Top 5 This Week

Related Posts

අලුත් අවුරුද්දේ ඔබත් නව නිවසකට ගෙවදිනවා නම් මේ වත්පිළිවෙත් අමතක කරන්න එපා

පිළිපැදිය යුතු වත්පිළිවෙත්

නිවැරදි බිම් සැලසුමක් මත ගොඩනැගුණු නව නිවසකට ගෙවැදීමේදී අප විසින් පිළිපැදිය යුතු වත්පිළිවෙත් සහ ක්‍රමවේදයන් වාස්තු විද්‍යාව තුල ගැබ්ව තිබෙනවා.

විසබීජ හරණයට කහ දියර දෙහි අත්තකින් ඉස පසුව සඳුන් කිරි පැන් ද ඉසිය යුතුය. ජන්ම නැකතට සුදෝ සුදු වස්ත්‍ර වලින් සැරසී සුබ මුහුර්තියකින් ගෙවැදීම කළයුතු වේ.

බුලත්, උඳු, මුං, තල, මෑ, වී ( පංච ධාන්‍ය ) සුදු මල් සමන් පිච්ච

ලුණු, කහ, මි පැණි, සුදු හඳුන්, ජල බඳුනක්, ආගමික ප්‍රතිමාවක් ට්‍රේ එකක තබාගෙන මංගල දොරටුවෙන් ගෙවදීම සුබදායක වේ.

ඉන් පසුව බුද්ධ ප්‍රතිමාව නහවා ආගමික වතාවත් කල යුතුයි.

කිරි ඉතිරවීම සහ ලිප ගිනි මොළවා කිරිබත් පිස ගත යුත්තේද සුබ නැකතටය. භික්ෂුන් වහන්සේ නමක් වඩම්මා පිරිත් කියැවීම හෝ පිරිත් පටයක් දැමීම ද ඉතාම යහපත් වේ.

 

ආගමික වතාවන් සඳහා සුදුසු දිසා

නිවසේ ආගමික වතාවත් කිරීම සඳහා උතුර, ඊසාන, නැගෙනහිර වර්ණ කිරණ ප්‍රසාරණය වන දිසාවන්හි කිරීම ඉතාම සුබදායක වේ.

අන්තරීක්ෂ වර්ණ සංකේත සප්තමයක් 7 පෘතුවිය කරා කාන්දු වන්නේ අපගේ ජීව රසපාන මානයේ ( Biotonic scale ) සප්ත ස්වර රටාවට අනුගතවය.

රතු – හයිඩ්‍රජන් භෞතිකමය ශක්තිය
කහ – කාබන් ආකාශීය බලය
නිල් – ඔක්සිජන් ආධ්‍යාත්මික බලය

යනුවෙන් හැඳින් වේ.

 

සාර්ථකත්වයට හේතුවන වර්ණ භාවිතය

නිල් පැහැය – සෞම්‍ය ශීතගුණය ඔප් නංවයි. කියැවීම සඳහා එතරම් යහපත් වන්නේ නැහැ.

කොළ පැහැය – කොළ හරිත වර්ණය ඇසට ඉතාම හිතකරයි. ලෙඩ රෝග ව්‍යාධි සමනය කරන අතර සිරුරේ නිරෝගීබව වර්ධනය වේ. මානසික සතුට ප්‍රබෝධය ඇති වේ.

ළා තැඹිලි පැහැය – සටනින් ජයගෙන මානසිකව ඉහළ තෘප්තියක් ඇති වේ. විසිත්ත කාමරයකට යෝග්‍ය වේ.

රෝස පැහැය – ආදරය, ආලයට නැඹුරු වේ. නිදන කාමරයකට යෝග්‍ය වේ.

රතු පැහැය – භෞතිකමය වශයෙන් උණුසුම, අධිවේගිත්වය, අවෙගශීලි බව ඇති කරයි. සටන්කාමි වර්ණයකි.

දම් හා ළාදම් පැහැය – ඉතාම හිතකර මානසික සංවර්ධනයක් ඇති වන පාටකි. මානසික ප්‍රතිකාර කරන ස්ථාන වලට මෙම වර්ණය ඉතාම සුදුසුයි. නිල් සහ රතු සම්මිශ්‍රණ වර්ණ වේ.

භාවනා කිරීමට ළාදම් හා හරිත වර්ණය උපයෝගී කරගැනීමෙන් අධ්‍යාත්මික සංවර්දනය ඇති කරගැනීමට හැකි වේ.

