ස්ට්‍රෝබෙරි කියන්නේ මිලෙන් තරමක් වැඩි උනත් අපි කව්රුත් කෑමට ප්‍රිය කරන පළතුරක්. ඉතින් අද අපි ඔයාලට කියල දෙන්නේ ස්ට්‍රෝබෙරි වලින් පහසුවෙන් හදන්න පුළුවන් රසවත් කෑම බිම කිහිපයක්.

ස්ට්‍රෝබෙරි ජෑම්

ස්ට්‍රෝබෙරි ජෑම් කියල අපි කඩෙන් ගන්නේ කෘත්‍රිම ස්ට්‍රෝබෙරි රස එකතු කල පුහුල්. මෙහි කෘත්‍රිම පැණිරස කාරක ආදිය විවිධ ප්‍රතිශත වලින් අඩංගු වෙනවා. ඉතින් අපිට ගෙදරදීම ස්ට්‍රෝබෙරි ජෑම් හදාගන්න පුළුවන් නම් කොච්චර හොදද?

අවශ්‍ය ද්‍රව්‍ය

ස්ට්‍රෝබෙරි 250g
ජලය 100ml
සීනි 50g
කොන් ෆ්ලවර් 10g
දෙහි යුෂ හැඳි 1

ස්ට්‍රෝබෙරි ගෙඩි සෝදා තරමක් පොඩි කරගන්න. ඉන්පසු එයට පිරිසිදු ජලය, සීනි , දෙහි යුෂ යොදා මැටි බඳුනක හෝ නොන්ස්ටික් බඳුනක මන්ද ගින්නේ පිසින්න. විනාඩි 10කට පමන පසු ලිපෙන් බාගෙන දියකරගත් කොන් ෆ්ලවර් හොඳින් මිශ්‍ර කරන්න. සෝදා පිරිසිඳු කරගත් වීදුරු බෝතලයකට මිශ්‍රණය දමන්න.නිවුණු පසු ශීතකරණයේ දමා කෑමට ගන්න.

 

ස්ට්‍රෝබෙරි මිල්ක් ෂේක්

අවශ්‍ය ද්‍රව්‍ය

ස්ට්‍රෝබෙරි 100g
නැවුම් කිරි කෝප්ප 1ක්
රස අනුව සීනි

සෝදාගත් ස්ට්‍රෝබෙරි සහ කිරි blender කරගන්න. එයටම සීනිත් එකතු කරන්න . මිශ්‍රණය වීදුරුවකට දමා එයට උඩින් අයිස් ක්‍රීම් හැන්දක් එකතු කරන්න.

 

ස්ට්‍රෝබෙරි ෂෝර්ට් කේක්

අවශ්‍ය ද්‍රව්‍ය

ස්ට්‍රෝබෙරි ගෙඩි 15ක්
ස්ට්‍රෝබෙරි ජෑම් 450g
විප් ක්‍රිම් කෝප්ප 1ක්
පාන් පිටි කෝප්ප 2ක්
කිරි කෝප්ප 3/4 ක්
සීනි මේස හැඳි 4ක්
බටර් මේස හැඳි 4ක්
බේකින් පවුඩර් මේස හැඳි 1ක්
ලුණු තේ හැඳි 1/2ක්

පාන් පිටි බඳුනකට දමා බේකින් පවුඩර් , ලුණු , සීනි , බටර් දමා අතේ නොඇලෙන පදමට මිශ්‍ර කරගන්න. ඉන්පසු මෙම මිශ්‍රණය විනාඩි 20 පමණ කාලයක් ශීතකරණයේ තබන්න. පසුව එය ඉවතට ගෙන කොටස් දෙකකට වෙන් කරගන්න. අඟල් 1/2ක පමණ වන රවුම් හැඩයට එම කොටස් දෙක සකසා ගන්න .ඉන්පසු සෙන්ටිග්‍රේට් අංශක 180 වනසේ උඳුන රත්කර විනාඩි 10ක් පමණ  රන්පැහැ වනතුරු බේක් කරගන්න. මෙලෙස සකසා ගත් ෂෝර්ට් කේක් දෙක මත ස්ට්‍රෝබෙරි ජෑම් හා විප් ක්‍රිම් තවරා ස්ට්‍රෝබෙරි වලින් අලංකාර කරගන්න.

