දෙස් විදෙස් බොහෝ සංචාරකයන්ගේ ආකර්ෂණය දිනාගත් ලංකාවේ ( Sri Lanka ) සොඳුරුතම ප්‍රදේශයක් වන පුංචි එංගලන්තය එහෙමත් නැත්නම් සිතල නුවර එළිය විදේශීය සංචාරකයන්ගෙන් නගරයේ හෝ‍ටල් කාමර හා නවාතැන්පොළ සියල්ල පිරීගිහින්. ඉතින් නුවරඑළියේ සංචාරය කරන්න හිතන ඔබට අපුරුම හෝටලයක් ගැනයි අපි ඔබට මේ ලිපියෙන් අද ඉදිරිපත් කරන්නේ.

 

ලංකාවේ ( Sri Lanka )මේ සුන්දරම කැදැල්ල “ඇල්පයින්” පිහිටා තිබෙන්නේ

නුවරඑළියේ පිහිටි සුව පහසු නවාතැන්පොළ අතරින් කැපී පෙනෙන සොඳුරු නවාතැන්පොළක් ලෙස ඇල්පයින් හෝටලය හඳුන්වන්න පුළුවන්. නුවරඑළිය – බදුල්ල පාරේ නුවරඑළිය නගරයට ආසන්නයේම එය පිහිටා තිබෙනවා. සුප්‍රකට රේස් පිටියට හා ග්‍රෙගරිවැවට මුහුණලා පිහිටි පුංචි කඳු ගැටයක් මත ඉදිකරන ලද ඇල්පයින් හෝටලය අලංකාර මන්දිරයක්. යුරෝපීය ගෘහ නිර්මාණ ශිල්පයට අනුව ඉදිකළ ඇල්පයින් හෝටලය නගර මධ්‍යයේ පිහිටි සෙසු හෝටල් අතරින් විශේෂයෙන් කැපි පෙනෙන්නේ එහි අලංකාර වටපිටාව නිසයි.

 

අක්කරයක පමණ වපසරියකින් යුතු සුවිසල් අංගනය මැද ඉදි කළ පුංචි ධවල මන්දිරයක් සෙයින් දිස්වන ඇල්පයින් හෝටලය දුටු වන් නෙත් සිත් එක පැහැර ඇද බැඳගන්නට‍ සමත්. අලංකාර මල් හා පලතුරු පිරුණු තුරු ලතාවලින් යුත් හරිතවන් ගෙඋයන මැද පිහිටි සුදු පැහැති හෝටලයේ ඉතිහාසය නවසීය දාහතර වසර දක්වා වූ අතීතයට දිව යනවා. 1914 දී එය උඩරට තේ වතුවල සුදු ජාතික වැවිලිකරුවන්ගේ නිවහනක් වූ අතර පසුකලෙක නුවරඑළියේ ප්‍රකට ව්‍යාපාරික පවුලක් වන දොඩම්පේගම පවුල විසින් මිලදී ගනු ලබනවා. ඔවුන් විසින් පසු කලෙක සුව පහසු හෝටලයක් බවට පත් කළ එහි වත්මන් හිමිකරුවා වන්නේ නුවරඑළියේ හිටපු නගරාධිපති මහින්ද දොඩම්පේගම මහතා. සිය පවුලේ උරුමයෙන් ඇල්පයින් හෝටලයේ හිමි කාරත්වය දරන මහින්ද දොඩම්පේගම මහතා එය දෙස් විදෙස් සංචාරකයන්ගේ සුව වඩන මන බඳන කදිම නවාතැන්පොළක් බවට පත්කර තිබෙනවා.

 

සුඛෝපභෝගී කාමර තිස් පහකින් සමන්විත ඇල්පයින් හෝටලය තරු තුනේ සංචාරක හෝටලයක්. ඩිලක්ස් කාමර 30 ක් සුයිට් කාමර 2 ක් හා ස්ටෑන්ඩඩ් කාමර 5 කින් යුතු සුවපහසු කාමර සියල්ල ශීත හා උණු දිය, රූපවාහිනී, නුතන උණුසුම්කරණ උපකරණ , දුරකථන WI-FI පහසුකම් වලින් සමන්විතයි. හෝටලයේ කාමර හා අනෙකුත් ස්ථාන ඉතාලියෙන් ආනයනය කරන ලද ගෘහ භාණ්ඩ හා විදුලි උපකරණවලින් අලංකෘතයි. පැරණි බංගලාවෙහි පැවැති ස්වාභාවික දර යොදා දල්වනු ලබන ගිණි උදුන තවමත් එලෙසම පවතිනවා. මැද සාලයෙහි පිහිටි එහි දැල්වෙන ගින්න කටුක සීතලෙන් හිරි වැටී ගිය අතපය උණුසුම් කරගන්නට කදිමයි. වර්තමානයේ නුවරඑළියේ ඇති හෝටල් අතරින් මෙලෙස දර ගිණි උදුනක් දල්වනු ලබන්නේ ඇල්පයින් හො‍්ටලයේ පමණක් බවයි දොඩම්පේගම මහතා පවසන්නේ

