සිංහල හා දමිළ අලුත් අවුරුද්දට තව ඇත්තේ දින කිහිපයක් පමණයි. මේ අලුත් අවුරුද්දෙදිත් හදිස්සියේ කඩයකට ගොඩවෙලා, අවුරුදු කැවිලි පෙවිලි ගන්න වෙහෙසෙනවට වඩා, ‍දුවා දරුවනුත් එක්ක අවුරුදු කෑම ටික ගෙදරදීම හදා ගත්තොත් කොපමණ අගේද? ඉතින් අපි අද ඔබට කියල දෙන්නේ අවුරුදු කැවිලි වර්ග කිහිපයක් සාදා ගන්නා ආකාරයයි.

 

මුං කැවුම්

 

 

අවශ්‍ය ද්‍රව්‍ය

මුං පිටි (බැද කුඩු කරගත්) ග්රෑම් 250
හාල් පිටි ග්රෑම් 250
සීනි ග්රෑම් 400
බටර් මේස හැඳි 1
පාන් පිටි (දවටනය සඳහා)
පොල් කිරි කෝප්ප 1/2
පිටි ග්රෑම් 150
කහ කුඩු තේ හැඳි 1/2
ලුණු ස්‌වල්පයක්‌

සාදන ක්‍රමය

සීනි භාජනයකට දමා වතුර කෝප්පයක්‌ එකතු කර ලිපේ තබා උණු කරගන්න. ඉන් පසු මුං පිටි හාල් පිටි මිශ්‍ර කරන්න. එම මිශ්‍රණය ඝන වනවිට බටර් ටිකක්‌ එකතු කර හොඳින් කලවම් කරගන්න. එම මිශ්‍රණය සෑදීමට ගත් භාජනයට වතුර කෝප්ප 2 ක්‌ දමා එහි වටේ විසිරී ඇති පිටි දියකර නටවා කැඳක්‌ සාදා ගන්න. එම මිශ්‍රණය සෑදීමට ගත් භාජනයට වතුර කෝප්ප 2 ක්‌ දමා එහි වටේ විසිරි ඇති පිටි දියකර නටවා කැඳක්‌ සාදා ගන්න. එය නිවුණු පසු මුං පිටි මිශ්‍රණයට දමා මොළොක්‌ වන ලෙස කලවම් කරගන්න. ඉන්පසු තෙල් අතුරා ගත් භාජනයක තුනී කර කපා ගන්න. පිටි දවටනය සෑදීමට පොල්කිරිවලට පිටි ස්‌වල්පයක්‌ දමා හොඳින් ඝන නූලට බේරෙන මිශ්‍රණයක්‌ වන සේ කලවම් කරගන්න. ඉන්පසු ලුණු සහ කහ ද එක්‌ කරන්න. කපා ගත් කැවුම් පිටි මිශ්‍රණයට දමා හොඳින් බේරා ගැඹුරු තෙලේ බැදගන්න.

 

පැණි වළලූ

 

 

අවශ්‍ය ද්‍රව්‍ය

උඳු පිටි ග්රෑම් 750
හාල් පිටි ග්රෑම් 500
ලුණු කැපූ තේ හැඳි 2
සීනි කිලෝග්රෑම් 1 1/2
අඟල් 1/4 ක පමණ සිදුරක්‌ සැදූ ලේන්සුවක්‌ හෝ මිරිකා ගත හැකි එවැනි ඝන රෙදි කැබැල්ලක්‌ ගන්න.

