අත හැරීම කියන්නේ ජීවිතය තුල අප මුහුණපාන ඉතාම අසීරු මොහොතක්. දෙදෙනෙකු අතර ඇති වූ සම්බන්ධතාවයක් බිඳ වැටීමකදී ඔබ බොහෝ ආදරය කල අයෙකු අත හැරීමේ අපහසුව, දුක, වේදනාව, අපි හැමෝම අත්දැක තියනවා. ගොඩක් වෙලාවට මෙම අපහසුතාවය ඇති වන්නේ සම්බන්ධතාවය නවත්වා තවත් තවත් සහකරුවෙකු / සහකාරියක සමඟ ජිවත් වන පුද්ගලයා නොව තනි වූ පුද්ගලයායි. එවැන්නකට මුහුණ දීම තමන්ගේ ජිවිතයේ ලද වේදනාමකාරි අත්දැකීමයි.

කෙසේ වෙතත් සම්බන්ධතාවයක් කියන්නේ ජිවිතයේ අවසානය නෙවෙයි. කල යුත්තේ ඒ වේදනාවෙන් මිදී ජිවිතයට මුහුණ දීමයි. එවැනි අවස්ථාවක සිත් රිදවීම් දරාගෙන ජිවිතයට මුහුණ දෙන ආකාරය ගැන ඇති අවම දැනුම නිසා වටිනා ජිවිත අකාලයේ අපෙන් සමුගෙන ගිය අවස්ථා අපි අසා තිබෙනවා. ඔබත් එවැනි සිත් රිදවිමකින් පෙළෙනවා නම් ඉන් මිදීමට ඔබට කළහැකි දේ කිහිපයක් ගැන දැනුවත් කරන්නයි මේ හදන්නේ.

ඔබට අවශ්‍ය නම් හඬන්න, දුක් වෙන්න
වෙන්වීමක් කියන්නේ හිතට ගොඩාක් වේදනාබර අවස්ථාවක්. ඔබේ සියළුම බලාපොරොත්තු බිඳ වැටුනා සේ ඔබට හැගේවි. අතීතයේ සිදුවීම් ඔබට මතක් වූ විට කෑ ගසා හඬන්නට සිතේවි. දරාගන්න බැරි වේදනාවක් දැනේවි. එවැනි අවස්ථාවක ඔබ පුද්ගලික ස්ථානයකට ගොස් අඬන්න, හැකිතාක් අඬන්න. කෑ ගසා ඔබේ දුක පිඩාව පිට කරන්න. එමගින් ඔබේ ශරීරයේ ඇති පීඩාකාරී හෝමෝන නිසහස් වී ඔබට සහනයක් ලැබෙන අතර නොහඬ දුක සිතේ සිර කරගැනීමෙන් හිසරදය, රුධිර පීඩනය වැනි අතුරු ආබාධ පවා ඇතිවිය හැක. ඒ නිසා ඔබේ දුක කෑ ගසා හඬා පිට කරන්න.

සත්‍ය තත්වයට මුහුණ දෙන්න
මේතාක් කල් ඔබ අසලින්ම රැඳී සිටි අය ඔබ ළඟ තවදුරටත් නොමැති බව එකවරම පිළිගැනීමට බොහෝ අපහසුයි. විශේෂයෙන් දහසක් බලාපොරොත්තු දී හෙට දවසේ ජීවිතය බෙදා ගන්නට සිහින මැවූ තැනැත්තා අන් අයෙකු හා නව ලොවක් සොයා ගිය බව පිළිගැනීමට අපහසුයි. නමුත් ඒ කටුක සත්‍යට ඔබ අනිවාර්යයෙන්ම මුහුණ දිය යුතුමයි. ඔබ හැරගිය තැනැත්තා නැවත එතැයි බලාපොරොත්තුවෙන් සිටිනවාට වඩා සත්‍ය පිළිගෙන ජිවිතයට මුහුණ දෙන්නේ කෙසේද කියා සිතීම වඩාත් වැදගත් වේ.

ඔබට ආදරය කරන්න
මෙවැනි අවස්ථාවක නොකා නොබී හඬා වැළපෙමින් කාමරයෙන් හෝ නිවසින් පිටතට නොයා දුක්විම සාමාන්‍ය තත්වයක්. පැරණි මතකයන් අළුත් කරමින් දුක්විම කිසිසේත්ම පලක් නොවන බව තේරුම්ගත යුතුයි. දුක්වෙමින් ලත වෙනවාට වඩා හොඳින් ආහාර ගන්න, නිසි ව්‍යායාම් වල නිරත වෙන්න, අලංකාර ඇඳුමකින් සැරසි ඔබ ඔබගැනම ආදරයක් ආශාවක් ඇතිවෙන ආකාරයට එදිනෙදා වැඩ වල නිරත වෙන්න. ඔබ ඔබවෙනුවෙන් කාලය වැය කරන්න, ඔබ වෙනුවෙන් කල නොහැකි වූ දේ සහ අතපසු වූ දේ කිරීමට අවස්ථාවක් කරගන්න.

