මූදු පතුල යට ඉඳලා

මූදු පතුල යට ඉඳලා
මුතු ඇටයක නිදි කරවා
පෙණ කැටියක පාකරලා
මගෙ දෝතට පුතු ආවා//

සුදු පාටින් පහන් තරුව දුර අහසේ දිළිසෙනවා//
සුදු පාටින් ටිකිරි සිනා පුතුගෙ මුවින් ගිලිහෙනවා//

වෙරළෙන් කිරි කවඩි සොයා කෙනේක් පුතුට ගෙන එනවා//
තවාත් කෙනේක් පාට පාට පබළු කඩෙන් ගෙන එනවා//
ඒ පබළුයි මේ කවඩියි එක නූලේ අමුනනවා
ඒවායින් කවඩි සදා පුතුගෙ ඉණේ පළඳනවා
පුතුගෙ ඉණේ පළඳනවා///

 

මව් පදවිය ලබන එක විවාහ දිවියට යන ඕනෑම යුවතියකගේ සිහිනයක්. විවාහයෙන් පසු දෙමවුපියන් ඥාතීන් වගේම විවාහක යුවලක් නොඉවසිල්ලෙන් ඉන්නේ කවද්ද දරු සුරතල් බලන්න පුළුවන් වෙන්නේ කියලා. බටහිර සංස්කෘතියට වඩා ආසියානු සමාජය තුල විශේෂයෙන් ලාංකීය සමාජයේ මේ ගැන තියන අවධානය වැඩියි. ඒ වගේම තමයි දරු සම්පත් ලැබීම ප්‍රමාද වෙනකොට සමාජයෙන් එන පීඩනය ගැරහුම් වගේම සමහර කාන්තාවන්ට දරාගන්න බැරි තරම්. තාක්ෂණයෙන් කොයි තරම් ඉහලට ගියත් දරුවන් නැතිවෙන්න එකම හේතුව කාන්ත්වගේ වඳ භාවය කියලා හිතන්න තරම් හණමිටි අදහස් දරණ අය ලංකාවේ ඕනි තරම් ඉන්නවා. එහෙම අය ඇඟිල්ල දිගු කරන්නේ කාන්තාවන් දෙසටයි. මෙවැනි තත්වයකට පත් වන කාන්තාවකගේ මානසිකත්වය මොනවගේ වෙයිද? ඇය කොයිතරම් සමාජය ඉදිරියේ අසරණ වෙනවද කියලා කියලා හිතන්නේ බොහොම අතලොස්සක්.

1962 ගුණසේන ගලප්පත්ති කලාකරුවානන් අතින් නිමවෙන ” මුහුදු පුත්තු ” නාට්‍යයෙන් කියවෙන්නෙත් මෙන්න මේ වගේ කථාවක්. මෙහි එක් ජනප්‍රිය දරු නැළවිලි ගීතයක් තමයි ” මුහුදු පතුල යට ඉඳලා ” ගීතය. අනියම් ඇසුරකින් ලබන මව් පදවියක් ගැනයි මේ ගීතයෙන් කියවෙන්නේ. මෙම කාන්තාවගේ සැමියා මුහුදු රස්සාව ජීවනෝපාය කරගත් අයෙක්. ඉතින් ගොඩක් වෙලාවට ඉන්නේ මුහුදේ. විවාහ වී කාලයක් ගත වුවත් මේ යුවලට දරු සුරතල් බලන්න අවස්ථාවක් ලැබුනේ නැහැ.දරුවන් නොමැති නිසා සමාජයෙන් ඇඟිල්ල දික්වෙන්නේ මේ කාන්තාවට. වඳ ගැහැනියක් ලෙස හංවඩු ගැහෙද්දි ඇය අතිශයින් පිඩාවට පත්වෙනවා.දරුවකු ලබා ගැනීමට මොවුන් නොකරන දෙයක් නැහැ. සැමියා, ඥාතීන් විවිධ භාර හාර සිදු කරන අතර තුර මෙම කාන්තාව සැමියාගේ සහෝදරයා සමග කතරගම යන්නේ දරුවන් වෙනුවෙන් භාරයක් වෙන්නයි.

කතරගම යන අතරතුර මේ දෙදෙනා අතර අනියම් ප්‍රේමයක් නිසා මේ කාන්තාව දරුවකු පිළිසිඳ ගන්නවා. දරුවකු නැති වඳ ගැහැනියක් ලෙස සමාජයෙන් ලැබූ ගැරහුම් වලට ඇගේ පිළිතුර වන්නේ ඇගේ සැමියාගේ බාල සහෝදරයාගෙන් දාව ලැබෙන දරුවායි…

වෙරළෙන් කිරි කවඩි සොයා කෙනේක් පුතුට ගෙන එනවා
තවාත් කෙනේක් පාට පාට පබළු කඩෙන් ගෙන එනවා
ඒ පබළුයි මේ කවඩියි එක නූලේ අමුනනවා
ඒවායින් කවඩි සදා පුතුගෙ ඉණේ පළඳනවා
පුතුගෙ ඉණේ පළඳනවා

තාත්තලා දෙදෙනාම දරුවාට සලකන ආකාරය ගීත රචකයා අපුරුවට ඉහත පද මාලාවෙන් ඉදිරිපත් කර ඇත. දරුවාගේ මවත් කිසි වෙනසක් නොපෙන්වා දරුවාට ඒ සැලකුම ලබා දෙනවා. ලේ උරුමයෙන් දරුවාගේ පියාත් නීතියෙන් දරුවාගේ පියා වන තැනැත්තාත් මේ මගේ දරුවා ලෙස බිලිඳාට සලකනවා.