 

ලංකාවේ (Sri Lanka) සංචාරක ක්ෂේත්‍රයේ ප්‍රවීණයකු මෙන්ම ක්‍රීඩා ශූරයකු වන….

සංචාරක ක්ෂේත්‍රයේ ප්‍රවීණයකු මෙන්ම ක්‍රීඩා ශූරයකු හා පරිසර ලෝලියකු ද වන දොඩම්පේගම මහතා ඇල්පයින් හෝටලයේ නවාතැන් ගන්නා සංචාරකයින් පිනවන්නට අපුරු පරිසර සංචාර කිහිපයක්ම සැලසුම් කර තිබෙනවා. ඇල්පයින් හෝටලය පරිසර හිතැති සංචාර සැලසුම්කරණයට අමුත්තන් අතර වඩාත් ප්‍රසිද්ධයි. නුවරඑළිය නගරයෙන් එපිට සොබාද‍හමේ අසිරිය විද ගන්න නම් හරියටම සති දෙක තුනක් වත් අවට සංචාරය කළ යුතු බවයි දොඩම්පේගම මහතා පවසන්නේ. හෝටලයේ සිට කි.මීටර් 3.5 ක් දුරින් පිහිටි සිංගල් ට්‍රී කන්ද , කිකිළියාමාන , පිදුරුතලාගල වැනි කඳු වැටි තරණය කිරීම, දිය ඇලි නැරඹීම , වන සතුන් නැරඹීම , පාපැදි සවාරි , වනාන්තර හරහා ඇවිද යමින් සතුන් හා කුරුල්ලන් නැරඹීමටත් වෙන් වූ විශේෂ සංචාර සැලසුම් කරන්නත් ඔවුන් සුදානම්.

 

සොබාදහම රකින , පරිසර හිතකාමි ඇල්පයින් හෝටලය 2005 වසරේදී ලංකාවේ හොඳම පක්ෂින්ට හිතකර හෝටලය ලෙස (Bird Friendly Resort – Field – Omithology Group) පරිසර හිතකාමී සංවිධානයක් වෙතින් සම්මානයට පාත්‍රවුණා. කඳුකරයේ කැදැල්ල ලෙස විරුදාවලී ලත් ඇල්පයින් හෝටලයේ තුරු ලතාමඩුළුවලින් පිරුණු සුන්දර පරිසරය කුරුල්ලන්ගේ පමණක් නොවෙයි එහි යන එන අමුත්තන්ගෙන් සිත ගත නිවන සොඳුරු පරාදිසයක්. හෝටලය මඟින් සැලසුම් කරන දිය ඇලි නැරඹීමේ චාරිකාවට නුවරඑළිය හා අවට පිහිටි අලංකාරතම දිය ඇළි දහ අටක් නැරඹීමේ අවස්ථාව ඔබට උදාවෙනවා. හෝටන් තැන්න සංචාරය, අඹේවෙල කිරි නිපැයුම්හල සඳ තැන්න මෙන්ම නුවරඑළිය නගර මාධ්‍යයේ පිහිටි වික්ටෝරියා මල් වත්ත , කුරුළු උයන හා කෞතුකාගාරය නැරඹීමට ඇල්පයින් හෝටලයේ සිට පහසුවෙන්ම යන්න පුළුවන්. හෝටලයේ සිට සිංගල් ට්‍රී කඳුවැටිය , ඔලිෆන්ට් වත්ත, උඩ රදැල්ල වත්ත, නානුඔය ග්ලැක්සෝ වත්ත වින්ඩි කෝනර් ගම්මානය හරහා යළි හෝටලය දක්වා පයින් යන සංචාරය කඳු නගින්නට, කැලෑවල ඇවිදින්නට සතුන් හා විහඟුන් දැක බලාගන්නට හා දිය ඇළි බලන්නට රුචි කරන ත්‍රාසජනක සංචාර ප්‍රියකරන්නන්ට වඩාත් සුදුසුයි.

