය කැට්වෝක් ලාලිත්‍ය දෙස නරඹනන්නන් බලාසිටින්නේ වශීකෘතවයි. ඇගේ ඒ සුන්දර බවට හා සුවිශේෂි හැකියාවේ සෙවනැල්ල ඇගේ ආදරණීය මෑණියන් වූ රොසෑන් ස්ටුවර්ට්ය. ඇත්තටම ඇය ආදරණීය අම්මෙක් වගේම දිරිය මිනිස් දියණියක් .

මෙවන් දරුවන් බොහෝවිට සංගීතයට හා නර්තනයට ලැදියි . ඒ වගේම සාමාන්‍යය මට්ටමේ අධ්‍යාපනයක් ලබලා හොඳ තත්ත්වයක ඉන්න දරුවනුත් ඉන්නවා . ඒ වගේම මේ අයගේ මොළය යම් තත්ත්වයකට ගෙන ඒමට , භෞතචිකිත්සක (physiotherapy ) , කතික ප්‍රතිකාර ( Speech therapy ) වැනි විවිධ ප්‍රතිකාර ක්‍රම තියෙනවා . ඒ මොනවා කළත් , ඔවුනට අන් අයගේ දැඩි ආදරය , රැකවරණය නම් ඕනෑමයි . මේ අයට සාමාන්‍යයෙන් නිතරම තරහ යනවා , එහෙම වෙන්නෙ මේ අහිංසකයන්ට තමන්ගේ හිතේ තියන දේ හරියට කියාගන්න බැරි නිසා . ඒ වෙලාවට මෙයාලා කෑගහලා අඬන වෙලාවල් බොහෝයි. මෙහෙම විශේෂ දරුවන් කෙරෙහි කටයුතු කරන විට දැඩි ඉවසීම , වගේම කැපවීම , කරුණාව , ආදරය වැනි හැඟීම් ඕනෙමයි. කවදාවත් මේ අහිංසකයන්ව , සමච්චලයට ලක්කරන්න එපා . ඔවුන්ව ” මන්ද බුද්ධික , මොංගල් ” යන නම්වලින් හඳුන්වන්න එපා ! එහෙම කියන අයයි මොංගල් හෝ මන්දබුද්ධික ! නැතුව මේ කිසිම වරදක් නැති අහිංසකයන් නොවෙයි. ඔවුන් සමඟ හැසිරෙන විට ,
***යමක් කීමේදී ඒ මුහුණු දෙස කෙලින්ම බලා කියන්න .
*** මෘදුව , කාරුණික දෑසින් පැහැදිලිව කෙටි වචන කියන්න .
*** හැකි පමණ මුහුණෙන් ඉරියව් සහ අංගචලනය මඟින් සන්නිවේදනය කරන්නට උත්සහ කරන්න .
*** ඒවගේම ඔබ යමක් කියූ පසු , එයට උත්තර දෙන්නට සිතන්න ට කාලය ලබා දෙන්න .
*** ඒ වගේම ඔබ කියූ කුඩා වචන නැවත ඔවුන් ලවා කියවන්නට ආදරයෙන් උත්සහ කරන්න .

මේ සියල්ල සමඟ ඔබේ රැකවරණය , දෙන්න . අනුකම්පාව නොව ආදරයම දෙන්න . ඒ අයට සමාජයේ අන් අය සේම ජීවත් වන්නට උපකාර කරන්න . අනුන්ගේ හෝ වේවා , මේ දරුවන් සිටින රැකවල් නිවාස , පාසල් සොයා ගොස් ඔවුන්ට ඔබේ කරුණාවේ හස්තය දිගු කරන්න ! බලන්න එවිට ඒ අහිංසක මුවට නැගෙන සුන්දර හසරැල්ල . එයම ඔබට ඔබේ සම්පූර්ණ මිනිසත්බව ගැන ආදරයක් ඇති වේවි !