අලුත් යමක් ඉගෙන ගන්න
අතීතය ගැන සිතමින් නොහිට ඒ වැයකරපු කාලය කල දේවල් ගැන දුක් නොවී ඔබේ කාලය වැඩදායි දෙයකට යොමු කරන්න. අලුතින් යමක් ඉගෙනගන්න කාලය යොදවන්න, එයින් ඔබගේ රැකියාව සම්බන්ධව වැඩිදුර අධ්‍යනයක්, විනෝදාංශයක් හෝ අමතර ආදායමක් සඳහා ඉවහල් වන දෙයක් විය හැකියි. එවිට ඔබගේ ශක්තිය කාලය ඵලදායි දෙයකට යෙදවීම කෙතරම් වැදගත්ද කියා ඔබට කාලයත් සමඟ වැටහේ.

සියලුම සම්බන්ධකම් අත හරින්න
ඔබට මෙම බිඳුණු සම්බන්ධතාවයේ වේදනාවෙන් මිදී ඔබේ හෙට දවසට සාර්ථකව මුහුණ දීමට අවශ්‍ය නම් ඔහු / ඇය සමඟ ඇති සියලුම සම්බන්ධතාවයන් නවත්වා දමන්න. දුරකථන ඇමතුම්, කෙටි පණිවිඩ, සමාජ ජාල වෙබ් අඩවි මේ සියල්ලෙන්ම ඔවුන්ව ඈත් කර තබන්න. මෙලෙස සියලුම සම්බන්ධකම් නවත්වා ගත කරන කාලය තුල ඔබට හොඳින් සිතා බැලීමට හැකියාව ලැබෙනු ඇත. ඔබට අවශ්‍ය මිතුරන් ලෙස සිටීමද, කිසි දිනෙක ඔවුන් සමඟ යලි සම්බන්ධතාවයක් ඇති කර නොගැනීම ද යන්න මෙහිදී ඔබට විවේකිව සිතා බැලීමට අවස්තාවක් ලැබෙනු ඇත.

ඔබේ අදහස් පළ කර හිත නිදහස් කරගන්න
සම්බන්ධතාවයක් අවසානයේ ඔබට පවසන්න තේරුම් කරන්න බොහෝ දේ තිබිය හැක. ඔබ තුල ඇති දහසක් දේ පවසන්න ඒවාට ඇහුම්කන් දී පිළිතුරු සපයන්න අදාළ පුද්ගලයා අසලකවත් නොමැති විට ඔබේ සිතුවිලි සිත තුල සිර කර පිඩා විඳිනවට වඩා ඔබ ඒ සම්බන්ධව කතා කල හැකි අයෙක් වෙත ගොස් කතා බස් කොට සිත නිදහස් කර ගැනීම වඩාත්ම උචිත දෙයයි. ඒ ඔබේ විශ්වාසවන්තම මිතුරෙක් / මිතුරියක් / වෘත්තිමය උපදේශකවරයෙක් විය හැකියි. මෙවන් අවස්තාවක ඔබ දන්නා හඳුනන කෙනෙක් වෙත යනවාට වඩා උපදේශකවරයෙක් වෙත යෑමෙන් ඔබේ සිතුවිලි නොහඟ පැවසිය හැකියි. එවිට ඔහු / ඇය ඔබේ සිත් තැවුලෙන් මිදීමට අවශ්‍ය මනා උපදේශන සේවාවක් ලබා ගත හැක.

කාලයට ඉඩ දෙන්න
අවසාන වශයෙන් ඉතාම වටිනා සහ වැදගත් දෙය නම් ඔබේ දුක පිඩාව අවම කිරීමට කාලයට ඉඩ දීමයි. අපට අපේ ඕනෑම ප්‍රශ්නයකදී කාලය තරම් හොඳ විසඳුමක් තවත් නැති තරම්. අපට මුහුණදෙන කිසිඳු අවස්තාවක හෝ සිදුවිමක වර්තමාන තත්වය එහි අවසාන අවස්ථාව නොවන අතර කාලය සමඟ ඕනෑම සිදුවිමක ඇති නවතාව, සතුට, දුක, කෝපය, කලකිරීම, වේදනාව වියැකී යයි. මේ ලෝකය තුල සත්‍යට පිටුපාන කිසිදු සිදුවීමක් අප කිසිවෙකුගේ ජීවිතවල නැත.