 

ස්ට්‍රෝබෙරි ෂර්බට්

අවශ්‍ය ද්‍රව්‍ය

ස්ට්‍රෝබෙරි 500g
බිත්තර සුදු මද 4
සීනි 50g
යෝගට් 120ml
අයිසින් සීනි 50g
දෙහි යුෂ හැඳි 1

ස්ට්‍රෝබෙරි සෝදා බ්ලෙන්ඩර් කරගන්න. මෙයින් අඩක් වෙනත් බඳුනට ඉවත් කර ඉතිරිය ශීතකරණයේ තබන්න. බිත්තර සුදු මද හොඳින් ගසා ඊට දෙහි යුෂ එකතු කර හා වෙන කරගත් ස්ට්‍රෝබෙරි මිශ්‍රණය දමන්න. එයටම සීනි, යෝගට්, අයිසින් සීනි එකතු කර හොඳින් මිශ්‍ර කරගන්න. කෑමට ගන්න අවස්ථාවේදී මෙයින් හැන්ද බැගින් වීදුරුවට දමා මුලින් වෙන් කරගත් මිශ්‍රණය  එකතු කර ගන්න.

 

ලේසියෙන් පහසුවෙන් ස්ට්‍රෝබෙරි වලින් රසවත් කෑම බීම හදමු

ඉක්මනට සුදු වෙන ස්භාවික ආලේපනක්

සුදු වෙන්න, සම පැහැපත් වෙන්න, කියාවෙළඳ පොලේ තියෙන නොයෙකුත් ක්‍රිම් වර්ග ඔබ මේ වෙනකොටත් භාවිතා කරනවා ඇති. ඒ බොහෝ ක්‍රිම් වල බ්ලිචින් අඩංගු නිසා...

විලාසිතා කරන්න කැමති යුවතියන්ට වැදගත් කරුණු 6 ක්

කාන්තාවන් ගොඩාක් කැමතියි විවිධ වර්ගයේ විලාසිතා කරන්න. හැබැයි කොතරම් මිල ගණන් දීලා ඇඳුමක් ගෙනාවත් සමහර වෙලාවට පිරිමි පාර්ශවය නම් එච්චර කැමැත්තක් දක්වන්නේ නැහැ. ඉතින්...

රැකියාවට ගැලපෙන්න ඇඳුම විතරක් මදි

රැකියාවට යන යුවතියන් තමන්ගේ ඇඳුම කොහොමද තෝරාගන්නේ කියලා අපි පහුගිය ලිපියෙන් කතා කළා. ඉතින් අපි අද කියලා දෙන්න යන්නේ පාවහන්, කරාඹු, අත් බැග් වගේ...

සිහියෙන්ද  TV  බලන්නේ?

සමාධිගේ ගෙදර කට්ටිය හැමදාම රැට tv  බලනව. ටෙලි නාට්‍ය 5ක් වත් දවසකට බලන එක ඔවුන්ගේ පවුලේ පුරුද්දක් වෙලා දැන්. ඒ හැම එකකම තියෙන්නේ උගුල්...

නිවසේ ඇතුලත මෙන්ම පිටතත් හැඩකරන බිගෝනියා

දැක්ක ගමන් නෙත් සිත් වශීකරන ශාක අතරින් බිගෝනියා ඔබගේ නිවස පිටත මෙන්ම ඇතුළතද ලස්සන කරයි. * වර්ග රැසයි මෙම ශාකයේ ගොඩක් පාට මෙන්ම විවිද රටා වලින්...

Footwear & Leather Fair

පෙබරවාරි 2-4 දක්වා BMICH හිදී ජාත්‍යන්තර පාවහන් හා සම භාණ්ඩ ප්‍රදර්ශනය පැවැත්වේ. උසස් තත්වයේ භාණ්ඩ පහසු මිලට ලබා ගැනීමට මෙහිදී හැකියාව පවතී.

සුපර් මාර්කට් මේනියාව ඔබටත් වැළඳිලාද

සුපර් මාර්කට් ( supermarket ) යන නිත්‍ය පාරිභෝගික පිරිස වන්නේ ඉතා සුළු නාගරික පැලැන්තිය විතරයි. අනෙකුත් සාමාන්‍ය පාර්භෝගිකයින් යන්නේ ඉඳල හිටලා පොඩි පාරිභෝගික ආතල් එකක්...

ඉවසුවා ඇති වෙනස් කරමු

* හිංසනයක් සිදු වූ විට හුදකලාව විඳ දරා නොගෙන නිවැරදිව ප්‍රතිචාර දැක්වීමට දන්නවා * කාන්තාවක් සේ ඉපදීම හිංසනයට ලක්වීමට කිසිසේත්ම හේතුවක් දැනගෙන කටයුතු කරනවා * හිංසනය...

ලිංගිකත්වය මනස සමග පොරබැඳි සත්‍ය කතාවක්

මම හිමාලි.මගේ වයස අවුරුදු 28ක්.මම වෘත්තියෙන් විධායක නිලධාරිනියක්.මගේ සැමියා කමල්.එයාට වයස අවුරුදු 32ක්.එයා වෘත්තියෙන් ගණකාධිකාරිවරයෙක්.අපිට බබාලා හිටියේ නෑ.ඒ නිසා අපි හරිම සිත් තැවුලෙන් හිටියේ.ගෙවල්...