සුදු පාටින් පහන් තරුව දුර අහසේ දිළිසෙනවා
සුදු පාටින් ටිකිරි සිනා පුතුගෙ මුවින් ගිලිහෙනවා

සැමියාත්, ඔහුගේ බාල සහෝදරයාත් හැඩ රුවින් එක සමාන වන නිසාත් දරුවාට ද ඒ හද හුරුකම ම ලැබෙනවා. අනියම් ඇසුරකින් ලැබුන දරුවකු වුවත් ගැටළුවක් නොවී සමාජයට මුහුණ දීමට හැකියාව ලැබෙන්නේ මේ හැඩහුරුකම නිසයි.

මූදු පතුල යට ඉඳලා
මුතු ඇටයක නිදි කරවා
පෙණ කැටියක පාකරලා
මගෙ දෝතට පුතු ආවා

මෙවැනි සිදුවීමකින් දරුවකු ලබා ගැනීම පහසු දෙයක් නෙමෙයි. ඒ වගේම සමාජය අනුමත කරන්නේ නැහැ. එත් දරුවකු නැති වඳ කාන්තාවක් ලෙස සමාජයෙන් එල්ලවෙන චෝදනාවට අභියෝග කරන මේ කාන්තාව තම අභිමතාර්ථ ජයගත් ආකාරය හරි අපුරුවට මේ පද මාලාවෙන් ඉදිරිපත් කරනවා.

 

අනියම් ඇසුරකින් මව් පදවිය ලබන කාන්තාවක්

අනුෂා කොඩිතුවක්කු අවසන් පුර්ව වටයෙන් ලෝකඩ පදක්කමක් දිනා ගනී

21වන පොදු රාජ්‍ය මණ්ඩලීය ක්‍රීඩා උළලේ බොක්සිං කිලෝග්‍රෑම් 48 - 51 බර පංතිය අවසන් පුර්ව වටයෙදී අනුෂා කොඩිතුවක්කු සමඟ මේරි කොම් තරඟ වදින ලදී. එම...

මිය යන්න මොහොතකට පෙර ශ්‍රී දෙවි

පවුලේ මංගල උත්සවයකට සහභාගී වී සිටි අතරතුර මිය යන්න මොහොතකට පෙර ශ්‍රී දේවිගේ ගත් video https://youtu.be/WApVW3fjWyU

අක්කා නගා එකම දවසේ මංගල ගමන් යයි

ජනප්‍රිය ගායන ශිල්පිණී උපේඛා නිර්මාණි යුග දිවියට එළඹෙයි.වෘත්තියෙන් ඉංජිනේරුවෙකු වන තිලිණ අකලංග සමගයි.මෙහි විශේෂත්වය නම් විවාහ දෙලාල් එකම දිනයේ සිදුවීමයි.ඒ උපෙඛාගේ වැඩිමල් සොයුරියයි. මෙහි...

වෙනස් වීදිහට කුකුළු මස් කන්න කැමති අයට

අපි හැමදාම කුකුළු මස් කන්නේ කරී චිකන් හදල. එහෙමත් නැත්නම් ඩෙවල් දාලා. ඉතින් හැමදාම එකම විදිහට චිකන් කන්නේ නැතුව වෙනස් විදිහකට චිකන් කන්න කැමති...

සුන්දර මන්දාරම් නුවර

මන්දාරම් නුවර කියන්නෙ පිදුරුතලාගල කඳු පාමුල පිහිටි ලස්සන ගම්මානයක්. කඳු පන්තියකින් වටවෙලා තියෙන මේ ගම්මානය දවස පුරාම මන්දාරම් ස්වභාවයක් ගන්න නිසයි "මන්දාරම් නුවර" කියල ප්‍රසිද්ධ වෙලා...

සුදුවෙන්න සම නිරෝගී වෙන්න ඔයත් මේ ක්‍රම අනුගමනය කරන්න

බොහෝ කාන්තවන්ගේ ඒකායන පැතුම තමයි සුදු වෙන එක. අපේ සමේ පැහැයට බලපාන්නේ මෙලනින් කියන වර්ණකය. මෙලනින් වල අඩු වැඩිබව මත තමයි අපේ සමෙ පැහැය...

උයන පිහන මේ රහස් ටික දන්නවනම් ඔයාටත් පුළුවන් හොඳම ගෘහණිය වෙන්න

ඔබට ඔබේ කෑම වල රසය සහ ගුණය වැඩි කර ගන්න පුලුවන්නම් රසකාරක නොයොදන එක ඔබේ ශරීර සෞඛ්‍යටද ඉතාමත් හිතකරයි. අද අපි ඔබට කියලා දෙන්නේ...

නැවුම් පළතුරු යුෂ පානය කිරීමෙන් දැනෙන ප්‍රමෝදජනක හැඟීම විඳගන්න

ඔබ ගන්නා අහාරය ඔබ ගන්නා පානය ඔබේ මනෝභාවයට පමණක් නොව, ඔබේ සිතිවිලි වල පැහැදිලිකමටද බලපාන බව ඔබ දන්නවා ද? ඈත අතීතයේ සිට ප්‍රඥාවන්තයින් සැහැල්ලු...

රැකියාවේ සහ ජිවිතයේ දියුණුවට ආකල්ප බලපාන ආකාරය

දරුවකු කුඩා කල විශිෂ්ට වෘත්තිකයකු කරා ගෙන යන ගමනේදී අධ්‍යාපනය පමණක් නොවේ ඔහු / ඇය ඔවුනොවුන්ගේ ජිවිතයට ගත යුතු බොහෝ ගුණාංග තිබෙනවා. අකාල්ප සහ ආත්ම...