 

sri lanka

 

උපුටා ගැනීමකි

- A word from our sposor -

spot_img

පුංචි එංගලන්තයේ උණුසුම් කැදැල්ල “ඇල්පයින්”

ඉතා දුර්ලභ චන්ද්‍රගහණයක් හෙට දිනයේදී

සුපර් බ්ලූ බ්ලඞ් මූන් හෙවත් සුපිරි නීල සඳක් සහ පූර්ණ ලෝහිත චන්ද්‍ර ග‍්‍රහණයක් ලෙස හැඳිනවෙන මෙය ඉතා දුර්ලභ චන්ද්‍රගහණයක් ලෙස සැලකෙනවා. කොළඹ විශ්වවිද්‍යාලයේ තාරකා...

සුන්දර කෙස් කළඹක රහස

කාර්ය බහුල කාන්තාවන්ට ඉක්මනින් අමතක වෙන දෙයක් තමයි කෙස් කළඹ කියන්නේ. සැලෝන් එකකට ගියත් මුහුණට ක්ලීන් අප් හෝ ෆෙෂල් එකක් කරගෙන එනවා ඇරෙන්න හිස...

සුපර් බ්ලූ බ්ලඞ් මූන් විවිධ රටවලට දිස් වූනේ මෙහෙමයි.

වසර 152කට පසු දිස් වූ සුපර් බ්ලූ බ්ලඞ් මූන් හෙවත් සුපිරි නීල සඳක් සහ පූර්ණ ලෝහිත චන්ද්‍ර ග‍්‍රහණය විවිධ රටවලට දිස් වූනේ මෙහෙමයි. චනද්‍රග්‍රහණය...

ගැහැණුන්ගේ ගෞරවය ගැහැණු විසින්වත් රැක දෙනවද?

අද ඇත්තේ එදා තිබු ඒකාකාරී සමාජය නොවේ. මුදල් පසුපස දුවන අඩියෙන් අඩියට ඉහලට යන්නට මාන බලන මිනිසුන් සිටින සමාජයකි. මනුෂ්‍යාට පමණක් නොව සතා සිවුපාවන්ට...

පාදයේ ඇඟිලි වලින් හෙළිවන ඔබේ රහස්

වසර පන්දහසකටත් පෙර ඈත අතීතයේ මිනිසුන් පාද කියවීමේ ශාස්ත්‍රය දැඩි ලෙස විශ්වාස කරන ලදී. විශේෂයෙන්ම චීන සහ ඉන්දියානු ජාතිකයන් මෙය දැඩි ලෙස විශ්වාස කරන...

ගමේ පදමට අඹ ව්‍යංජනයක් හදමු

අඹ ව්‍යංජනය කියන කොටම කටට කෙල උනනවා නේද? එහෙම එකේ වැඩි කතා මොකට ද ? අපි රසම රසට ගමේ පදමට අඹ ව්‍යංජනයක් හදමුකෝ. මේ සඳහා...

ලිංගිකත්වය සහ ලිංගික අධ්‍යාපනය 01 – කොටස

ළමයින් වැඩිහිටියන් වන විට බොහෝ දේ ඉගෙනගන්නේ පාසලෙන්, දෙමවුපියන්ගෙන් සහ බොහෝවිට සමාජයෙන්. තාරුණ්‍ය, යෞවනය පහු කරගෙන වැඩිහිටියෙක් බවට පත්වන විට ඔවුන්ගේ දැනුම කුසලතා වර්ධනය...

තමාගේ අඩු පාඩු නැත්නම් හිනාවෙන්න

මේ වචන තුන කාසියක දෙපැත්ත සහ කාසියේ දාරය වගේ. ඇත්තටම මොකක්ද මේ වචන තුනේ සැබෑම අර්ථය. ඔය වචන ඇහෙනකොට අපේ ඔළුවට එන රූප කීයපයක්...

ඔබ ඔබට ආදරෙයිද

  ජීවිතය සොඳුරුය .. ඒ සොඳුරු ජීවිතය පුරා සතුටින් ජිවත් වීම සඳහා ලොව සියළුවම සත්වයෝ ගන්න උත්සාහයත් වෙර විර්යත් ඊට වඩා සොඳුරුය. ඒ අනුව ජීවිතය...