නිවෙස තුල උල් කෝණාකාර හැඩ සහිත ( පාම්ස් ) වැනි ශාක පත්‍ර ඇති පැළෑටි ගේ ඇතුළත රාත්‍රී කාලයේ තිබීම අයහපත් නොවේ.

 

බිත්ති ඔරලෝසුව තබන නිවැරදි දිශාව

බිත්ති ඔරලෝසු උතුර, නැගෙනහිර, වයඹ, දකුණු දිශාවන්ට යහපත් වේ. කාමරවල ගිනිකොණ දිශාවේ විදුලිබල ශක්ති ඇති මෙවලම් තබන්න. නිවසේ බ්‍රහ්ම පාදය ( Center Foot ) නිදහස්ව තබන්න. අවහිරතාවයෙන් බැහැරව, පවිත්‍රකාරකව, නිවසේ ඊසාන පැත්ත සරලව නිදහස්ව සැහැල්ලුව තබන්න. වැසිකිලිය, කුස්සිය ආදියෙන් අවහිකර නොවන සේ.

 

පැති හතරට දොරටු හතරක්

මුළුතැන්ගෙයි, නාන හා වැසිකිළි පද්දතියේ ජල කරාමවලින් නිතර ජලය බින්දු වැටෙන සේ නොතබන්න. නිවෙස තුල පැති හතරටම දොරටු හතරක් තිබීම ඉතා යහපත්.

එක් දොරටුවකින් අනිත් දොරටුව එක එල්ලේ තිබීමෙන් නිවස තුලට කාන්දු වන සුබ අම්ලකර වායුව චක්‍රයක් සේ හැඩ නොවී සෘජුව විසිර යෑම යෝග්‍ය නොවේ.

නිදන කාමරයට කැඩපත සුදුසුද?

විශේෂයෙන්ම නිදන කාමරය තුළ සිය සිරුර පෙනෙන සේ කණ්නාඩිය නොතබන්න. එසේ තිබේ නම් නිතරම ආවරණය කිරීම වැදගත්ය.

අධ්‍යාපන කටයුතුවලට සුබ දිසාව

තමාට මෙන්ම දරුවන්ට පොත් පත් කියැවීම විශේෂයෙන්ම අධ්‍යාපන කටයුතු කිරීමට සුදුසුම දිසාව වන්නේ නැගෙනහිරයි. උතුර ඊසාන සම තත්වයන්ය.

පාඩම් කරන මේසය මත පළිඟු කැටයක් හෝ තිරිවානා ගලක් තැබීම යහපත් වේ. මේස පුටු බිත්තියට හේත්තු වන සේ තැබීම යහපත් නොවේ.

 

මානසික සතුට ලබන්නට සුබ දිශාව

නැගෙනහිර දිශාවට මුහුණලා ඔබේ වැඩ කටයුතු වල නිරත වේ නම් මානසික සංවර්ධනයක් ඇති වී සියළුම වැඩ කටයුතු අනපේක්ෂිත අන්දමට සාර්ථක වේ. වේද ගයත්‍රී මහා මන්ත්‍රය ජප කරන්නේ නම් ඔබේ එදිනෙදා වැඩ කටයුතු මැනවින් සාර්තාවයට පත් කර ගැනීමේ අවකාශය සෑදේ.

 

මුල්‍ය සම්පත් ලබන්න ලක්ෂ්මි දෙවඟන වඳින්න

විෂබීජ නාශක සුවඳ ධුපයකින් නිවස තුල ඖෂදීය දුම් ඇල්ලීම යහපත් වන්නේය. වාසනාව නියෝජනය කරන ශ්‍රී මහා ලක්ෂ්මි දෙවඟනගේ චිත්‍රයක් හෝ මුර්තියක් උතුරු හෝ නැගෙනහිර පෙදෙස් තැබීම ඉතාම සුබයි. වතාවත් පුද පුජා කිරීම නිසා මුල්‍ය සම්පත් ගලා එනු ඇත. නිවෙස තුල නිරන්තරයෙන්ම පිරිත් හඬ, උත්තර භාරතීය රාගධාරී සංගීත ස්වර ඇසීමට හැකිවන්නේ නම් ඔබේ මානසික සතුටත් ඔප් නැංවේ.

 

 

උපුටා ගැනීමකි

 

 

 

Popular Articles