සාදන ක්‍රමය

හාල් පිටි සහ උඳු පිටි, ලුණු, උකු මිටිකිරි දමා මිශ්‍ර කර අතේ නොගෑවෙන ලෙස පදමට සකසා ගන්න. එලෙස සාදාගත් මිශ්‍රණය පැය 3 1/2 ක්‌ පමණ තබන්න. එම සාදා ගත් මිශ්‍රණය ඝන ගතිය වැඩි නම් නැවත වාරයක්‌ කිරි ටිකක්‌ එකතු කර ගන්න. ඉහත සඳහන් කරන ලද අඟල් 1/4 ක සිදුරක්‌ සාදා ගත් ලේන්සුව හෝ රෙදි කැබැල්ල ගෙන එම මිශ්‍රණය එයට දමන්න. ඉන්පසු තෙල් තාච්චිය ලිප තබා තෙල් රත්වන විට ලේන්සුවේ හෝ රෙදි කැබැල්ලේ ඇති මිශ්‍රණය රත් වු තෙලට වත්කරන්න.එය වළලු ආකාරයට දමා ගත යුතුය. ඉන්පසු භාජනයක්‌ ගෙන සීනි ග්රෑම් 500 ක්‌ සුළු වේලාවක්‌ උණු කරගන්න. එලෙස උණු කරගත් සීනි පැණි වූ විට බැදගත් වළලු දමා හොඳින් පැණි මිශ්‍ර කර මැටි භාජනයක හොඳින් අසුරා තබන්න. ඉන්පසු ආහාරයට ගන්නා විට උඳු වළලු නොකැඩෙන ලෙස ඉවතට ගන්න.

කොකිස්‌

 

අවශ්‍ය ද්‍රව්‍ය

සුදු කැකුළු හාල් ග්රෑම් 300
පොල් කිරි අඬු කෝප්ප 2 (මිටි කිරි)
බිත්තර 1
ලුණු ස්‌වල්පයක්‌
කහ ස්‌වල්පයක්‌
කොකිස්‌ අච්චුවක්‌

සාදන ක්‍රමය
හාල් පැයක්‌ පමණ පෙඟෙන්නට තියා කොටාගන්න. හලා ගත් පිටි පොල් කිරි සමඟ කලවම් කරන්න. කහ, බිත්තරයක්‌ සහ ලුණු මිශ්‍රණයට කලවම් කරන්න.විනාඩි 30 ක්‌ පමණ තියා භාජනයකට තෙල් දමා තෙල් රත් වූ පසු කොකිස්‌ අච්චුව රත්කර පිටි මිශ්‍රණයට දමා බැදගන්න. අච්චුවෙන් ගලවා විනාඩි 1 1/2 ක්‌ පමණ බැදගන්න.

කොණ්‌ඩ කැවුම්

 

අවශ්‍ය ද්‍රව්‍ය

හාල් පිටි ග්රෑම් 300
තිරිඟු පිටි ග්රෑම් 150
කිතුල් පැණි කෝප්ප 1
ලුණු තේ හැඳි 1/2
පොල් තෙල් බෝතල් 1
මාදුරු තේ හැඳි 1
සීනි කෝප්ප 1/2

 

සාදන ක්‍රමය

පාන් පිටි සහ හාල් පිටි එකට කලවම් කර සිහින් පෙනේරයකින් හලා ගන්න. සීනි සහ පැණි පිටිවලට එකතු කර ලුණු හා මාදුරු ඉතා ස්‌වල්පයක්‌ එක්‌ කර ඝන මිශ්‍රණයක්‌ සාදාගන්න. මිශ්‍රණය පැය 1 ක්‌ පමණ තබා තාච්චියට තෙල් දමා රත් වූ පසු පිටි මිශ්‍රණය (කොණ්‌ඩ කැවුම් 1 කට අවශ්‍ය ප්‍රමාණයට) එයට දමා ඉරටුවක්‌ ආධාරයෙන් මදක්‌ තැම්බුණු කැවුමේ මැදට තියා හැන්දකින් කැවුමට තෙල් දමා ඉරටුව සෙමින් කරකවන්න. ඉරටුව වටේ ගැටයක්‌ මෙන් කැවුම උඩට නෙර එයි. එවිට ඉරටුව ඉවතට ගෙන කැවුම බැද තෙලෙන් බා ගන්න.

 

 

කිරි ටොෆි

 

අවශ්‍ය ද්‍රව්‍ය

ටින් කිරි ග්රෑම් 325
සීනි ග්රෑම් 500
වතුර කෝප්ප 1
කජු මද (සිහිනව කපාගත්) ග්රෑම් 50
වැනිලා තේ හැඳි 1/2

සාදන ක්‍රමය

කිරි, සීනි හා වතුර හොඳින් කලවම් කරගන්න. සීනි දිය වූ පසු ලිපේ තබා හොඳින් හැඳි ගාන්න. (මෙය නොකඩවා කළ යුතුය.) මද ගින්දරෙහි තබා පදම එනවිට සිහින්ව කපා ගත් කජු මද සහ වැනිලා එක්‌ කරගන්න. ඝන වූ මිශ්‍රණය භාජනයේ නොඇලෙන පදමට එනවිට ලිපෙන් බා පිරිසිදු කරගත් තැටියක්‌ ගෙන තෙල් අතුරා අඟලක ප්‍රමාණයකට තුනී කර නිවෙන්නට පෙර කැබලිවලට කපා ගන්න.