ගංගා කුමාරි පෙරේරා

- A word from our sposor -

spot_img

ඩවුන් සින්ඩ්‍රෝම් දරුවන් නිට්ටාවටම සුවකළ හැකිද

The Sound Of Music

2018 පෙබරවාරි 14 සිට 18 දක්වා නෙලුම් පොකුණ මහින්ද රාජපක්ෂ රගහලේදී

කාටුන් චිත්‍රයෙන් ජීවිතයට භාග්‍යය උදාකරගත් භාග්‍යා

යුවතියක් හෝ කාන්තාවක් හැමවිටම කිසිවෙකු මත යැපෙන්නියක් විය යුතු නැත. තමාගේම වෙර වීර්යයෙන් ජීවිතය දිනන්නට ඇයටද අයිතියක් ඇත. ඇතැම්විට ඇරඹුම කඳුළක් විය හැකි මුත්...

කොහොමද පවුල් සැලසුම් ක්‍රමයක් නිසි ආකාරව භාවිතා කරන්නේ

පවුල් සංවිධාන ක්‍රම ( family planning ) අපි භාවිතා කරන්නේ යුවලකට පළමුවෙනි දරුවා පමා කරගැනීමට සහ දරුවෙක් ලැබුනට පසුව ( එක්කෙනෙක් හෝ දෙදෙනෙක් හෝ...

ඉලෙක්ට්‍රොවයිබ්‍රේෂන් තාක්ෂනය

මෙම තාක්ෂනය නිසා මොබිල් ටච් ස්ක්‍රීන් තාක්ෂනය අපුර්ව ලෙස වෙනසකට ලක් වෙනවා. ඒ කියන්නේ මේ තාක්ෂනය නිසා විවිධ වූ ස්පර්ශ අත්දැකීම් විදීමට හැකියාව ලැබෙනවා....

ඔබේ කන්‍යා පටලය ගැන ඔබ දන්නවා ද ( අතිශයින්ම කාන්තාවන්ට පමණයි )

මංගල යහනේදී පිරිමි ඉල්ලා සිටින්නේ කාන්තාවගේ පිරිසිදුකම තහවුරු කරන කන්‍යාභාවයයි. 21 වන සියවසේදීත් ආසියාතික රටවල කන්‍යාභාවයට විශාල වටිනාකමක් තියනවා. අතීතයේ පටන් කාන්තාවකගේ කන්‍යාභාවය පරික්ෂා...

ඉන්දියානු රුමතියන්ගේ රුපලාවන්‍ය රහස්

ඉන්දියාව කියන්නේ ලෝකයේ ලස්සනම කාන්තාවන් සිටින රටවල් අතුරින් ප්‍රමුඛ ස්ථානයක් ගන්නා රටක්. ඒ වගේම ලස්සන කාන්තාවන් වදින ප්‍රමාණයක් ඉන්න රට තමයි ඉන්දියාව. මොකක්ද මේ...

මාලිගාවත්තේ වෙඩි තැබීම ගැන සෙවීමට පොලිස් කණ්ඩායම් හතරක්

මාලිගාවත්ත, අලාමාඉබ්බාල් අතුරු මාර්යේදී පුද්ගලයෙකු වෙඩි තබා ඝාතනය කිරීමේ සිද්ධියට සම්බන්ධ සැකකරුවන් සොයා විශේෂ කණ්ඩායම් 4ක් යොදවා ඇති බව පොලීසිය පවසනවා. ඊයේ රාත්‍රියේ 8.30ට පමණ සිදුවූ...

විසික්කරන දෙහි ලේල්ලෙන් ලස්සන වෙන්නේ කොහොමද

අපි දෙහි භාවිතා කලට පස්සේ දෙහි ලෙල්ල විසි කරනවනේ. ඉතින් අපි https://thewoman.lk එකෙන් ඔයාලට කියල දෙන්නේ විස්ස්කරන දෙහි ලේල්ලෙන් ලස්සන වෙන්නේ කොහොමද කියල දෙහි ලෙල්ල...