මේ කථාව එක් අතකින් සමාජ ව්‍යසනයක්. තවත් පැත්තකින් පවුලේ ඛේදවාචකයක්. අපේ රටේ සිදුවන්නේ සමාජ විපර්යාසයක් කියලා ප්‍රශ්නෙන් ගැලවෙන්න පුළුවන්කමක් නැහැ. අපි මේ ප්‍රශ්ණය මුලින්ම හොදට තේරුම් ගන්න ඕනි. ඊට පස්සේ එකෙන් ගැලවෙන්න ක්‍රියාත්මක වෙන්න ඕනි.

ප්‍රශ්ණය බොහොම සංකීර්ණයි. දරුවා නව යොවුන් වියට පිවිසෙනවා. කායික, මානසික වෙනස්කම් ඇතිවෙන්න පටන් ගන්නවා. වෙසෙසින්ම සිතේ ඇතිවෙන පිබිදීම, සිතේ ඇතිවන උත්තේජනය මේ දරුවාට ඔරොත්තු දෙන්නේ නැහැ. ගංගාවක් ගලනවා වගේ සිත ඇතුලේ සිතුවිලි ගලාගෙන එන්න පටන් ගන්නවා. බොහෝ දේවල් සිතන්න පටන් ගන්නවා. ගහක මලක් පිපුණත්, කුරුල්ලෙකු නාදයක් නැගුවත් ඒ තුලින් පවා හැඟීම් ඇති වෙන්න පටන් ගන්නවා. ඉර පායන බහින එක, හඳ පායන බහින එක පවා දකින්නේ අමුතු විදිහට. එතෙක් තමා විරුද්ධ ලිංගිකයන්ගේ නොදුටු සුන්දරත්වයක්, ආකර්ෂණයක් දකින්න, දැනෙන්න පටන් ගන්නවා.

මේ ඔක්කොම එකතු කළාම එකට තමයි යෞවනය කියන්නේ. එක තමයි වැඩිහිටිවියට පා නගන පාලම. එත් දරුවා මේක දන්නේ නැහැ. දරුවා පාලම උද පිම්මේ දුවන්න පටන් ගන්නවා. අතක් පයක් බැරි වුනොත් වැටෙන්නේ මහා ප්‍රපාතයකට. ඒ විදිහට කොයි තරම් නම් මේ දරුවා ප්‍රපාතයට වැටෙනවාද? එතකොට තමයි අම්මලා තාත්තලා කම්පා වෙන්නේ. හඬා වැලපෙන්නේ.

දරුවන්ගේ මේ හැම වෙනස්කමක්ම සිද්දවන්නේ එක් පැත්තකින් මොළය ක්‍රමයෙන් පරිණත වෙන නිසා. අනිත් පැත්තෙන් සිරුර තුලට ශ්‍රාවය වන හෝමෝන කියන රසායන ද්‍රව්‍යක් නිසා. අපගේ සිරුර පාලනය වන්නේ මොළයේ තියෙන ස්නායු වලින් සහ හෝමෝන කියන රසායන ද්‍රව්‍යයන්ගෙන්. ඉතින් යෞවනත්වය අත්පත් කර දෙන්නත් මේ දෙන්නම තමයි.

හැම සතෙකුගේම ජීවිතය ගලාගෙන යන්න සලස් වන්නේ මේ ස්නායු සහ හෝමෝන කියන කොටස් දෙකයි. ඒවාට අවනත වෙනවා හැරෙන්න සතුන්ට වෙන කළහැකි දෙයක් නැහැ. එහෙත් මිනිස්සු වන අපේ වෙනසක් තියනවා. අපට ” උසස් මධ්‍යස්ථාන ” කියලා කොටසක් මොළයේ තියෙනවා. එමඟින් අපේ සිතුවිලි පාලනය කිරීමේ හැකියාව අපට ලැබෙනවා. හොඳ නරක පිලිබඳ අවබෝධය, ශිෂ්ඨසම්පන්න ලෙස ජිවත් වීමේ හැකියාව, ලිංගිකත්වය සහ අනිත් අයට වඩා ඉහලින් සිටීමේ මුලික ආශාවන් පාලනය කිරීමේ හැකියාව අපට තිබෙනවා.

ඒ වුනත් අපට මේ හැකියාවන් ඉබේ ලැබෙන්නේ නැහැ. ඒ සඳහා සමාජ වටපිටාව, අන් අයගේ ආදර්ශය, හොඳ දේ අගය කිරීම වැනි බොහෝ දේ වැදගත් වෙනවා. ඒ නිසා ඔබේ දරුවා සමඟ නිතරම කතා කරන්න. ආදරයෙන් කතා කරන්න. මෙම ලිපිය වැනි මෙම විෂයට අදාළ දේ කියවන්න දෙන්න. දරුවාට තම සිරුරේ ඇතිවන වෙනස්කම් පිළිබඳව අවබෝධ කර දෙන්න.