- A word from our sposor -

spot_img

අවුරුදු කෑම මේසය රස කරන්න නිවසේදීම කැවිලි හදමු

මහනුවර පරිපාලන දිස්ත්‍රිකයේ සියලුම රජයේ පාසල් සඳුදා සිට විවෘත වේ

මහනුවර ඇති වූ කලහකාරී සිදුවීම නිසා තාවකාලිකව වසා තැබූ රජයේ සියලුම පාසල් සඳුදා සිට විවෘත කරන බවට මධ්‍යම පළාත් අමාත්‍යවරයා ප්‍රකාශ කර සිටිනවා

බිස්නස් එකට ආයුෂ අඩු ඇයි

ව්‍යාපාරයක් කරන්න ඕනි කියලා හිතුනම ගොඩක් අය කරන්නේ තමන් දන්න කියන අය අතරින් දියුණු වෙලා තියන ව්‍යාපාරයක් පටන් ගන්නවා.එහෙමත් නැත්නම් ලඟදි පටන් අරන් හොඳට...

ආදරේ නිසා ජීවිතේම නැතිකරගන්න කරගන්න එපා

කෙල්ලනේ....කොල්ලොනේ...උඹලා දන්නවද ආදරේ ගැන.....ඔව් උඹලාට කියන්න පුලුවන්...... ආදරේ හරි ලස්සනයි... සුන්දරයි.... කියා ගන්න බැරි හැඟීමක් කියයි....... ලස්සනට ඉස්කොලේ ඇදුම් ඇදන්....ගෙදර දෙන බත් එක කාලා........

Music Fest 2018

කින්ග්ස්වූඩ් විද්‍යාලීය කොළඹ සංසදය විසින් සංවිධානය කරනු ලබන Music Fest 2018, මාර්තු 18 වන දින විහාරමහාදේවි විවෘත රඟහලේදී සවස 7.00 සිට පැවැත්වේ. චිත්‍රාල් ,...

ඉවසුවා ඇති වෙනස් කරමු

* හිංසනයක් සිදු වූ විට හුදකලාව විඳ දරා නොගෙන නිවැරදිව ප්‍රතිචාර දැක්වීමට දන්නවා * කාන්තාවක් සේ ඉපදීම හිංසනයට ලක්වීමට කිසිසේත්ම හේතුවක් දැනගෙන කටයුතු කරනවා * හිංසනය...

අද පෙරවරුවේ විශේෂ පක්ෂ නායක රැස්වීමක් පැවැත්වින

විශේෂ පක්ෂ නායක රැස්වීමක් අද දිනයේ පැවැත්වීන. කථානායක කරු ජයසූරිය මහතාගේ ප්‍රධානත්වයෙන් පෙරවරු 09.00ට කථානායක කාර්යාලයේදී එම පක්ෂ නායක රැස්වීම පැවැත්වීය. ඒකාබද්ධ විපක්ෂයේ නායක පාර්ලිමේන්තු මන්ත්‍රී...

රැකියාවට ගැලපෙන්න ඇඳුම විතරක් මදි

රැකියාවට යන යුවතියන් තමන්ගේ ඇඳුම කොහොමද තෝරාගන්නේ කියලා අපි පහුගිය ලිපියෙන් කතා කළා. ඉතින් අපි අද කියලා දෙන්න යන්නේ පාවහන්, කරාඹු, අත් බැග් වගේ...

ඇත්ත කියන්න තරම් හයියක් තිබ්බේ නෑ. එත් මම ගත්ත තිරනේ වැරදිත් නෑ

සත්‍ය සිදුවිමක් පදනම් කරගෙන ගොතන ලද්දකි..... "කැපකිරිම" "නොසිතු මොහොතක ක්ලාන්තය දලා ගෙදරදි ඇදගෙන වැටුන මම ගෙදරින් රොහල් ගත කරපු මාව දවස් දෙකකින් ටිකට් කැපුවත්....ගෙදර මිනිස්සු හැසිරුනේ...