 

 

උපුටා ගැනීමකි

- A word from our sposor -

spot_img

ආදරය අහිමි වූ පසු දුක් විඳින්නේ නැතුව ජිවිතයට මුහුණ දෙන්න

සියදිවි නසාගන්න ගිය තරුණියක් බේරුන හැටි

ජිවිතයේ අපි නොහිතන වෙලාවල් වල නොහිතපු බිඳවැටීම් සිද්ධවෙනවා. අපි කොච්චර කැප කිරීම් සිදු කලත් සමහර දේවල් අපිට ලබාගන්න බැහැ. ආදරය කියන්නේ අන්න ඒ වගේ දෙයක්....

සිහියෙන්ද  TV  බලන්නේ?

සමාධිගේ ගෙදර කට්ටිය හැමදාම රැට tv  බලනව. ටෙලි නාට්‍ය 5ක් වත් දවසකට බලන එක ඔවුන්ගේ පවුලේ පුරුද්දක් වෙලා දැන්. ඒ හැම එකකම තියෙන්නේ උගුල්...

ස්ත්‍රී පුරුෂ සමාජභාවය කියන්නේ Western concept එකක් ද

අපි නිරතුරුවම ඔබ වෙත ගෙනෙනවා සාර්ථක කාන්තාවන් ( women ) පිලිබඳ සහ ඔවුන්ගේ ජිවිත කතාව පිළිබඳව. ඇය නමින් ආචාර්ය අනුෂා එදිරිසිංහ. මෙවර thewoman.lk අපි...

ඇඳුමට වෙන් වූ රහස් මෙන්න

ඇඳුම් පැළඳුම් තෝරා ගන්න, විවිධ විලාසිතාවන් හැඩවෙන්න යුවතියන්ගේ කැමැත්ත ඉතා ඉහලයි. ඇය තෝරාගන්නා විවිධ විලාසිතා අනුව ඇයගේ සුන්දරත්වය තව තවත් ඉස්මතු වෙනවා. ඒ නිසා...

ඔබට නව පණක් දෙන අරුම පුදුම යෝගී කලාව

යෝග යනු පැරණි ඉන්දියාවේ නැණවතුන් විසින් සියවස් ගණනකට පෙර සොයා වැඩි දියුණු කරගෙන ප්‍රයෝජනයට ගත් ශරීර සනීපය වඩවන පැරණි කලාවකි. යෝග යනු ආගමක්වත්, ජීවයේ පැවැත්ම...

“වේල්සයේ රෝස කුසුම” මිලින වී අදට වසර 22යි

“වේල්සයේ රෝස කුසුම” විදියට හඳුන්වන ඩයනා කුමරිය මිය ගිහින් හරියට ම අද දිනට අවුරුදු 22ක් සම්පූර්ණ ‌වෙනවා. තමන්ගේ පෙම්වතා වුණු ඩොඩී අල්ෆයඩ් එක්ක...

වැඩි දවසක් තියාගන්න වෑංජන හදන හැටි

කටට සැරට (spicy food ) විවිධ රසවත් ආහාර වර්ග කන්න අපි හැමෝම කැමතියි. එත් අපි දන්නේ නැහැ අහාර වර්ග (food) වෑංජන වැඩි දවසක් කල්...

වෙන වෙනම කෑවම ගුණ එකට කෑවම අගුණ කෑම

ආහාර (food) ජලය නොමැතිව කිසිවෙකුටත් නොහැකි බව අප සැවොම දන්නා කරුණකි. මිනිස් ජිවිතයේ පැවැත්මට ආහාර (food) අත්‍යාවශ්‍ය වේ. එහෙත් ඒ අහාර (food) නිසාම රෝගිවෙන,...

ශාරුක් කාන්තාවන් හා ළමයින් වෙනුවෙන් ඉදිරිපත් වේ

සිනමාව නිසා රසික ආදරයට වගේම  සම්මාන විශාල ගනණාවකට  පාත්‍ර වුන  සුපිරි බොලිවුඩ් නළු ශාරුක් ඛාන්, කාන්තා හා ළමා අයිතිවාසිකම් පිළිබඳව ජනතාව දැනුවත් කිරීම නිසාත්...