ඒ සමඟම සමාජ වෙබ් අඩවිවල ඇතිදේ පිළිබඳව අවබෝධ කරවන්න. විවිධ විකෘති මනස ඇති සම වයසේ අය මෙන්ම වැඩිහිටියන් ඒවාට තොරතුරු ඇතුළු කරනබව කියා දෙන්න. එමෙන්ම ඔබද එම තාක්ෂණයම භාවිතා කරමින් ඔබ හරි යැයි විශ්වාස කරන දේ දිගටම දරුවාගේ හිතට නැවත නැවතත් ඇතුළු කරන්න. ඔබගේ එම වෑයම ඉතා ප්‍රවේශමෙන් දිගටම සිදු කල විට දරුවාගේ සිත වෙනස් වීමට පටන් ගනීවි. කිසිම විටෙකත් ඔබ පරාජය භාරගන්න එපා. ” මට නම් දැන් ඇතිවෙලා. මට බැහැ මේ වදේ තවත් විඳින්න. ඔන්න ඔහේ ඕන එකක් කර ගත්ත දෙන්….. ” කියා මොහොතකවත් හිතන්න එපා.

සැබවින්ම කිවහොත් යෞවනය සකස් කිරීමේ, යෞවනය නිසිමඟට ගැනීමේ විශාල කාර්යභාරයක් මවුපියන්ටත් තියනවා. එය වගකීමෙන් යුතුව ඉටු කරන්න. එවිට ඔබට ජයගත හැක. ඔබේ දරුවා සමාජයට වැඩදායි පුද්ගලයෙකු කළ හැකියි.

උපුටා ගැනීමකි

- A word from our sposor -

spot_img

දරුවාගේ යෞවනය සකස් කිරීමේ වගකීම ඔබටයි

විවාහකයි නම් මොහොතක් නැවතිලා කියවලා යන්න

ගෑණු ලමයෙක් කවදා හරි මව් පදවිය ලබනවා.මව් පදවිය ලැබුවට පස්සේ අර කෙළිදෙලෙන් ගත කරපු කාලය එතනින් ඉවරයක් වෙන්වා. දැන් මවක් විදියට ඉන්න ඔනේ, ළමයි...

ලංකාවේ නිර්මාණය වන ප‍්‍රථම ත‍්‍රිමාණ සජීවීකරණ චිත‍්‍රපටය – “ගජමෑන්”

හැත්තෑව දශකයේ අතිශය ජනප‍්‍රිය හා ප‍්‍රබල කාටූන් චරිතයක් වූ කැමිලස් පෙරේරාගේ ”ගජමෑන්” ඇතුළු එම නිර්මාණවේදියා විසින් මෙරට පාඨකයින් හමුවේ තබන ලද තවත් අතිශය ආකර්ශනීය...

හිස කෙස් රකින ස්වභාවික සත්කාර

ඔබටත් හිස කෙස් පැසීම/ ගැලවී යාම/ හිස කෙස් තුනී වීම/හිස් හොරි ආදී ප්‍රශ්න තියෙනවද? කොතරම් ප්‍රතිකාර කලත් මේ සඳහා විසඳුමක් නැ කියන ඔයාලට අද...

ෆැෂන් කරන්න කැමති ඔයාට

ඔයාගේ ෆැෂන් ගැන ඔයාට තියෙන්නේ මොන වගේ දැනුමක් ද හැඟීමක් ද ? ඔයා පෞද්ගලිකව ඔයා කරන විලාසිතා ගැන එතරම් ප්‍රියමානප බවක් නැද්ද ? වැරදි...

අතවරයකින් බේරෙන්න ඔබත් දැනුවත් ද

ශ්‍රී ලංකාව වැනි රටක විවිධ හේතු මත දුෂණයට සහ හිංසනයට ලක්වුවන්ට මුහුණ දීමට සිදුවන මානසික ගැටළු ඉතා සංකීර්ණයි. මෙහි ඉතාම ඛේදනීය තත්වය වන්නේ දුෂනයට...

භාණ්ඩ අලෙවියට හොදම ක්‍රමය කුමක්ද

කාගෙන් හෝ ණය මුදලක් ලබාගෙන එහෙමත් නැත්නම් ආයතනයකින් කුඩා ණය මුදලක් ලබාගෙන ස්වයං රැකියාවක් ආරම්භ කර දිවි දිනන්නට උත්සහ කරන බහුතරයක් අපි අතරේ සිටිනවා. ස්වයං රැකියා...

අපේ සතුටු පවුල

මේ ලිපිය පවුලේ සතුට වෙනුවෙන් යමක් කරන්න සිතන තාත්තා , අම්මා, දුව, පුතා ඇතුළු ඔබේ පවුලේ සැවොම වෙනුවෙන්.... අපේ පවුල තුල සතුටින් ගත කරන අවස්ථා...

ආදරේ නිසා හැඟීමට වහල්වෙලා ජීවිත අකාලයේ විනාශ කරගන්න එපා

ආදරේ නිසා හැඟීමට වහල්වෙලා ජීවිත අකාලයේ විනාශ කරගන්න සිදුවීම් ගැන මේ සමාජයේ මොන තරම්නම් අහන්න දකින්න ලැබෙනවද..? වැලන්ටයින් දවසටත් ඒ විදිහට තරුණ ජීවිත හැඟීම...

මේ උදා වෙන සිංහල හින්දු අලුත් අවුරුද්දේ ගෙදරට එන අමුත්තන්ට පිළිගන්වන්න කේක් වර්ග කිහිපයක් සාදා ගන්නා ආකාරයයි අපි ඔබට කියලා දෙන්නේ.       මාවා කේක් අවශ්‍ය ද්‍රව්‍ය පිටි කෝප්ප...